తోటకూర గట్టి గారెలు

Snacks

5.0 AVERAGE

సాయంత్రాలు టీ తో బెస్ట్ జోడీ తమిళనాడు కేరళ స్పెషల్ కీరయ్ వడ. కరకరలాడుతూ తిన్న కొద్దీ తినాలనిపించే తమిళనాడు స్ట్రీట్ ఫుడ్ రెసిపీ కీరయ్ వడ రెసిపీ స్టెప్ బై స్టెప్ ఇమేజేస్ ఇంకా వీడియోతో ఉంది చూడండి.

“కీరయ్” అంటే తోటకూర తమిళంలో. తోటకూర శెనగపప్పు, మినపప్పు కలిపి చేసే ఈ వడ కరకరలాడుతూ చాలా రుచిగా ఉంటుంది. వీటినే తెలుగులో నేను తోటకూర గట్టి గారెలు అన్నాను.

మసాలా వడ దక్షిణాది వారందరకీ బాగా తెలిసిన రెసిపీ. ఈ కీరయ్ వడ రెసిపీ కూడా దాదాపుగా అలాంటిదే, కానీ ఇంకా ఎక్కువగా కరకరలాడుతూ చాలా రుచిగా ఉంటుంది. తమిళనాడులో వీధి చివర ఏ టీ కొట్టు దగ్గరికి వెళ్ళినా సాయంత్రాలు తప్పక ఈ కీరయ్ వడ దొరుకుతుంది. ఈ వడ శెనగపప్పు వేసి చేసే మసాలా వడ కంటే ఎక్కువసేపు కరకరలాడుతూ రుచిగా ఉంటుంది.

రెసిపీ ప్రింట్ చేయడానికి

టిప్స్

నానబెట్టిన పప్పుని పూర్తిగా వడకట్టి 3-4 tbsp నీళ్ళు వేసి బరకగా గట్టిగా రుబ్బుకోవాలి, అప్పుడే వడలు నూనెలో వేసినా విరగవ్
ఈ రెసిపీకి పలుచని ఆకులు, సన్నని కాడలతో ఉండే కొయ్య తోటకూర రుచిగా ఉంటుంది. దొరకని వారు లేత తోటకూర వాడుకోవచ్చు
వడలు మరీ పల్చగా బాగా మందం కాకుండా వత్తుకునిమ్ వేడి నూనెలో వేసి ఎర్రగా కరకరలాడేట్టు వేపుకోవాలి.
ముకుడులో 4-5 వడలకంటే ఎక్కువ వేయకండి, కొద్దికొద్దిగా వేస్తూ ఎక్కువసేపు కరకరలాడేట్టు వేపుకోవాలి. పిండి ఎంత గట్టిగా ఉంటే అంతే కరకరలాడుతూ వస్తాయ్ వడలు.

తోటకూర గట్టి గారెలు - రెసిపీ వీడియో

Amaranthus Vada | Keerai Vada | Thotakura Vadalu | How to make Crunchy Masala vada

Snacks | vegetarian

Prep Time 2 mins
Soaking Time 4 hrs
Cook Time 15 mins
Total Time 4 hrs 17 mins
Servings 5

See this Recipe in English

కావాల్సిన పదార్ధాలు

1 cup పచ్చి శెనగపప్పు
1/2 cup మినపప్పు
2 పచ్చిమిర్చి
4 వెల్లులి (ఆప్షనల్)
1 tsp అల్లం తరుగు
ఉప్పు
1 cup తోటకూర తరుగు
1 tsp సొంపు
నూనె వేపుకోడానికి

రెసిపీ ప్రింట్ చేయడానికి

విధానం

Hide Pictures

శెనగపప్పు మినపప్పు రెంటినీ కడిగి నీళ్ళు పోసి 4 గంటలు నానబెట్టుకోవాలి.
నానిన పప్పుని వడకట్టి మిక్సీలో వేసి 3-4 tbsp నీళ్ళు పోసి బరకగా గట్టిగా రుబ్బుకోవాలి.
గట్టి శెనగపప్పు ముద్దలో మిగిలిన పదార్ధాలన్నీ వేసి తోటకూరని గట్టిగా పిండుతూ కలుపుకోవాలి.
కలుపుకున్న పిండి ముద్దని అరిటాకు పై 3-4 బొట్లు నూనె వేసి దాని మీద పెద్ద నిమ్మకాయ సైజు పిండి ముద్దని పలుచగా వత్తుకుని మధ్యలో రంధ్రం చేసి వేడి వేడి నూనెలో వేసి ఎర్రగా కరకరలాడేట్టు వేపుకోవాలి.
వడలు వేసేప్పుడు మంట తగ్గించి వేశాక మీడియం- హై ఫ్లేమ్ మీద ఎర్రగా కరకరలాడేట్టు వేపుకోవాలి.