చెట్టినాడు చేపల పులుసు | చిక్కని స్పైసీ గ్రేవీతో ఉండే చెట్టినాడు చేపల పులుసు

5.0 AVERAGE

వీకెండ్స్లో లేదా ఎప్పుడైనా తృప్తిగా మాంచి చేపల పులుసు తినాలనుకుంటే చిక్కని స్పైసీ గ్రేవీతో ఉండే చెట్టినాడు చేపల పులుసు పర్ఫెక్ట్! చెట్టినాడు స్పెషల్ చేపల పులుసు రెసిపీ స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.

వేడి వేడిగా అన్నంతో, ఇడ్లీ అట్టు, చపాతీతో చెట్టినాడు చేపల పులుసు చాలా రుచిగా ఉంటుంది. చేపల పులుసు ప్రాంతాన్ని బట్టి ఒక్కో తీరుగా చేస్తారు, ఆంధ్రుల చేపల పులుసు పులుపు కారం పాళ్ళు ఎక్కువగా, కేరళ వారిది ఘాటుగా కమ్మగా ఉంటుంది. కానీ చెట్టినాడు చేపల పులుసు చిక్కగా కారంగా ఘాటుగా సువాసనతో ఉంటుంది.

చెట్టినాడు చేపల పులుసు రెసిపీ కూడా అన్నీ చేపల పులుసుల మాదిరే చేస్తారు, కానీ పులుసులో వేసే పదార్ధాలు వాటి మోతాదు భిన్నం అంతే! చెట్టినాడు చేపల పులుసు నాకు చాలా ఇష్టం. నిజానికి చెట్టినాడు చేపల పులుసు పేరుతో రెస్టారెంట్లలో మటన్ చికెన్కి వాడే గ్రేవీ స్టైల్లో చేస్తున్నారు, నిజానికి అలా ఉండదు అసలు చికెన్ మటన్కి వేసే మసాలాలు వేయరు.

మళ్ళీ చెప్తున్నాను తృప్తిగా చేపల పులుసు తినాలీ అనుకుంటే చెట్టినాడు చేపల పులుసు చేసి పెట్టండి, పొట్ట నిండడమే కాదు మనసు నిండిపోతుంది.

రెసిపీ ప్రింట్ చేయడానికి

టిప్స్

1.నూనె – చేపల పులుసుకి నూనె ఉంటేనే రుచి, అప్పుడే నీచు వాసన రాదు, ఇంకా పులుసు రెండో రోజు తిన్నా రుచిగా ఉంటుంది.

గ్రేవీ : గ్రేవీ రుచిగా రావాలంటే కచ్చితంగా ఓపికగా సన్నని సెగ మీద నూనె పైకి తేలేదాక ఉడికిస్తేనే రుచి.

3.పులుపు:ఈ పులుసులో పులుపు తెలిసి తెలియనట్లుగా ఉండాలి, అందుకే నిమ్మకాయ సైజు చింతపండు నుండి తీసిన పులుసు సరిపోతుంది.

4.చేపలు:ఈ పులుసుకి ఏ చేపలైనా వాడుకోవచ్చు, నేను బొచ్చ చేపల రకం వాడాను. నా దగ్గర చేప గుడ్లు ఉన్నాయి కాబట్టి పులుసులో వేశాను, దొరికితే మీరు వేసి పులుసు కాచండి చాలా బాగుంటుంది, లేకున్నా పర్లేదు.

More Recipes