ఆంధ్రా స్టైల్ రొయ్యల మసాలా

4.0 AVERAGE

వేపిన రొయ్యల్లో ఉల్లిపాయ గుజ్జు ఉప్పు కారం మసాలాలో నెమ్మదిగా ఉడికించి కొత్తిమీర చల్లి చేసే ఆంధ్రా స్టైల్ రొయ్యల మసాలా రెసిపీ బ్యాచిలర్స్ ఇప్పుడిప్పుడే వంట నేర్చుకునే వారితో కూడా సులభంగా చేసేయగలరు.

రొయ్యల మసాలా చాలా తీరుల్లో ప్రాంతానికి తగినట్లుగా చేస్తారు. నేను చేస్తున్నది ఆంధ్రా స్టైల్. ఈ రొయ్యల కూర దగ్గరగా ముద్ద కూరల ఉంటుంది. ఘాటుగా కారంగా అన్నంతో చాలా రుచిగా ఉంటుంది.

సాధారణంగా రొయ్యల మసాలా కూరలో అంటే చాలా మంది టమాటో వేస్తారు, ఈ తీరులో టమాటో లేదు. కేవలం ఉల్లిపాయ గుజ్జు మాత్రమే. ఇంకా రొయ్యల కూరలో చాలా మంది చేసే పొరపాటు రొయ్యలు రబ్బరులా సాగడం. నా తీరులో నా స్టీపీలో చేస్తే రొయ్యలు చాలా మృదువుగా ఉంటాయి, అస్సలు నీచు వాసనా రాదు.

బెస్ట్ రొయ్యల మాసాల కూర కోసం కింద టిప్స్ చుడండి.

రెసిపీ ప్రింట్ చేయడానికి

టిప్స్

రొయ్యలు:

నేను మీడియం సైజు చెరువు రొయ్యలు వాడుతున్నాను. మీకు నచ్చితే టైగర్ ప్రాన్స్ కూడా వాడుకోవచ్చు.
రొయ్యలకి ఉప్పు పసుపు పట్టించి కనీసం ఒక అర గంట ఊరనిస్తే ముక్కకి ఉప్పు పడుతుంది.
రొయ్యలు నూనెలో వేసిన తరువాత నీరు వదులుతుంది. ఆ తరువాత 4 నిమిషాలు వేపిస్తే చాలు 50% వేగిపోతాయ్. ఆ వెంటనే తీసి పక్కనుంచుకొండి. మిగిలినది మసాలాలో మగ్గిపోతుంది. ఈ తీరులో చేస్తే రొయ్యలు మసాలాలని పీల్చి మృదువుగా ఉంటాయి.

నూనె:

మాంసాహారాలకి నూనెలుండాలి అప్పుడే రుచి

టమాటో:

నేను ఇందులో టమాటో వేయలేదు. ఇది మా ఇంట్లో మేము చేసుకునే తీరు. నచ్చితే మీరు 2 టమాటో సన్నని తరుగు వేసి మెత్తగా గుజ్జులా అయ్యేదాకా వేపుకోండి. కానీ కొద్దిగా ఉప్పు కారం ఎక్కువగా వేసుకోండి.

ఆఖరుగా ఇంకొన్ని :

మసాలా కూర అంటే పలుచగా జారుగా ఉండకూడదు. కాస్త చిక్కగా కుర్మా మాదిరి ఉండాలి.
కూర చేదోచ్చింది అంటే మసాలాలు మాడడం వల్ల లేదా మసాలాలు ఎక్కువ అవడం ఈ రెండే కారణాలు. ఒక వేళా అలా అయితే ఆఖరున కొద్దిగా నిమ్మరసం పిండేయండి.

More Recipes