Close Window Print

పాల తాలికలు | పాల తాళికలు రెసిపీ చాలా పాతకాలపు వంటకం

Prasadam | vegetarian

  • Cook Time 45 Mins
  • Servings 8

కావాల్సిన పదార్ధాలు

  • 1 cup తడి బియ్యం పిండి
  • 1 cup బెల్లం
  • 1 cup సగ్గుబియ్యం
  • 1/2 liter పాలు
  • 250 ml నీళ్ళు
  • 1 tsp యలకలపొడి
  • 3 tsp నెయ్యి
  • 3 tsp జీడిపప్పు
  • 2 tsp ఎండుకొబ్బరి పలుకులు
  • 2 tsp కిస్మిస్స్

విధానం

  1. 2 tbsps బెల్లం లో కొంచెం నీళ్ళు పోసి బెల్లం కరగనివ్వండి, బెల్లం కరిగాక అప్పుడు తడి బియ్యం పిండి వేసి స్టవ్ ఆపేసి బాగా కలుపుకోండి. (తడి బియ్యం పిండి ఎలా చేయాలో టిప్స్ లో ఉంది గమనించగలరు)
  2. పిండి మరీ గట్టిగా అనిపిస్తే కొద్దిగా నీళ్ళు పోసుకుని మృదువుగా కలుపుకోండి.
  3. మిగిలిన బెల్లంలో కాసిని నీళ్ళుపోసి ఓ పొంగు రాగానే దించి చల్లార్చుకోండి
  4. ఇప్పుడు తడి బియ్యం పిండి ముద్దని గోలి సైజు ఉండలు చేసి దాన్ని పొడవుగా కాస్త మందంగా మురుకుల సైజు లో చేసుకోండి. పిండిలో కొద్దిగా పక్కనుంచుకోవాలి.
  5. ఇప్పుడు పాలు నీళ్ళు కలిపి మరిగించండి ఓ పొంగు రాగే 30 నిమిషాలు నానా బెట్టిన సగ్గుబియ్యం వేసి సగం పైన ఉడకనివ్వండి.
  6. సగ్గుబియ్యం సగం పైన ఉడికాక తయారుగా ఉంచుకున్న తాలికలు పాలల్లో వేసి 5 నిమిషాలు గరిటతో కదపకుండా వదిలేయండి
  7. 5 నిమిషాల తరువాత నిదానంగా కలుపుకుని మూత పెట్టి సన్నని సెగ మీద 12-15 నిమిషాల పాటు ఉడకనివ్వండి
  8. 12 నిమిషాల తరువాత తాలికని స్పూన్ తో కట్ చేసి చూస్తే ఉడికి పాలని పీల్చుకున్నది లేనిది తెలుస్తుంది. లోపలిదాకా ఉడికాక పక్కనున్చుకున్న పిండి లో కాసిని నీళ్ళు పోసి ఉండలు లేకుండా కలుపుకుని తాలికల్లో కలిపి మరో 5-6 నిమిషాలు లో-ఫ్లేం మీద మూత పెట్టి ఉడకనివ్వండి.
  9. 5-6 నిమిషాలకి చిక్కబడుతుంది, అప్పుడు స్టవ్ ఆపేసి యాలకలపొడి , చల్లారిన బెల్లం పాకం పోసి నిదానంగా కలుపుకోండి
  10. నెయ్యి వేడి చేసి అందులో ఎండు కొబ్బరి పలుకులు, జీడిపప్పు, కిస్మిస్స్ వేసి ఎర్ర వేపి తాలికల్లో కలిపేసుకోండి.
  11. తాలికలు వేడి మీద కాస్త పచ్చిగా అనిపించొచ్చు, కానీ చల్లారాక పాలని బాగా పీలుస్తాయ్!