పనీర్ బటర్ మసాలా
“పనీర్ బటర్ మసాలా” అందరి ఫేవరేట్ పంజాబీ కర్రీ. ఇది భారతీయులకే కాదు విదేశీయులు కూడా చాలా ఎక్కువ మంది ఇష్టపడే రెసిపీ. ఇది రోటీ, నాన్ చపాతీ, పూరి, జీర రైస్ ఇలా ఎందులోకైనా చాలా రుచిగా ఉంటుంది.
ఈ పనీర్ బటర్ మసాలా పంజాబీ వంటకం అయినా మన దగ్గరికి వచ్చేపాటికి మన మసాలాలు కారాలతో మరో తీరుగా ఉంటోంది. అసలు బటర్ మసాలా మన స్టైల్లోలాగా మసాలా ఘాటుతో ఉండదు, కమ్మగా ఉంటుంది ఉండాలి.
ఈ పనీర్ బటర్ మసాలానే పనీర్ మఖనీ అని బయర్ పనీర్ మసాలా అని రకరకాలుగా పిలుస్తుంటారు. ఏదైనా ఒక్కటే, చిక్కని టొమాటో జీడిపప్పు గ్రేవీతో క్రీమీగా ఉంటుంది.
టిప్స్
గ్రేవీ అంత చిక్కగా ఎర్రగా ఎలా వస్తుంది :
• పనీర్ బటర్ మసాలా గ్రేవీ టొమాటో జీడిపప్పుని గ్రైండ్ చేసి చేసేదే. ఈ గ్రేవినే మాఖ్యని గ్రేవీ అంటారు. అంత రంగు రావడానికి బాగా పండిన ఎర్రని టొమాటో వాడడం వల్ల, ఇంకా కాశ్మీరీ కారం వేయడం వల్ల అంత రంగు వస్తుంది కూరకి.
రెస్టారెంట్ లాంటి గ్రేవీ రావాలంటే :
• టొమాటోలు బాగా పండినవి ఇంకా పులుపు తక్కువగా ఉండే టొమాటోలు వాడుకుంటే గ్రేవీ కమ్మగా వస్తుంది
• జీడిపప్పు వేయడం వల్ల అంత చిక్కని కమ్మని గ్రేవీ వస్తుంది
• పనీర్ మృదువుగా తాజాగా ఉన్నది వాడాలి. బజార్ నుండి తెచ్చిన పనీర్ అయితే గ్రేవీలో వేసే ముందు 10 నిమిషాలు నీళ్ళలో నానబెడితే సాఫ్ట్ అవుతుంది. ఇంకా ఇంట్లో చేసుకునే పనీర్ ఎప్పుడూ గొప్ప రుచినిస్తుంది.
• కసూరీ మేథి నలిపినది వేసుకోవాలి. కసూరీ మేథీ లేకపోతే కొత్తిమీర వేసుకోండి. కానీ కసూరీ మేథీ వాడాలి అని గుర్తుంచుకోండి.
• నేను గ్రేవీని ఇంకా క్రీమీగా ఉంచడానికి కొద్దిగా పిస్తా వాడను. ఇది గ్రేవీకి కొత్త రుచినిస్తుంది. సంప్రదాయ పనీర్ బటర్ మాసాలలో అయితే పిస్తా వాడరు.
• గ్రేవీలో పంచదార వేస్తే టొమాటోల్లోని పుల్లదనాన్ని చక్కగా బాలన్స్ చేస్తుంది.
• గ్రేవీ లో నీళ్ళు పోసి మారిగిస్తుండగా పైన తేట ఏర్పడుతుంది దాన్ని తీసేస్తే గ్రేవీ చూడడానికి ఆకర్షణీయంగా ఉంటుంది.
• టెట్రా పాక్లో దొరికే ఫ్రెష్ క్రీమ్ లేకపోతే ఇంట్లో ఉండే పాల మీగడ వాడుకోవచ్చు.
• మసలాలు కారాల మోతాదు తక్కువగా ఉంచాలి, ఈ మసాలా కారంగా ఉండదు.
పనీర్ బటర్ మసాలా - రెసిపీ వీడియో
Paneer Butter Masala | How to make Paneer Butter Masala Recipe
- Prep Time 5 mins
- Cook Time 20 mins
- Total Time 25 mins
- Servings 4
కావాల్సిన పదార్ధాలు
- 200 gms పనీర్
- 5 టమాటో
- 1 ఉల్లిపాయ
- 1/4 cup జీడిపప్పు
- 1 ఇంచ్దా ల్చిన చెక్క
- 2 యాలకలు
- 2 లవంగాలు
- 1/2 ఇంచ్ అల్లం
- 4 వెల్లూలి
- 1/2 tsp నలిపిన కసూరి మేథి
- 3/4 tsp ధనియాల పొడి
- 3/4 tsp వేయించిన జీలకర్ర పొడి
- 1 tsp పంచదార
- 4 tbsps బటర్
- ఉప్పు
- 2 tsps కాశ్మీరీ కారం
- 1 tbsp నూనె
- 1/2 cup ఫ్రెష్ క్రీం(పాల మీగడ)
- 2 tsps కొత్తిమీర
- 300 ml నీళ్ళు గ్రేవీ కోసం
- 1/2 ltr టొమాటోలు ఉడికించడానికి
విధానం
- పాన్లో టమాటో ముక్కలు, ఉల్లిపాయ, చెక్క, లవంగాలు, యాలకలు, జీడిపప్పు ½ లీటర్ నీళ్ళు పోసి మెత్తగా ఉడికించుకోవాలి.
- మెత్తగా ఉడికాక నీళ్ళతో సహా వెన్నలా మెత్తగా మిక్సీలో గ్రైండ్ చేసుకోవాలి.
-
పాన్ లో బటర్ కరిగించి అందులో, కాస్త నూనె, కష్మీరి కారం వేసి కాసేపు వేపి అందులో గ్రైండ్ చేసుకున్న జీడిపప్పు టమాటో పేస్టు వేసి బాగా కలుపుతూ చిక్కబడనివ్వండి.
- గ్రేవీ చిక్కబడ్డాక కసూరీ మేథీ పొడి, ధనియాల పొడి, జీలకర్ర పొడి, పంచదార, ఉప్పు వేసి బాగా కలిపి 300 ml నీళ్ళు పోసి బాగా మరగనివ్వాలి.
- మరుగుతున్న గ్రేవీ పైన నూరగతో తేట ఏర్పడుతుంది దాన్ని తీసేయండి. కూర ఆకర్షణీయంగా కనిపిస్తుంది.
-
గ్రేవీ కాస్త చిక్కబడ్డాక పనీర్ ముక్కలు వేసుకుని 2-3 నిమిషాలు ఉడకనివ్వాలి.
- ఆఖరున ఫ్రెష్ క్రీం(పాల మీగడ) వేసి కలుపుకోండి.
- దిమ్పేసే ముందు కాస్త కొత్తిమీర తరుగు చల్లుకోండి.
Leave a comment ×
16 comments