మామిడికాయ ఎండు నెత్తళ్లు కర్రీ | మామిడికాయ ఎండు చేపల కూర

5.0 AVERAGE
387 Comments

మామిడికాయ ఎండు నెత్తళ్లు కర్రీ అస్సలు ఇబ్బంది పెట్టె వాసన రాకుండా పుల్లని మామిడికాయ రుచితో తిన్న కొద్దీ ఇంకా తినాలనిపించే కోనసీమ స్పెషల్ మామిడికాయా ఎండు నెత్తళ్లు వేడి వేడి అన్నంతో పర్ఫెక్ట్ జోడీ.

సాధారణంగా ఎండు చేపల గురించి  ఎంత చెప్పినా నాకు ఆ వాసన అస్సలు నచ్చేది కాదు అందుకే ఆ జోలికే నేను పోలేదు. ఆలాంటిది  పెళ్ళైన తరువాత నా వైఫ్ చేయడం మొదలు పెట్టిన తరువాత అర్రర్రే ఇన్నాళ్లు ఇంత మంచి రెసిపీస్ ఎలా మిస్ అయ్యాను అని చాలా బాధపడ్డాను. ఆ తరువాత ఎండు చేపలు ఎండు రొయ్యలతో ఇన్ని రకాల రుచులున్నాయి అని తెలుసుకుని నా తీరులో మార్చుకుని ఆశ్వాదిస్తున్నాను, అలా నా రుచుల్లో ఒకటి కోనసీమ వారి మామిడికాయ ఎండు నెత్తళ్ల ఇగురు.

కింద నేను చెప్పే తీరులో మీరు చేపలని శుభ్రపరుచుకుంటే అస్సలు నీచు వాసన రానే రాదు!!!!

రెసిపీ ప్రింట్ చేయడానికి

టిప్స్

చేపలు శుభ్రపరుచుకునే తీరు:

  1. సాధారణంగా ఎండు చేపలని చాలా అపరిశుభ్రంగా ఎండబెడతారు, కాబట్టి వాటిని బాగా శుభ్రపరుచుకోవాలి.

  2. ముందుగా చేప తలా తోకలు తుంచి పెనం మీద వేసి సన్నని సెగ మీద వేపుకుంటే చేప వేడెక్కుతుంది, దీని వల్ల చేప కూరలో ఉడికేప్పుడు వచ్చే దుర్వాసన పోతుంది.

  3. వేపుకున్న చేపని మరుగతున్న నీళ్లలో వేసి కేవలం 10 సెకన్లు ఉంచి వడకట్టేసి చల్లని నీళ్లలో వేసి కడుక్కుంటే చేపకుండే మురికి ఇసుక దాదాపుగా పోతాయ్.

ఇంకొన్ని విషయాలు:

  1. సాధారణంగా కోనసీమ వారు నేను వేసినట్లు కొబ్బరి పొడి వేయరు, జీలకర్ర పొడి కూడా వేయరు. జీలకర్ర పొడి ఫ్లేవర్ కోసం, కొబ్బరి పొడి కూర చిక్కదనం కోసం వేశాను.

  2. ఈ కూరకి కాస్త నూనెలుంటే చాలా రుచిగా ఉంటుంది, ఇంకా నిల్వ కూడా ఉంటుంది.

More Recipes

మామిడికాయ ఎండు నెత్తళ్లు కర్రీ | మామిడికాయ ఎండు చేపల కూర - రెసిపీ వీడియో

Andhra-Style Dried Anchovy Curry with Raw Mango | Mamidikaya Endu Nethallu Curry

| nonvegetarian
  • Prep Time 10 mins
  • Cook Time 20 mins
  • Total Time 30 mins
  • Servings 4
See this Recipe in English

కావాల్సిన పదార్ధాలు

  • 70 grams ఎండు నెత్తళ్లు
  • 8-10 tbsp నూనె
  • ½ tsp ఆవాలు
  • ½ tsp జీలకర్ర
  • 1 ఎండు మిర్చి
  • 1 sprig కరివేపాకు
  • 8-10 cloves దంచిన వెల్లులి
  • ½ cup ఉల్లిపాయ తరుగు
  • 2 slits పచ్చిమిర్చి చీలికలు
  • ఉప్పు - రుచికి సరిపడా
  • 1½ tbsp కారం
  • ¼ tsp పసుపు
  • 1 tsp ధనియాల పొడి
  • ½ tsp జీలకర్ర పొడి
  • 1 cup టమాటో తరుగు
  • 1¼ cups నీరు
  • 2 tbsp ఎండు కొబ్బరి పొడి
  • కొత్తిమీర తరుగు - కొద్దిగా
  • ⅓ cup చెక్కు తీసుకున్న పచ్చి మామిడికాయ ముక్కలు
రెసిపీ ప్రింట్ చేయడానికి

విధానం

  1. చేపల తలలని తోకలని తుంచుకోండి, తరువాత పెనం మీద వేసి సన్నని సెగ మీద చేపని వెచ్చబడే దాకా వేపుకోండి.
  2. వేగిన చేపలని మరిగే వేడి నీటిలో వేసి కేవలం 10 సెకన్లు ఉడికించి వడకట్టేసి చల్లని నీళ్లలో వేసి నెమ్మదిగా చేప చిదిరిపోకుండా కడుక్కుని తీసుకుంటే చేప శుభ్రపడినట్లె!!!
  3. నూనె వేడి చేసి ఆవాలు జీలకర్ర ఎండుమిర్చి వెల్లులి కరివేపాకు వేసి తాలింపు పెట్టుకోండి.
  4. వేగిన తాలింపులో ఉల్లి పాయ తరుగు పచ్చిమిర్చి చీలికలు వేసి ఉల్లిని లేత గులాబీ రంగు వచ్చేదాకా వేపుకోండి.
  5. ఉల్లి మెత్తబడ్డాక టమాటో ముక్కలు ఉప్పు వేసి టమాటోలు గుజ్జుగా అయ్యాయేదాకా మగ్గించుకోండి. ఆ తరువాత పసుపు కారం జీలకర్ర పొడి ధనియాల పొడి వేసి వేపుకోండి.
  6. కారాలు వేగిన తరువాత శుభ్రం చేసుకున్న ఎండు చేపలు వేసి నెమ్మదిగా కలిపి 2-3 నిమిషాలు వెస్పుకోండి. ఆ ఆతరువాత నీరు పోసి నూనెపైకి తేలేదాకా మగ్గనివ్వండి.
  7. 1¼ కప్పుల నీళ్లు పోసి, కూరలో నూనె పైకి తేలే వరకు ఉడికించాలి.
  8. చేపల్లోంచి నూనె పైకి తేలిన తరువాత మామిడికాయ ముక్కలు వేసి ముక్కలని మెత్తబడనివ్వండి.
  9. ఆఖరుగా కొబ్బరి పొడి కొత్తిమీర తరుగు వేసి కలిపి దింపేసుకోండి.

Leave a comment

Rate this Recipe:
Your email address will not be published.

387 comments