Moodu pappula Kobbari Pachadi
మూడు పప్పుల కొబ్బరి పచ్చడి మూడు రకాల పప్పుల్ని దానికి సమానంగా కొబ్బరి వేసి మెత్తగా రుబ్బి ఇంగువ ఆవాల తాలింపు పెట్టి చేసే ఈ ఘుమఘుమలాడే పచ్చడి వేడి నెయ్యి అన్నంతో ఇడ్లీ ఎత్తుతో దేనితో అయినా చాలా రుచిగా ఉంటుంది.
ఈ మూడు పప్పుల కొబ్బరి పచ్చడి ఫ్రిజ్లో కనీసం వారం రోజులు నిల్వ ఉంటుంది.
టిప్స్
పప్పులు:
పప్పుల్ని సన్నని సెగ మీద కలుపుతూ వేపితే పప్పు లోపలి దాకా వేగి మాంచి సువాసన వస్తుంది అప్పుడు పచ్చడి రుచిగా ఉంటుంది.
కొబ్బరి:
మూడు పప్పులకి సమానంగా పచ్చి కొబ్బరి ఉండాలి
ఎండుమిర్చి:
మీరు ఈ పచ్చడి అచ్చంగా ఎండుమిర్చితో లేదా పచ్చిమిర్చితోనైనా చేసుకోవచ్చు. నేను ఎక్కువగా ఎండుమిర్చి కొద్దిగా పచ్చిమిర్చి వేసి చేశాను.
Moodu pappula Kobbari Pachadi - రెసిపీ వీడియో
Coconut Chutney with three lentils | Coconut Chutney with three dals
Pickles & Chutneys
|
vegetarian
- Prep Time 2 mins
- Cook Time 15 mins
- Total Time 17 mins
- Servings 10
కావాల్సిన పదార్ధాలు
- ¼ cup మినపప్పు
- ¼ cup సెనగపప్పు
- ¼ cup పెసరపప్పు
- ¾ cup పచ్చికొబ్బరి
- 4 tbsp నూనె
- 20 - 25 ఎండుమిర్చి
- 5 పచ్చిమిర్చి
- 12 - 15 వెల్లులి
- ½ tsp ధనియాలు
- ¼ tsp జీలకర్ర
- చింతపండు - నిమ్మకాయ సైజు అంత
- 1 tbsp బెల్లం
- నీరు - పచ్చడి బరకగా రుబ్బుకోడానికి
-
తాలింపు కోసం:
- 2 tbsp నూనె
- 1 tsp ఆవాలు
- ½ tso జీలకర్ర
- 2 ఎండుమిర్చి
- ¼ tsp ఇంగువ
- 2 sprigs కరివేపాకు
విధానం
- నూనె వేడి చేసి ఎండుమిర్చి పచ్చిమిర్చి వేసి ఎర్రగా వేపి తీసి పక్కనుంచుకోండి.
- మిగిలిన నూనెలో మూడు పప్పులు వేసి మాంచి సువాసన వచ్చేదాకా వేపుకోవాలి.
-
పప్పులు రంగు మారుతూ మాంచి సువాసన వస్తున్నప్పుడు ధనియాలు వెల్లులి వేసి వేపుకోవాలి.
- వేగిన పప్పుల్లో పచ్చికొబ్బరి ముక్కలు వేసి వేపుకోవాలి. ఆ తరువాత జీలకర్ర వేసి వేపుకోవాలి.
- మిక్సర్ జార్లో ముందుగా వేపుకున్న ఎండుమిర్చి చింతపండు బెల్లం ఉప్పు వేసుకోండి. ఆ తరువాత వేపుకున్న పప్పులు కొబ్బరి నీరు వేసి కాస్త బరకగా రుబ్బుకోవాలి.
-
తాలింపు కోసం నూనె వేడి చేసి అందులో ఆవాలు ఎండుమిర్చి జీలకర్ర ఇంగువ కరివేపాకు పసుపు ఒక్కోటిగా వేసి ఎర్రగా వేపుకోవాలి.
- వేగిన తాలింపులో బరకగా రుబ్బుకున్న పచ్చడి వేసి కలిపి దింపేసుకోండి.
- పచ్చడిలో ఒక వేళా కారం తక్కువగా అనిపిస్తే మిర్చిని విడిగా వేపి గ్రైండ్ చేసి తరువాత కలుపుకోండి.
Leave a comment ×