షెజ్వాన్ వెజ్ ఫ్రైడ్ రైస్
4 Comments
ఇండో – చైనీస్ రెస్టారెంట్స లో ఎక్కువగా ఆర్డర్ చేసే వాటిలో షెజ్వాన్ ఫ్రైడ్ రైస్ ముందుంటుంది. ఇది రెస్టారెంట్ ఫ్రైడ్ రైస్లా చప్పగా ఉండదు. ఘాటుగా, కారంగా చాలా రుచిగా ఉంటుంది.
షెజ్వాన్ ఫ్రైడ్ రైస్ వెజ్- నాన్ వెజ్ రెండూ ఉంటాయ్.
రెసిపీ ప్రింట్ చేయడానికి 
టిప్స్
• షెజ్వాన్ ఫ్రైడ్ రైస్ అంటే తప్పకుండా అనాస పువ్వు పొడి వేయాలి, ఇది వేయడం వల్ల మాంచి సువాసనతో ఎంతో రుచిగా ఉంటుంది.
బియ్యం పొడి పొడిగా ఉండాలంటే?
• బాస్మతి బియ్యం ఓ కప్ అంటే 185 gms. గంట నానబెట్టి కాస్త ఉప్పేసి ఉడికించి, నీరు వార్చి ఆరబెట్టేస్తే పొడిపొడి గా వస్తుంది. మాంచి క్వాలిటీ రైస్ వాడుకోండి.
• బియ్యం ఎసరు మరుగుతున్నప్పుడు వేసి హై-ఫ్లేమ్ మీద ఉడికిస్తే మెత్తగా ఉడకదు. అన్నం 80% ఉడికితే చాలు. అన్నాన్ని నూనె రాసిన పళ్ళెంలో లేదా జల్లేడలో వేసి ఆరబెడితే పొడి పొడిగా వస్తుంది.
• ఇదే సోనా మసూరి బియ్యంతో కూడా చేసుకోవచ్చు.
షెజ్వాన్ సాస్ గురుంచి కొన్ని విషయాలు:
• రైస్ లో వాడే షెజ్వాన్ సాస్ కారం అన్నది మీరు వాడే మిరపకాయల క్వాలిటీ మీద లేదా బయటనుండి కొంటె ఆ బ్రాండ్ క్వాలిటీ మీద ఆధారపడి ఉంటుంది. కాబట్టి ఎప్పుడూ రుచి చూసి మీకు తగినట్లుగా వేసుకోండి.
ఆఖరుగా కొన్ని విషయాలు
• ఇందులో నేను ఆరోమేటిక్ పౌడర్ వాడను, అది అజినోమోటోకి బదులుగా. ఇది ఆన్లైన్లో దొరుకుతుంది. అందుబాటులో లేకపోతే వదిలేయండి. నచ్చితే అజినోమోటో వాడుకోండి.
• ఆఖరున దింపే ముందు వేసే చిటికెడు పంచదార ఫ్లేవర్స్ చక్కగా బేలన్స్ చేస్తుంది.
• చైనీస్ ఎప్పుడూ, హై ఫ్లేం మీద టాస్ చేస్తూ చేసుకుంటేనే స్మోకీ ఫ్లేవర్ తో చాలా రుచిగా ఉంటుంది.
• వెజిటేబుల్స్ హై – ఫ్లేమ్ మీదే 70 % వేపుకోవాలి అప్పుడే రుచిగా ఉంటుంది ఫ్రైడ్ రైస్.
షెజ్వాన్ వెజ్ ఫ్రైడ్ రైస్ - రెసిపీ వీడియో
Schezwan Veg Fried Rice | How to make Schezwan Fried Rice Recipe | Szechuan Recipe
Prep Time 5 mins- Cook Time 20 mins
- Total Time 25 mins
Servings 3
కావాల్సిన పదార్ధాలు
- 1 cup పొడిపొడిగా వండుకున్న బాస్మతి రైస్ (185 gms)
- 1/4 cup నూనె
- 1/4 cup సన్నని కేరట్ తరుగు
- 1/4 cup సన్నని బీన్స్ తరుగు
- 2 tbsps ఉల్లికాడల తరుగు
- 4 ఎండు మిర్చి
- 1/4 cup షెజ్వాన్ సాస్
- ఉప్పు
- 3/4 tbsp తెల్ల మిరియాల పొడి
- 3/4 tsp ఆరోమేటిక్ పౌడర్
- 3/4 tsp అనాస పువ్వు పొడి
- 1/2 tsp లైట్ సోయా సాస్
- 1/2 tsp వెనిగర్
విధానం
-
నూనె బాగా మరిగించి అందులో ఎండుమిర్చి, కేరట్ తరుగు, ఉల్లికాడల తరుగు వేసి హై ఫ్లేం మీద 70% వేగనివ్వండి.
-
తరువాత షెజ్వాన్ సాస్ వేసి బాగా ఫ్రై చేయండి.
-
ఇప్పుడు ఉప్పు, తెల్ల మిరియాల పొడి, ఆరోమేటిక్ పొడి, అనాస పువ్వు పొడి వేసి బాగా కలుపుకోండి.
-
పొడి పొడిగా వండుకున్న అన్నం వేసి హై ఫ్లేం మీద బాగా పట్టించండి.
-
తరువాత లైట్ సోయా సాస్, వెనిగర్ వేసి బాగా టాస్ చేయండి హై ఫ్లేం మీద.
-
దింపే ముందు చిటికెడు పంచదార, ఉల్లికాడల తరుగు వేసి బాగా టాస్ చేసి దిమ్పెసుకోండి.
Leave a comment ×
4 comments