ప్యూర్ వెజ్ కీమా బాల్స్ మాసాలా | సొయా కీమా బాల్స్ | కీమా బాల్స్ రెసిపీ

5.0 AVERAGE

ప్యూర్ వెజ్ కీమా బాల్స్ మాసాలా సొయా పొడిని ఉడికించి మసాలాలు సెనగపిండి కలిపి ఉండలుగా చేసి ఎర్రగా వేపి మసాలా కుర్మాలో వేసి చేసే ఈ సూపర్ హిట్ ప్యూర్ వెజ్ కీమా మసాలా కుర్మా రెసిపీ చపాతీ పూరి లేదా బాగారా అన్నం తో అమృతంలా ఉంటుంది.

తమిళనాడు పెళ్లిళ్లలో ఎక్కువ చేస్తుంటారు ఈ కుర్మా. ఈ ఘుభాళించే కుర్మా ఎక్కువగా చేస్తుంటారు అక్కడ కేటరింగ్ వారు. ఈ సింపుల్ చిక్కని గ్రేవీ రెసిపీలో కిటుకంతా మసాలా కారాలు సమపాళ్లలో వేస్తూ కమ్మగా ఉంచడంలోనే ఉంది.

ఈ రెసిపీ వివరాలని కింద స్టెప్ బై స్టెప్ ఇమేజెస్తో వివరంగా ఉంది చుడండి.

రెసిపీ ప్రింట్ చేయడానికి

టిప్స్

సొయా:

సోయాని వేడి నీటిలో 15-20 నిమిషాలు నానబెడితే మెత్తుగా అవుతుంది అప్పుడు నీరు పిండేసి వాడుకోండి.

కీమా బాల్స్:

కీమాబాల్స్ లో వేసే సెనగపిండి ఉండ కట్టడానికి దోహదం చేస్తుంది,
కాబట్టి నీరు గట్టిగా పిండి మితంగా సెనగపిండి వేస్తే పర్ఫెక్ట్ గా ఉండ కట్టేస్తుంది.
ఉండ లూస్ అయిపోయిందని ఎక్కువెక్కువ సెనగపిండి వేస్తే కీమా బాల్స్ రుచి ఉండవు.

కీమా బాల్స్ వేపే తీరు:

కీమా బాల్స్ నూనెలో వేసి ఒక 3-4 నిమిషాలు వదిలేస్తే 30%-40% వేగి గట్టి పడతాయ్, అప్పడూ నెమ్మదిగా తిరగేస్తూ ఎర్రగా వేపుకుని తీసుకోండి.

గ్రేవీ:

గ్రేవీ కోసం నానబెట్టిన పదార్ధాలని వెన్నంత మృదువుగా గ్రైండ్ చేసుకోండి అప్పుడు చాలా రుచిగా ఉంటుంది కుర్మా.
గ్రేవీని కాస్త పలుచగా ఉండగానే దింపేసుకుంటే చల్లారిన తరువాత బిగుసుగా అవ్వదు.
గ్రేవీ ఎంత ఎక్కువగా మరిగితే అంత రుచిగా ఉంటుంది కుర్మా.
ఈ కుర్మాలో ఎండు కారం వేయరు. కారమంతా పచ్చిమిర్చి నుండే వస్తుంది. ఘాటు మసాలాల నుండి వస్తుంది.

ప్యూర్ వెజ్ కీమా బాల్స్ మాసాలా | సొయా కీమా బాల్స్ | కీమా బాల్స్ రెసిపీ - రెసిపీ వీడియో

Wedding Style Soya Keema Masala | Pure Veg Keema Balls Masala | Keema Balls

Restaurant Style Recipes | vegetarian

Prep Time 5 mins
Soaking Time 30 mins
Cook Time 40 mins
Total Time 1 hr 15 mins
Servings 5

See this Recipe in English

కావాల్సిన పదార్ధాలు

వెజ్ కీమా బాల్స్ కోసం:
1 cup సొయా గ్రాన్యూల్స్
2 యాలకలు
2 లవంగాలు
½ inch దాల్చిన చెక్క
½ tsp అల్లం తరుగు
7-8 cloves వెల్లులి
2 పచ్చిమిర్చి
½ tsp జీలకర్ర
¼ cup సెనగపిండి
2 tbsp కొత్తిమీర
పుదీనా (చిన్న పిడికెడు)
నూనె (వేపుకోడానికి)
ఉప్పు (రుచికి సరిపడా)
గ్రేవీ మసాలా కోసం:
2 యాలకలు
2 లవంగాలు
¼ cup జీడిపప్పు
1 tsp గసగసాలు
¼ cup పచ్చి కొబ్బరి
2 పచ్చిమిర్చి
1 tsp ధనియాలు
½ inch దాల్చిన చెక్క
నీరు (నానబెట్టుకోడానికి)
కుర్మా కోసం:
½ cup ఉల్లిపాయ తరుగు
1 sprig కరివేపాకు (1 రెబ్బ)
½ tbsp అల్లం వెల్లులి పేస్ట్
¼ tsp పసుపు
2 cups నీరు
¼ cup నూనె
పుదీనా ఆకులు (కొద్దిగా)

రెసిపీ ప్రింట్ చేయడానికి

విధానం

Hide Pictures

సొయాని నీరు పోసి నానబెట్టి, గట్టిగా నీరు పిండేయండి. కీమా బాల్స్ కోసం ఉంచిన పదార్ధాలని మిక్సర్ జార్లో వేసి అందులో నీరు పిండి సొయా పొడి కూడా వేసి మెత్తగా రుబ్బుకోండి.
మెత్తగా రుబ్బుకున్న సొయా ముద్దలో సెనగపిండి కొత్తిమీర పుదీనా తరుగు వేసి బాగా కలిపి చేతికి నూనె రాసుకుని చిన్న నిమ్మకాయంత ఉండలుగా చేసుకోండి.
మరిగే నూనెలో కీమా ఉండలు వేసి 3-4 నిమిషాలు వదిలేయండి. 3-4 నిమిషాల తరువాత నెమ్మదిగా తిరగేస్తూ ఎర్రగా వేపుకుని తీసుకోండి. అలాగే మిగిలినవి కూడా వేపి తీసుకోండి.
గ్రేవీ కోసం నానబెట్టిన మసాలా దినుసులు అన్ని మిక్సర్ జార్లో వేసి మెత్తని పేస్ట్ చేసుకోండి.
నూనె వేడి చేసి ఉల్లిపాయ తర్గుగు కరివేపాకు వేసి ఉల్లిని ఎర్రగా వేపుకోండి. తర్వాత అల్లం వెల్లుల్లి ముద్ద వేసి మరొక నిమిషం వేపుకోండి.
ఎర్రబడిన ఉల్లిలో మసాలా ముద్దా ఉప్పు నీరు పోసి కలిపి మధ్యమధ్యలో కలుపుకుంటూ 15-20 నిమిషాలు ఉడికించండి.
15-20 నిమిషాల తరువాత ఎర్రగా వేపుకున్న కీమా ఉండలు వేసి కలిపి ఇంకో 3-4 నిమిషాలు ఉడికించి పైన పుదీనా తరుగు చల్లి దింపేసుకోండి.