చెట్టినాడు ఆలూ ఫ్రై
చెట్టినాడు అనగానే ముందు అక్కడి వంటకాల ఘాటు గుర్తొస్తుంది. ఏది చేసినా ఓ పిసరన్న చెట్టినాడు ఘాటు నషాలానికి అంటాల్సిందే ! అందుకే తమిళనాడు వారితో పాటు యావత్ దేశం లో అందరు చెట్టినాడు వంటకాలకి అభిమానులుగా మారిపోయారు!
ఈ ఆలూ వేపుడు మామూలు ఆలూ వేపుడుకి మల్లె ఉప్పు కారం వేసి వేపడం కాక, కాస్త భిన్నంగా భలేగా ఉంటుంది. ఇది వేడి వేడి నెయ్యన్నంతో పెరుగన్నం లో నంజుడుకి కూడా సూపరే!
టిప్స్
• పలుచని తోలు ఉన్న దుంపలు వాడితే కరకరలాడుతూ వస్తుంది వేపుడు.
• దుంపలని చెక్కు తీసి, చెక్కు తీయకుండా ఎలా అయినా వాడుకోవచ్చు. చెక్కు తీయనట్లైతే దుంపలని బాగా కడిగి వాడుకోండి
• దుంప ముక్కలని 80 % మాత్రమే మూత పెట్టకుండా ఉడికించండి. 80% ఉడికిస్తే మిగిలనది నూనెలో వేగేప్పుడు మగ్గిపోతుంది. మరీ మెత్తగా ఉడికిస్తే నూనెలో వేగేప్పుడు చిదిరిపోతాయ్
• నేను చేసిన మసాలా పొడి మీరు తినగలిగే కారనికి తగినట్లుగా వేసుకోండి
• వేపుడు నాన్ –స్టిక్ పాన్లో వేపేకన్నా కాస్ట్ – ఐరన్ ముకుళ్లలో చాలా బాగా వేగుతాయ్
చెట్టినాడు ఆలూ ఫ్రై - రెసిపీ వీడియో
Chettinad Spicy Crispy Potato Fry Recipe | How to make Crispy Potato Fry Recipe | Aloo Fry Recipe
- Prep Time 5 mins
- Cook Time 20 mins
- Total Time 25 mins
- Servings 4
కావాల్సిన పదార్ధాలు
- 1/2 kg ఉడికిన్చుకున్న బంగాలదుంప ముక్కలు
- 1/4 cup నూనె
- 1/4 spoon పసుపు
- 1 tsp ఆవాలు
- 1 tsp జీలకర్ర
- 1 రెబ్బ కరివేపాకు
-
మసాలా పొడి కోసం
- 2 tsps ధనియాలు
- 1 tbsp సెనగపప్పు
- 1 tsp మినపప్పు
- 1 tsp సోంపు
- 1 inch దాల్చిన చెక్క
- 5 లవంగాలు
- 1 అనాస పువ్వు
- మరాటి మొగ్గ (సగం ముక్క)
- 6 ఎండుమిర్చి
విధానం
- మసాలా కోసం ఉంచిన సామానంతా వేసి లో-ఫ్లేం మీద ఎర్రగా మంచి సువాసనోచ్చెంత వరకు వేపి కాస్త బరకగా పొడి చేసుకోండి.
- నూనె వేడి చేసి అందులో ఆవాలు, జీలకర్ర, కరివేపాకు రెబ్బలు, పసుపు వేసి వేపి ఉడికించి ముక్కలుగా చేసుకున్న బంగాళా దుంపల ముక్కలు వేసి మీడియం ఫ్లేం మీద క్రిస్పీగా వేపుకోండి.
-
బంగాలదుంపలు మీడియం ఫ్లేం మీద మూత పెట్టకుండా వేపుకోండి, ఎర్రగా వేగడానికి కనీసం 20 నిమిషాలు పైన టైం పడుతుంది.
- ఎర్రగా వేగాక ఇప్పుడు గ్రైండ్ చేసుకున్న మసాలా పొడి వేసి కలుపుకుని ౩-4 నిమిషాలు వేపుకుని దిమ్పెసుకోవడమే.
Leave a comment ×
2 comments