దొండకాయ సెనగపప్పు కూర | దొండకాయ కూర
2 Comments
దొండకాయ సెనగపప్పు కూర దొండకాయ చీలికలని ఉడికించి తాలింపు పెట్టి అందులో ఉల్లి నానబెట్టుకున్న సెనగపప్పు కొబ్బరి అల్లం పచ్చిమిర్చి ముద్దా వేసి చేసే కూర నిమిషాల్లో తయారవుతుంది నిమిషాల్లో ఖాళీ కూడా అయిపోతుంది. అంత రుచి అంత సులభం ఈ కూర.
సాధారణంగా దొండకాయతో ఏ కూర చేసినా ఎంతో రుచిగా ఉన్నా తయారు చేయడానికి సమయం పడుతుంది కానీ ఈ తీరులో చేస్తే చాలా త్వరగా తయారైపోతుంది ఇంకా చాలా రుచిగా ఉంటుంది. బ్యాచిలర్స్ ఇంకా ఇప్పుడిప్పుడే వంట నేర్చుకునే వారికి లేదా ఆఫీసులకి వెళ్లే వారికి త్వరగా తయారయ్యే కూర ఏదైనా కావాలనుకుంటే ఈ కూర పర్ఫెక్ట్!!!
రెసిపీ ప్రింట్ చేయడానికి 
టిప్స్
దొండకాయ:
-
దొండకాయని ఒకే తీరులో చేరుకుంటే అన్నీ ఒకే తీరులో ఉడికి మగ్గుతాయ్.
-
దొండకాయని కుక్కర్లో ఒక్కటే విజిల్ హై ఫ్లేమ్ మీద రానిచ్చి స్టవ్ ఆపేస్తే ముందు దొండకాయ మగ్గిపోతుంది, ఆ తరువాత మిగిలినది తాలింపులో మగ్గుతుంది.
సెనగపప్పు :
- 100 గ్రాముల కందిపప్పుకి 1 tbsp పచ్చిశెనగపప్పు సరైన కొలత. నేను 300 గ్రాముల దొండకాయ చీలికలు తీసుకుంటున్నాను కాబట్టి మూడు చెంచాలు సరిగ్గా సరిపోతాయి. దొండకాయల్ని సెనగపప్పుని కలిపి ఉడికించేసుకుంటే సరిగా పప్పు చిదురైపోకుండా ఉడికిపోతుంది.
దొండకాయ సెనగపప్పు కూర | దొండకాయ కూర - రెసిపీ వీడియో
Ivy Gourd Chana Dal Curry | Dondakaya Senagapappu Curry
Curries
|
vegetarian
Prep Time 10 mins- Soaking Time 15 mins
- Cook Time 20 mins
- Total Time 45 mins
Servings 4
కావాల్సిన పదార్ధాలు
-
కావలసినవి:
- 300 grams దొండకాయ చీలికలు
- 3 tbsp పచ్చి సెనగపప్పు
- ¾ cup నీళ్లు
-
కొబ్బరి ముద్ద కోసం:
- ¼ cup పచ్చి కొబ్బరి
- 3 పచ్చి మిర్చి
- అల్లం - అంగుళం
-
తాలింపు కోసం:
- 4 tbsp నూనె
- 1 tsp ఆవాలు
- 1 tsp మినపప్పు
- ఇంగువ - కొద్దిగా
- ½ tsp జీలకర్ర
- 2 sprigs కరివేపాకు
- ⅓ cup ఉల్లిపాయ తరుగు
- ఉప్పు - రుచికి సరిపడా
- ¼ tsp పసుపు
- ½-1 tsp కారం
- 1 tsp ధనియాల పొడి
- కొత్తిమీర తరుగు - కొద్దిగా
విధానం
-
మూడు టేబుల్ స్పూన్ల పచ్చిశెనగపప్పును పదిహేను నిమిషాలు నానబెట్టుకోండి.
-
ప్రెషర్ కుక్కర్లో దొండకాయ చీలికలు నానబెట్టుకున్న పచ్చిశెనగపప్పు నీరు పోసి ఒక్కటే విజిల్ హై ఫ్లేమ్ మీద రానిచ్చి స్టవ్ ఆపేయండి.
-
మిక్సర్ జార్లో కొబ్బరి అల్లం పచ్చిమిర్చి వేసి బరకగా పేస్ట్ చేసి ఉంచుకోండి.
-
నూనె వేడి చేసి ఆవాలు మినపప్పు కరివేపాకు ఇంగువ వేసి వేపుకోండి.
-
వేగిన తాలింపులో ఉల్లిపాయ తరుగు ఉప్పు వేసి ఉల్లిని మెత్తబడనివ్వండి.
-
మెత్తబడ్డ ఉల్లిలో సగం పైన ఉడికిన దొండకాయ ముక్కలు సెనగపప్పు వేసి 3-4 నిమిషాలు మగ్గనివ్వండి.
-
మగ్గుతున్న కూరలోకి పసుపు కారం ధనియాల పొడి దొండకాయని ఉడికించుకున్న నీరు కొద్దిగా పోసి కలిపి మూత పెట్టి 7-8 నిమిషాలు మగ్గించండి.
-
దొండకాయ పూర్తిగా మగ్గిపోయిన తరువాత కొబ్బరి ముద్దా వేసి ఇంకో 3-4 నిమిషాలు మగ్గించండి.
-
చివర్లో కొత్తిమీర తరుగు చల్లి కలిపి దింపేసుకోండి.
Leave a comment ×
2 comments