మిక్స్ వెజ్ బాదాం సూప్
ఆరోగ్యమైనవి రుచిగా ఉండవు అనే మాట ఈ మిక్స్ వెజ్ బాదాం సూప్ తాగితే అనరేమో! అంత రుచిగా ఉంటుంది ఈ సూప్! ఈ సూప్ చేసుకోవడం కూడా చాలా తేలిక. డైట్లో ఉన్నవారు లేదా టీ కాఫీకి బదులు ఇంకేదైనా ఆరోగ్యంగా తాగలనుకున్నా! చిన్న పిల్లలకి హెల్తీ రెసిపీ కావాలనుకున్నా బెస్ట్ ఈ మిక్స్ వెజ్ బాదాం సూప్!!!
లైట్ సూప్లు హెవీ సూప్లు ఉంటాయి. లైట్ సూప్లు ఆకలి పెంచేవిగా హెవీ సూప్లు పొట్ట నింపేవిగా ఉంటాయ్. ఈ బాదాం సూప్ హెవీ సూప్. కానీ ఇందులో హెవీ సూప్లో ఉండే ఎక్కువెక్కువ కొవ్వు పదార్ధాలు ఉండవు. కేవలం ఒక చెంచా నూనె నచ్చితే కొద్దిగా వెన్న అంతే! ఈ బాదాం సూప్ బ్రేకఫాస్ట్గా లేదా లైట్గా డిన్నర్కి ఏమైనా తీసుకోవాలనిపించినప్పుడు పర్ఫెక్ట్!
టిప్స్
బాదం:
- నేను బాదం ఉడికించి పొత్తు తీశాను. ఉంటే మీరు రాత్రంతా నానబెట్టినవి పొట్టు తీసి వాడుకోవచ్చు
వెజ్జీస్:
-
కూరగాయలు ఉడికించెప్పుడు కొద్దిగా పంచదార వేస్తే కూరగాయలు నీళ్ళలో ఉడికినా రంగు మారవు
-
నేను వేసినవే కాదు మీరు నచ్చితే బ్రొకోలి. మష్రూమ్స్, కొద్దిగా చిలకద దుంప, తీపి గుమ్మడి ముక్కలు ఇలా ఏదైనా వాడుకోవచ్చు
-
నేను ఫ్రొజెన్ కార్న్ ఫరోజేన్ బటానీ వాడాను కాబట్టి పచ్చివే మిక్సీలో వేసేశాను. మీరు తాజావి వాడితే కేరట్తో పాటు కొద్దిసేపు ఉడికించుకోవాలి
-
కూరగాయలు మరీ మెత్తగా గుజ్జులా కాక కాస్త బరకగా రుబ్బుకోవాలి
మిక్స్ వెజ్ బాదాం సూప్ - రెసిపీ వీడియో
Almond Soup | Mix Veg Badam Soup | Healthy and Thick Almond Soup | How to Make Almond Soup
- Cook Time 15 mins
- Total Time 15 mins
- Servings 2
కావాల్సిన పదార్ధాలు
- 15 బాదాం
- 1/3 cup కేరట్
- 1/3 cup బీన్స్
- 2 tbsp స్వీట్ కార్న్
- 2 tbsp బటానీ
- 1/2 tsp నూనె
- 1 tsp బటర్
- ఉప్పు
- 1 tsp మిరియాల పొడి
- 1 tsp అల్లం తరుగు
- 1 tsp వెల్లులి తరుగు
- 1 tsp పచ్చిమిర్చి పేస్ట్
- 400 ml నీళ్ళు
విధానం
- బాదం నీళ్ళలో వేసి 10 నిమిషాలు ఉడికిస్తే పైన పొట్టు సులభంగా ఊడిపోతుంది. ఉడికిన బాదాంని మెత్తని పేస్ట్ చేసుకోండి.
- నీళ్ళలో పంచదార కేరట్ బీన్స్ వేసి 3-4 నిమిషాలు ఉడికించి దింపేసుకోండి.
-
మిక్సీలో ఉడికించిన బీన్స్ కేరట్ స్వీట్ కార్న్ బటానీ వేసి బరకగా గ్రైండ్ చేసుకోవాలి.
- సూప్ కాచే గిన్నెలో నూనె వెన్న కరిగించి అందులో అల్లం వెల్లులి వేసి వెళ్ళి లేత బంగారు రంగు వచ్చేదాక వేపుకోవాలి.
- వేగిన వెల్లులిలో బరకగా గ్రైండ్ చేసుకున్న వెజిటేబుల్ పేస్ట్ వేసి 2-3 నిమిషాలు వేపుకోవాలి.
-
వేగిన వెజిటేబుల్స్లో నీళ్ళు పోసి మరిగిస్తే పైన నోరగా ఏర్పడుతుంది, దాన్ని తీసేయండి.
- తరువాత మెత్తగా గ్రైండ్ చేసుకున్న బాదాం పేస్ట్ ఉప్పు మిరియాల పొడి వేసి 3-4 నిమిషాలు చిక్కడనివ్వాలి.
- సూప్ చిక్కబడ్డాక వేడి వేడిగా సర్వ చేసుకోండి.
Leave a comment ×
1 comments