నూనే వేడి చేసి అందులో దాల్చిన చెక్కా, లవంగాలు, యాలకలు సోంపు జీడిపప్పు వేసి ఎర్రగా వేపుకోవాలి
వేగిన తాలింపులో కెరివేపాకు వేసి వేపి, ఉల్లిపాయ చీలికలు వేసి లేత బంగారు రంగు వచ్చేదాకా వేపుకోవాలి.
ఉల్లిపాయలు పూర్తిగా మెత్తబడి రంగు మారాక, తాజా అల్లం వెల్లులి పేస్ట్ పచ్చిమిర్చి చీలికలు వేసి వేపుకోవాలి. ఆ తరువాత టమాటో ముక్కలు వేసి మెత్తగా గుజ్జుగా అయ్యేదాకా వేపుకుంటే చాలు.
గుజ్జుగా అయినా టమాటోలో పసుపు ధనియాల పొడి ,కారం, ¼ కప్పు నీళ్లు పోసి మసాలాల్లోంచి నూనె పైకి తేలేదాక వేపుకోవాలి.
నూనె పైకి తేలిన తరువాత బటాణీ, ఉప్పు వేసి 3-4 నిమిషాలు ఉడికిస్తే చాలు ఫ్రోజెన్ బటాణీ కదా మగ్గిపోతాయ్. ఆ తరువాత ఉడికించుకున్న ఆలూ కాస్త కొత్తిమీర తరుగు మటన్ మసాలా పొడి వేసి ఆలూ చిదిరిపోకుండా కలుపుకోవాలి.
ఆఖరున దింపే ముందు మిగిలిన కొత్తిమీర తరుగు వేసి కలిపి దింపేసుకోవాలి.