చేగోడీలు రెసిపి
10 Comments
“చేగోడీలు” మాంచి టైం పాస్ స్నాక్. ఇది ఒక్క తెలుగు రాష్ట్రాల్లోనే కాదు, కర్ణాటక లోకూడా చేస్తారు. వారి తీరు కాస్త భిన్నంగా ఉంటుంది.
తెలుగు వారు ఈ చేగోడీలనే రెండు మూడు రకాలుగా చేస్తుంటారు. అందులో ఒకటి ఇది. చేగోడీలు చేయడం ఎంతో తేలిక, కానీ కొన్ని టిప్స్ అవసరం. ఆ టిప్స్ పిండి కలపడం దగ్గర నుండి చేగోడీలు వేపేదాకా ఉన్నాయి.
రెసిపీ ప్రింట్ చేయడానికి 
టిప్స్
మైదా:
- నేను ఈ చేగోడీలకి మైదా వాడాను, కావాలంటే మీరు బియ్యం పిండి వాడుకోవచ్చు.
- గోధుమ పిండి తో కూడా చేసుకోవచ్చకు కానీ కాస్త బొంబాయ్ రవ్వ వేసి పిండి కలుపుకోవాలి. కానీ బియ్యం పిండి మైదా పిండి అంత కరకరలాడవు చేగోడీలు.
నెయ్యి- డాల్డా:
- నెయ్యి లేదా డాల్డా చేగోడీలు మరింత కరకరలాడేట్టు చేస్తుంది. నచ్చని వారు వేడి వేడి నూనె వేసుకోవచ్చు.
వాము:
- వాము నలిపి వేస్తే చేగోడీలు ఘాటుగా ఉంటాయి. కారం అవసరం ఉండదు. నచ్చితే కొద్దిగా కారం వేసుకోవచ్చు. జీలకర్ర వేసినా రుచిగానే ఉంటుంది
పసుపు:
- నేను చేగోడీలల్లో కొద్దిగా పసుపు వేశాను, ఆంధ్రాలో చేగోడీలు తెల్లగా కూడా ఉంటాయి. కాబట్టి పసుపు ఆప్షనల్
పిండి ఇలా వత్తుకోవాలి:
-
చేగోడీలకి నీళ్ళు పిండి ఒకే కొలత. పిండి నీళ్ళని పీల్చుకున్నకా వేడి మీదే వత్తాలి. వేడి మీద వత్తడం కష్టం, కాబట్టి తడిపి గట్టిగా పిండిన తడి గుడ్డతో సాధ్యమైనంత మేర బాగా వత్తుకుంటే, మిలినది గోరు వెచ్చగా ఉన్నప్పుడు వత్తుకోవచ్చు.
-
చేగోడీల కోసం కొద్దిగా పిండి తీసుకుని పొడవుగా చేసి వ చుట్టు సీల్ చేస్తారు, నేను పని సులభమవడానికి ఇంట్లో ఉండే కారప్పూస గిద్దలో పెద్ద రంధ్రం ఉండే ప్లేట్ పెట్టి దానితో వత్తుకుంటే పొడవుగా చేగోడీల పిండి వస్తుంది, తరువాత రింగ్స్ గా చుట్టేసుకోవచ్చు.
-
చేగోడీలు చేసి గాలికి కాస్త ఆరనిస్తే నూనె వేశాక పేలవు.
ఛేగోడీలు ఎందుకు మెత్తగా వస్తాయ్?
• చేగోడీలు వేసే ముందు నూనె బాగా వేడిగా ఉండాలి. వేడెక్కిన నూనె స్టవ్ ఆపేసి చేగోడీలు కొన్ని మాత్రమే వేసి వదిలేస్తే నూనెని పీల్చి చేగోడీలు పైకి తేలతాయ్. అప్పుడు స్టవ్ వెలిగించి హై-ఫ్లేమ్ మీద వేపితే చక్కగా వేగుతాయ్.
• నూనె వేడి సరిగా లేకపోయినా, ముకుడు సైజుకి మించి చేగోడీలు వేసినా, చేగోడీలు పైకి తేలాక హై-ఫ్లేమ్ మీద వేపకపోయినా రంగోస్తాయ్ కానీ మెత్తగా ఉంటాయి.
• చేగోడీలు వేసేప్పుడు నూనెలో గరిట పెడితే బరువుగా ఉండే చేగోడీలు, అడుగు పట్టవు. ఓ నిమిషం తరువాత చేగోడీలు పైకి తేలతాయ్, అప్పుడు గరిట తీసేయండి.
• అసలు చేగోడీలు వేపేప్పుడే ఒక చేగోడీ తీసి విరిపితే తెలిసిపోతుంది ఎంత వేగింది అన్నది.
• చేగోడీలు మరీ ఎర్రగా నూనెలోనే వేపితే చల్లారాక ఇంకా ముదురు రంగులోకి మారతాయ్.
చేగోడీలు రెసిపి - రెసిపీ వీడియో
Chegodis | Chegodilu | Chekodi Recipe | Crispy Chekodi Recipe | How to Make Chekodi
Prep Time 10 mins- Cook Time 30 mins
- Total Time 40 mins
కావాల్సిన పదార్ధాలు
- 250 ml నీళ్ళు
- 1 tbsp నెయ్యి/డాల్డా
- 1 tsp వాము
- 1 tsp నువ్వులు
- 1/2 tsp పసుపు
- సాల్ట్
- 250 gms మైదా
- నూనె- వేయించడానికి సరిపడా
విధానం
- నీళ్ళని మరిగించాలి. నీళ్ళు కాగుతున్నపుడు మైదా తప్ప అన్నీ వేసి నీళ్ళని తెర్లనివ్వండి.
- నీళ్ళు తెర్లుతున్నప్పుడు మైదా వేసి స్టవ్ ఆఫ్ చేసి బాగా కలుపుకొండి
-
వేడి మీదే పిండి బాగా వత్తుకోవాలి, లేదంటే చెకోడీలు సరిగా రావు విరిగిపోతాయ్
-
వేడి మీదే ఓ తడి గుడ్డ పిండి మీద కప్పి, గుడ్డతో సహా వత్తుతూ పిండిని బాగా కలుపుకొండి, ఇలా చేస్తే సులువుగా ఉంటుంది వేడి మీద వత్తుకోవడానికి
-
పిండి బాగా కలుపుకున్నాక కారప్పూస గిద్దలో పెద్ద రంద్రాలుండే మౌల్ద్ పెట్టి లోపల నెయ్యి రాసి పిండి ముద్ద ఉంచి పూర్తిగా ఓ ప్లేట్ లో, లేదా బల్ల మీద వత్తుకోండి.
-
ఇప్పుడు వత్తుకున్న వాటిని వెలికి చుట్టుకుని అంచులని సీల్ చేస్తూ చిన్న చిన్న రింగ్స్ గా చేసుకోండి. వీటిని గాలికి 30 నిమిషాలు ఆరనివ్వండి.
- ఇలాగే అన్నీ రెడీ చేసుకోండి. మౌల్ద్ లేకపోతే చేత్తోనే ముందు పిండిని పొడవుగా సన్నగా వత్తుకుని తరువాత రింగ్స్ గా చేసుకోండి.
- ఇప్పుడు నూనె బాగా వేడెక్కాక స్టవ్ ఆపేసి నూనెలో ఓ చిల్లుల గరిట పెట్టి దాని మీద కొన్ని చేగోడీలు వేసుకోండి.
-
ఆ గరిట ఓ నిమిషం పాటు నూనె లోనే ఉంచి హై-ఫ్లేం మీద వేగనివ్వండి చెగోడీలని(వేపే టిప్స్ టిప్స్ లో వివరంగా ఉండి చూడగలరు).
- గరిట తీసేసి చేగోడీలను హై ఫ్లేం మీద 3-4 నిమిషాలు వేగనివ్వాలి.
- ఎర్రగా వేగాక చిల్లుల బుట్ట లేదా టిష్యూ నాప్కిన్ మీద తీసుకోండి. పూర్తిగా చల్లారాక డబ్బాలో పెట్టుకోండి
Leave a comment ×
10 comments