వెజ్ ఖీమా మసాలా

Gravy Curries

ఈ పంజాబీ రెసిపి రెస్టారెంట్లల తో పాటు పంజాబీ దాభాల్లో రొటీలతో ఇష్టంగా తింటుంటారు. ఇది కూడా ఒకలాంటి మిక్స్ వెజ్ కర్రీనే కానీ రుచి రూపం భిన్నంగా ఉంటుంది.

కూరగాయలని సన్నగా ఖీమాలా తరిగి చేస్తారు అందుకే దీనికి ఆ పేరు. రొటీలు పూరీ చపాతీతో అందరికి నచ్చుతుంది, ఇష్టంగా తింటారు. ఆ కూర నేను తినను ఇది నేను తింటాను అనే పిల్లలకి ఇలా చేసి పెడితే వంకలు వెతక కుండా ఇష్టంగా తింటారు. ఇది నార్త్ ఇండియన్ స్టీల్లో కాక మనకి నచ్చేలా ఘాటుగా చాలా బాగుంటుంది.

రెసిపీ ప్రింట్ చేయడానికి

టిప్స్

• ఈ కూరకి ప్రతీ కూరని ఎంత సన్నగా ఖీమాలా తరిగితే అంతా రుచి

• సహజంగా రెస్టారెంట్ కర్రీ అనగానే జీడీఅప్పు పేస్ట్ వేస్తారు, చిక్కని కమ్మని గ్రేవీ కోసం. వదిలేవచ్చు. కానీ, కూర కాస్త పల్చగా వస్తుంది

• జీడిపప్పు కి బదులు నానబెట్టిన కర్భూజ గింజలు , బాదం , వేపిన వేరుశెనగపప్పు , నానబెట్టిన గసగసాలు ఏవైనా వాడుకోవచ్చు. లేదా సగం సగం చేసి కూడా వాడుకోవచ్చు.

• ఈ రెసిపికి నేను ఫ్రొజేన్ బటానీ వాడాను కాబట్టి ఆఖరున వేశాను. మీరు తాజా బటానీ వాడేట్లు అయితే ముపై నిమిషాలు వేడి నీళ్ళలో నానబెట్టుకుని కాప్సికం వేసేప్పుడే వేస్తే చక్కగా ఉడుకుతాయ్.

• కాశ్మీరీ కారం వేస్తే కూరకి మాంచి రంగు లేని వారు మన కారమే కాస్త తగ్గించి వేసుకోండి

• బటర్ కి బదులు నెయ్యి కూడా వాడుకోవచ్చు.

• రెస్టారెంట్ రుచి రూపం కావాలంటే ఆఖరున ఫ్రెష్ క్రీమ్ వాడాల్సిందే , ఫ్రెష్ క్రీమ్ లేని వారు పాల మీగడ వాడుకోవచ్చు

• నచ్చితే ఇందులో కొద్దిగా పనీర్ తురుము కూడా వాడుకోవచ్చు