ఆంధ్రా స్టైల్ టొమాటో కాజు మసాలా కర్రీ
Curries | vegetarian
Prep Time 5 Mins- Cook Time 20 Mins
Servings 3
కావాల్సిన పదార్ధాలు
- 3 tbsp నూనె
- 1/2 tsp జీలకర్ర
- 2 ఉల్లిపాయ తరుగు
- 2 రెబ్బల కరివేపాకు
- 2 ఎండుమిర్చి
- 1 tbsp అల్లం వెల్లులి పేస్ట్
- 1/2 cup జీడిపప్పు
- 3 టొమాటోల పేస్ట్
- 1/4 tsp పసుపు
- 1/4 tsp గరం మసాలా
- 1/2 tsp వేయించిన జీలకర్ర పొడి
- ఉప్పు
- 1/2 tsp ధనియాల పొడి
- 1 tsp కారం
- 2 టొమాటోల పెద్ద ముక్కలు
- 2 tbsp జీడిపప్పు పేస్ట్
- కొత్తిమీర తరుగు – కొద్దిగా
- 1 tsp నెయ్యి
- 250 ml నీళ్ళు
విధానం
-
నూనె వేడి చేసి అందులో జీలకర్ర వేసి చిటచిటలాడించాలి. తరువాత ఉల్లిపాయ తరుగు, కరివేపాకు, ఎండుమిర్చి ముక్కలు వేసి బంగారు రంగు వచ్చేదాక లేత వేపుకోవాలి.
-
ఉల్లిపాయ లేత బంగారు రంగు వచ్చాక జీడిపప్పు వేసి ఎర్రగా వేపుకోవాలి.
-
జీడిపప్పు వేగిన తరువాత అల్లం వెల్లులి ముద్ద వేసి వేపుకోవాలి.
-
తరువాత గరం మసాలా, కారం, ఉప్పు, జీలకర్ర పొడి ధనియాల పొడి వేసి నూనె పైకి తేలేదాక వేపుకోవాలి,
-
మసాలాలూ వేగిన తరువాత టొమాటో పేస్ట్ వేసి మీడియం ఫ్లేమ్ మీద నూనె పైకి తేలేదాక వేపుకోవాలి.
-
టొమాటోలు వేగిన తరువాత టొమాటో పెద్ద తరుగు ముక్కలు వేసి టొమాటో మెత్తబడే దాకా నూనెలో మగ్గించాలి.
-
టొమాటోల పైన తోలు ఊడేదాకా వేగిన తరువాత జీడిపప్పు పేస్ట్ వేసి వేపుకోవాలి (జీడిపప్పు పేస్ట్కి బదులు ఏమి వాడుకోవచ్చో టిప్స్ చూడండి).
-
నీళ్ళు పోసి బాగా కలిపి నూనె పైకి తేలేదాక మీడియం ఫ్లేమ్ మీద ఉడకనివ్వాలి. దింపే ముందు నెయ్యి కొత్తిమీర తరుగు వేసి కలిపి దింపేసుకోవాలి.
