ఆలూ కాప్సికం కర్రీ

Curries

5.0 AVERAGE

కొంచెం కారంగా ఘాటుగా ఉంటూ అన్నం పులావ్ పూరి చపాతీల్లోకి ఇంకా లంచ్ బాక్సులల్లోకి పర్ఫెక్ట్ జోడీ. సింపుల్ ఆలూ కాప్సికం కర్రీ చిక్కని గ్రేవీతో చేయడానికి ఎంతో సులభంగా తినడానికి ఎంతో కమ్మగా ఉంటుంది.

కొన్ని రెసిపీస్లో వేసేవి నాలుగైదు పదార్ధాలే అయినా ఎంతో రుచిగా ఉంటుంది. అలాంటిదే ఈ కర్రీ కూడా. నిజానికి నాకు సింపుల్ కూరలంటేనే చాలా ఇష్టం. వేసే ఆ నాలుగైదు పదార్ధాలు నోటికి అందుతూ మనసారా ఆస్వాదించగలుగుతాం. అలాంటిదే ఈ ఆలూ క్యాప్సికం కర్రీ.

ఆలూ కాప్సికం కర్రీ చాలా తీరులో చేసుకోవచ్చు. నేను తక్కువ నూనెలు మసాలాలు లేకుండా సింపుల్గా చేసాను. నచ్చితే మీరు వేసుకోవచ్చు, అది ఎలాగో ఏవేవి వేసుకోవాలో టిప్స్లో వివరంగా ఉంది చుడండి.

రెసిపీ ప్రింట్ చేయడానికి

టిప్స్

ఆలూ:

నేను దుంపలని చెక్కు తీసి ముక్కలుగా తరిగి నూనెలో వేపి చేసాను. మీరు కావాలంటే ఉడికించి వేపుకోవచ్చు, లేదా మెత్తగా ఉడికించిన దుంపని చేత్తో చిదిమి వేసుకొచ్చు.

కాప్సికం:

కాప్సికంకి బదులు మీరు ఫ్రెంచ్ బీన్స్ వేసుకోవచ్చు, ఇంకా బీన్స్తో పాటే కొన్ని కేరట్ ముక్కలు వేసుకోవచ్చు. కానీ ఆలూతో పాటే బీన్స్ కేరట్ వేసి వేపుకోవాలి.

అల్లం వెల్లులి పేస్ట్:

నేను ఇందులో అల్లం వెల్లులి వాడలేదు, నచ్చితే మీరు వేసుకోవచ్చు. ఇది నేను రోజూ తినే సింపుల్ కూరల తీరులో చేశాను

గరం మసాలా:

ఈ కూర చపాతీ, పులావుల్లోకి అయితే ఆఖార్తున కొద్దిగా గరం మసాలా చల్లుకోండి. వేయకపోయినా పర్లేదు.

కూర చిక్కబడితే:

కూరలో ఉన్న దుంపల కారణంగా చల్లారాక కూర చిక్కబడుతుంది. అలాంటప్పుడు కొద్దిగా వేడి నీళ్లు పోసి పలుచన చేసుకోండి.

వేరుశెనగ గుండ్లు:

వేరు సెనగ అందుబాటులో లేకపోతే జీడిపప్పు వాడుకోవచ్చు. లేదా పచ్చికొబ్బరి కొద్దిగా వేపి పేస్ట్ చేసి కూడా వాడుకోవచ్చు.