చైనీస్ క్రిస్పీ కార్న్

4.5 AVERAGE

ఈ రెసిపి ఇండో – చైనీస్ రెసిపి. స్ట్రీట్ స్టైల్ క్రిస్పీ కార్న్ రెసిపీ కూడా ఉంది, అది కాస్త స్పైసీ గా ఉంటుంది. నేను క్రిస్పీ కార్న్ ఫ్రైడ్ రైస్ కూడా చేశా త్వరలో పోస్ట్ చేస్తా.

రెస్టారెంట్ స్టైల్ “క్రిస్పీ కార్న్” చేయడం చాలా తేలికగా కొన్ని టిప్స్ కొలతలతో చేస్తే. చేసినంత సేపు పట్టదు ఖాళీ చేయడానికి, అంతగా ఎంజాయ్ చేస్తారు ఈ సింపుల్ స్టార్టర్ని.

రెసిపీ ప్రింట్ చేయడానికి

టిప్స్

రెస్టారెంట్ అంతా పర్ఫెక్ట్గా అంత క్రంచీగా ఎలా వస్తాయి?

• కార్న్ ఎప్పుడూ తాజాగా ఉండాలి. అప్పడు నూనెలో కరకరలాడేట్టు వేగి తినేందుకు బాగుంటుంది. ఎండినవి వాడలినవి అంత రుచిగా ఉండదు.

• దీనికి నాటు మొక్కజొన్నల కంటే స్వీట్ కార్న్ పర్ఫెక్ట్.

తాజా కార్న్ వాడుకోవచ్చా? • నేను ఫ్రొజెన్ కార్న్ వాడాను, మీరు తాజా కార్న్ కూడా వాడుకోవచ్చు. తాజా కార్న్ వాడేట్లయితే చేత్తో మొక్కజొన్నలని చిదురవ్వకుండా వొలిచి వాడుకోవాలి.

కార్న్ కి కోటింగ్ సరిగా పట్టుకోవాలంటే?

• సగం పైన ఉడికిన కార్న్ లో చల్లారాక మాత్రమే కార్న్ ఫ్లోర్ వేసుకుంటే బాగా పట్టుకుంటుంది.

• వేడి మీద కార్న్ ఫ్లోర్ వేస్తే నీరు వదులుతూ ఎంత కార్న్ ఫ్లోర్ వేసినా చాలదు. కార్న్ ఫ్లోర్ ఎక్కువైతే పకోడీల అయిపోతుంది.

• అవసరమైతే కొద్దిగా నీళ్ళు చెంచాలతో చల్లుకుంటే పిండి కలుపుకుంటే గట్టిగా పట్టుకుంటుంది కార్న్కి. నీళ్ళు ఎక్కువైతే కార్న్ కి సరిగా పట్టక అంత క్రంచీగా రావు.

పర్ఫెక్ట్ గా కార్న్ ని ఎలా ఉడికించుకోవాలి?

• కార్న్ నీళ్ళలో వేసి హై – ఫ్లేమ్ మీద మూత పెట్టకుండా 80 % ఉడికించుకోవాలి. 80% అంటే ఒక గింజ నోట్లో వేసుకుంటే తెలిసిపోతుంది సగం పైన మెత్తగా ఉడికి ఇంకాస్త పలుకుగా తగులుతుంటుంది. అది 80%

• ఉడికించిన కార్న్ లోని నీటిని వెంటనే వంపేసి చన్నీళ్ళు పోసేస్తే ఇంక ఉడకవు.

కార్న్ వేపేప్పుడు తీసుకోవాల్సిన జాగ్రత్తలు:

• కార్న్ నూనె వేశాక ఒక్కోసారి పేలతాయి అందుకే కార్న్ వేగేప్పుడు ముకుడు మీద జల్లెడ ఉంచి వేపితే నూనె చిందినా మీద పడదు.

కార్న్ ని టాస్ చేసేప్పుడు ఇవి ఫాలో అవ్వండి:

• ఇండో – చైనీస్ స్టార్టర్స్ ఎప్పడూ హై – ఫ్లేమ్ మీద టాస్ చేసుకుంటే స్మోకీ ఫ్లేవర్ తో చాలా రుచిగా ఉంటుంది

• ఈ స్టార్టర్ వేడివేడిగా చాలా రుచిగా ఉంటుంది