దోసకాయ ఎండుమిర్చి పచ్చడి | దోసకాయ పచ్చడి
Pickles & Chutneys | vegetarian
Prep Time 5 Mins- Cook Time 10 Mins
Servings 8
కావాల్సిన పదార్ధాలు
- 750 gms కొబ్బరి ముక్కాలా గట్టిగా ఉండే దోసకాయ
- 4 tbsp నూనె
- 2 tbsp వేరుశెనగ గుండ్లు
- 1 tsp జీలకర్ర
- ½ tbsp ధనియాలు
- 10-12 Cloves వెల్లులి
- చింతపండు (నిమ్మకాయంత)
- 1 ఉల్లిపాయ
- ఉప్పు (రుచికి సరిపడా)
- పసుపు (కొద్దిగా)
-
తాలింపు కోసం:
- 4 tbsp నూనె
- 1 tsp ఆవాలు
- 1 tsp సెనగపప్పు
- 1 tsp మినపప్పు
- 1 sprig కరివేపాకు (ఒక రెబ్బ)
- ½ tsp జీలకర్ర
- 1 ఎండుమిర్చి
- కొత్తిమీర (కొద్దిగా)
విధానం
-
గట్టిగా కొబ్బరి ముక్కలా ఉన్న దోసకాయ చెక్కు తీసి లోపలి గింజలు కూడా తీసేసి చిన్న చిన్న ముక్కలు తరిగి ఉంచుకోండి.
-
నూనె వేడి చేసి అందులో వేరుశెనగ గుండ్లు వేసి చిట్లనిచ్చి ఎండుమిర్చి, ధనియాలు, జీలకర్ర, వెల్లులి వేసి ఎండుమిర్చి పొంగి రంగు మారే దాకా వేపుకొండి.
-
వేగిన మిర్చి పల్లీల మిక్సర్ జార్లోకి తీసుకుని అందులోనే నానబెట్టిన చింతపండు, పసుపు, ఉప్పు వేసి మెత్తని పేస్ట్ చేసుకోండి.
-
మెత్తని పేస్ట్ లో పిడికెడు దోసకాయ ముక్కలు వదిలేసి మిగిలిన దోసకాయ ముక్కలు, ఒక ఉల్లిపాయ వేసి రెండు మూడు సార్లు పల్స్ చేస్తూ బరకగా గ్రైండ్ చేసుకోండి.
-
రుబ్బుకున్న పచ్చడిలో మిగిలిన దోసకాయ ముక్కలు వేసి కలుపుకోండి.
-
తాలింపు కోసం నూనె వేడి చేసి అందులో తాలింపు సామాగ్రీ ఒక్కోటి వేసుకుంటూ తాలింపుని ఎర్రగా వేపుకుని పచ్చడి తాలింపులో కలిపి పైన కొద్దిగా కొత్తిమీర చల్లుకుని దింపేసుకోండి.
-
ఈ పచ్చడి వేడిగా నెయ్యి వేసిన అన్నంతో చాలా రుచిగా ఉంటుంది.
