టమాటో నువ్వుల పచ్చడి
పుల్లగా కమ్మగా కారంగా ఎంతో రుచికరమైన చట్నీ “టొమాటో నువ్వుల పచ్చడి” ఇది అన్నం ఇడ్లీ అట్టు, గారె, చపాతీ పూరీలలోకి చాలా రుచిగా ఉంటుంది.
ఏ టిఫిన్స్ చేసుకున్నా ఈ సారి టొమాటో నువ్వుల పచ్చడి చేసి చూడండి ఇష్టంగా తింటారు. కాల్షియం తక్కువగా ఉన్నవారిని నువ్వులు ఎక్కువ తీసుకోమంటుంటారు, ఇలా నువ్వులు చేర్చి పచ్చళ్లు చేసుకున్నా రుచికి రుచి ఆరోగ్యం.
ఈ పచ్చడి చేయడం చాలా తేలికే కానీ కొన్ని టిప్స్ తో చేస్తే ఎక్కువ కొలతకి చేసినా అందరికీ నచ్చేలా మెచ్చేలా వస్తుంది.
టిప్స్
నాటు టొమాటోలు బెస్ట్ :
• టొమాటోలు నాటువి అయితే పుల్లగా చాలా రుచిగా ఉంటుంది పచ్చడి.
• పులుపు కావాలనుకునే వారు కాస్త చింతపండు వేసుకోవచ్చు కానీ, సహజంగా టొమాటో పండు నుండి వచ్చే పులుపు రుచి చాలా బాగుంటుంది.
• నాటు టొమాటోలు పండినవి బెస్ట్. నాటు టొమాటోలు లేనట్లైతే హైబ్రీడ్ టొమాటోలు వాడుకోవచ్చు. కానీ, కాస్త చింతపండు వేసుకోవాలి
టొమాటో పచ్చడికి కొన్ని టిప్స్ :
• టొమాటోని మరీ మెత్తగా ఎక్కువ సేపు మగ్గిస్తే వచ్చే రుచి ఒకలా ఉంటుంది, టొమాటో పచ్చి వాసన పొగానే దింపితే వచ్చే రుచి మరోలా ఉంటుంది. నాకు టిఫిన్స్ లోకి టొమాటో పచ్చి వాసన పొగానే దింపి చేసే పచ్చడి ఇష్టం.
• ఈ పచ్చడికి మిరపకాయలు కాస్త ఎక్కువ ఉండడం మేలు. ఎప్పుడూ వేసినట్లు వేస్తే నువ్వుల వల్ల చప్పదనం వస్తుంది
• ధనియాలు నువ్వులతో పాటు మెత్తగా గ్రైండ్ చేసుకోవచ్చు లేదా ముందు ధనియాలు వేపి పక్కకు తీసి మిగతా అంతా తాలింపు వేసుకుని పచ్చడి లో ఆఖరున ధనియాలని నలిపి వేసుకున్నా చాలా బాగుంటుంది అక్కడక్కడా పచ్చడి లో తెలుస్తూ.
• వెల్లూలి నచ్చకని వారు వదిలేవచ్చు
• ఈ పచ్చడి ఎండల కాలం సాయంత్రానికి చద్ది వాసనొస్తుంది. ఫ్రిజ్ లో ఉంచుకుంటే రెండు రోజులు నిలవవుంటుంది
నువ్వులకి బదులు ఏమి వాడుకోవచ్చు ?
• నువ్వులకి బదులు వేరుశెనగపప్పు , వేపిన ఆవిశ గింజలు , పుట్నాల పప్పు , వేపుకున్న పచ్చిసెనగపప్పు కూడా వాడుకోవచ్చు .
టమాటో నువ్వుల పచ్చడి - రెసిపీ వీడియో
Tomato Sesame Chutney | Tomato Nuvvula Chutney Recipe
- Prep Time 5 mins
- Cook Time 15 mins
- Total Time 20 mins
- Servings 8
కావాల్సిన పదార్ధాలు
- 1/2 kg పండు టొమాటోలు
- 8 -10 పచ్చిమిర్చి
- 2 tbsp నువ్వులు
- 5 వెల్లూలి
- 1/4 tbsp మెంతులు
- 1 tbsp ధనియాలు
- 1 tsp జీలకర్ర
- 3 tbsps నూనె
- ఉప్పు
-
తాలింపుకు
- కరివేపాకు (ఓ రెబ్బ)
- 1/2 tsp ఆవాలు
- 2 tsps నూనె
- 1/4 tsp జీలకర్ర
విధానం
- పాన్ లో మెంతులు వేసి ఎర్రగా వేపుకోవాలి, తరువాత ధనియాలు, జీలకర్ర వేసి వేపి ఆఖరున నువ్వులు వేసి చిటచిట అనేదాకా వేపుకోండి. తరువాత చల్లార్చి మెత్తని పొడి చేసుకోండి.
- ఇప్పుడు పాన్ లో నూనె వేడి చేసి అందులో పచ్చిమిర్చి వేసి మగ్గించుకోండి, పచ్చిమిర్చి మగ్గాక అందులో టమాటో ముక్కలు వేసి బాగా మగ్గనివ్వండి.
-
టొమాటోలు పూర్తిగా మగ్గి గుజ్జుగా అవ్వాలి, అప్పుడు నువ్వుల పొడి లో వేసుకోండి. అలాగే వెల్లూలి, సాల్ట్ వేసి మెత్తని పేస్టు చేసుకోండి.
- తాలిమ్పుకి నూనె వేడి చేసి ఆవాలు, జీలకర్ర, కరివేపాకు వేసి వేపి చట్నీ లో కలుపుకోండి.
- ఇది చలికాలం లో అయితే ఫ్రిజ్ లో పెడితే 3 రోజులు నిలవుంటుంది.
Leave a comment ×