భిండి దో ప్యాజా
“భిండి దో ప్యాజా” ఉత్తర భారతదేశంలో ఎంతో ఫేమస్. ఇది పెళ్ళిళ్ళలో ప్రేత్యేకంగా సర్వ్ చేస్తారు. నాకు ఈ కూరంటే నాకు చాలా ఇష్టం, కాని ఎప్పుడు చేసినా బెండకాయలు జిగురోస్తాయ్ తినేందుకు కూడా అంత రుచిగా ఉండదు. కానీ పెళ్ళిళ్ళలో ఇంకా దాబాల్లో రెస్టారెంట్స్లో చేసిన పర్ఫెక్ట్ స్టైల్ నాకు రాలేదు, కాబట్టి వదిలేశా.
ఓ సారి నేను సూరత్ దగ్గర ఓ దాబాలో తిన్నాను చాలా రుచిగా ఉంది, అందులో వారు ఆలూ వేయడం చూసాను, ఆ రుచి కూడా చాలా బాగుంది. పైగా ఆ రోజు నాకు వారి కిచెన్ లోపలి వెళ్లి చూసేందుకు అవకాశం దొరకడంతో ఈ కూర తయారీ చూసాను, దానితో నేను చేసే పొరపాట్లు తెలిశాయి. వారు చేసిన కూరకి నా అనుభవాన్ని కొంత జోడించి తయారుచేసిన కూరే ఈ భిండి దో ప్యాజా.
ఇది రొట్టెలు, పూరీలు, అన్నం ఎందులోకైనా చాలా రుచిగా ఉంటుంది.
టిప్స్
బెండకాయ జిగురు రాకుండా ఉండాలంటే?
-
లేత బెండకాయలు కూరకి ఎంతో రుచి. బెండకాయలు కడిగి తుడిచి ఆరబెట్టాలి. ఆ తరువాత తడి లేని కత్తితో ముక్కలు కోసుకుని ఆరబెట్టాలి
-
బెండకాయ ముక్కలు నూనెలో వేసి మూత పెట్టి హై- ఫ్లేమ్ మీద మధ్య మధ్యలో కలుపుతూ బెండకాయ ముక్కల అంచులు రంగుమారే దాక వేపుకుంటే అస్సలు జిగురురాదు
బెస్ట్ కూరకి ఇంకొన్ని టిప్స్:
• బెండకాయ వేపుడు అడుగు మందంగా ఉండే ఇనుప ముకుళ్ళు చాలా రుచినిస్తాయ్
• సహజంగా భీండి ధో ప్యాజా లో ఆలూ వేయారు, నేను సూరత్ దగ్గర నాకు నచ్చిన ఢాభా స్టైల్లో చేస్తున్నా
• వాము కూరకి మాంచి సువాసనని ఇస్తుంది. నచ్చని వదిలేవచ్చు
• ఉల్లిపాయ పాయలు పింక్ రంగులోకి మారితే చాలు తీసేయాలి. అలా వేగిన ఉల్లిపాయలు కూరకి మాంచి రుచినిస్తాయ్
భిండి దో ప్యాజా - రెసిపీ వీడియో
Bhindi do Pyaza | Okra Onion Curry | Easy Bhindi do Pyaza Recipe with Video | How to Make Bhindi do Pyaz
- Prep Time 5 mins
- Cook Time 20 mins
- Total Time 25 mins
- Servings 4
కావాల్సిన పదార్ధాలు
- 300 gms లేత బెండకాయలు
- 1 ఉల్లిపాయ (రేకులులా తరుక్కున్నది)
- 1 ఉల్లిపాయ (సన్నని తరుగు)
- 2 టమాటోల పేస్టు
- 1 టమాటో పెద్ద ముక్కలు
- 1/4 spoon వాము ()
- 3/4 spoon అల్లం తరుగు
- 1/3 cup నూనె
- 1 tbsp కారం
- ఉప్పు
- 1/4 tsp పసుపు
- 2 tbsps కొత్తిమీర తరుగు
విధానం
- 3 tbsps నూనె వేడి చేసి అందులో వాము నలిపి వేసుకోండి, వాము వేగాక బంగాళదుంప ముక్కలు వేసి మీడియం ఫ్లేం మీద ముక్కలు మెత్తబడి అంచులు లైట్ గోల్డెన్ కలర్ వచ్చేదాకా ఫ్రై చేసుకోండి
- ఇప్పుడు కడిగి తుడిచి ఆరబెట్టి ముక్కలుగా కోసుకున్న బెండకాయలు వేసి కేవలం హై-ఫ్లేం మీద మాత్రమే బెండకాయలు మగ్గెంత వరకు ఫ్రై చేసుకోవాలి.
-
12-15 నిమిషాలకి బెండకాయలు మెత్తబడి అక్కడక్కడ నల్లబడి మెత్తబడుతుంది అంటే ముక్కలోని జిగురోదిలింది, ముక్కలు మగ్గాయ్ అని గుర్తు.
- ఆ తరువాత గులాబీ రేకుల్లా తరుక్కున్న ఉల్లిపాయ ముక్కలు వేసి 3-4 నిమిషాల పాటు ఫ్రై చేయండి.
- ఉల్లిపాయలు రంగు మారి మగ్గితే చాలు, తీసి పక్కనుంచండి.
-
ఇప్పడు మరో పాన్ లో 2 tbsps నూనె వేడి చేసి అందులో అల్లం తరుగు వేసి వేపి సన్నని ఉల్లితరుగు వేసి ఉల్లిపాయలు మెత్తబడే దాక ఫ్రై చేయండి.
- ఇప్పుడు 2 టొమాటోల గుజ్జు వేసి టొమాటోల నుండి నీరు ఇగిరి నూనె పైకి తేలేదాకా ఫ్రై చేసుకోండి.
- టమాటోలు మెత్తగా మగ్గాక ఉప్పు, కారం, పసుపు వేసి ఫ్రై చేసుకోండి
-
నూనె పైకి తేలాక టమేటా ముక్కలు వేసి ముక్కలు మెత్తబడే దాక చిదమకుండా ఫ్రై చేసుకోండి.
- ఇప్పుడు వేపుకుని ఉంచుకున్న బెండకాయ, ఉల్లిపాయ ముక్కలు వేసి టమాటో గుజ్జు పట్టించి 3-4 నిమిషాలు ఫ్రై చేసుకోండి.
- దింపే ముందు కొత్తిమీర తరుగు చల్లి దిమ్పెసుకోండి.