ఆలూ మేథీ పరాటా

Rotis Paratha

ఉడికించిన ఆలూ మెంతికూర వాము ఉప్పు కారం గోధుమపిండి వేసి నీళ్లతో మెత్తగా తడిపి మడతలు వేసి కాల్చే పరాటా లంచ్ బాక్సులకి డిన్నర్లకి తిరుగులేని ఆప్షన్ అవుతుంది.

చిరు చేదుగా గంటల తరువాత కూడా మెత్తగా దూదిలా ఉండే పరోటా ఇది. ఆలూ పరాటా అనగానే ఆలూ ముద్దని గోధుమపిండి ముద్దలో కూరి వత్తె పరాటానే, కానీ ఇది పిండిలో ఆలూ ఇంకా మెంతికూర వేసి మెత్తగా కలిపి చేసే ఆలూ మెంతి కూర పరాటా.

ఆలూ పరోటా చేసేప్పుడు చాలా మందికి పగిలిపోతుంది లోపల కోరిన ఆలూ ముదా బయటికి వచ్చేస్తుంది. ఈ తీరులో ఆ ఇబ్బందే ఉండదు! కమ్మని పెరుగుతో నంజుకు తింటే చాలు .

రెసిపీ ప్రింట్ చేయడానికి

టిప్స్

ఆలూ

ఆలు గడ్డ మెత్తగా ఉడికించి సన్నని రంధ్రాల వైపు తురిమి వాడుకుంటే రోటీలో గడ్డలు ఏర్పడవు.

మెంతి కూర:

నేను పెద్ద మెంతి ఆకు వాడను, మీరు చేదు ఇష్టపడే వారైతే సన్నని మెంతి కూర వాడుకోవచ్చు.

పిండి కలిపే తీరు:

గోధుమపిండి మెత్తగా అయ్యేదాకా కొద్దీ కొద్దిగా నీళ్లు చిలకరించుకుంటూ ఎక్కువసేపు వత్తుకోవాలి, ఇంకా తడిపిన పిండి కచ్చితంగా నానాలి. అప్పుడే రోటీ మృదువుగా ఉంటుంది. లేకపోతే అప్పడంలా అవుతుంది.

పరాటాలు కాస్త ఎక్కువ నూనె వేసి కాలిస్తే చాలా రుచిగా ఉంటాయి అనే మాట ఒప్పుకోవాలి. నేను అలా తినడానికే ఇష్టపడతాను. ఇంకా పరాటా మెత్తగా కూడా ఉంటుంది. నూనెతో కాల్చుకోవడం నచ్చని వారు తగ్గించుకోండి

పరాటాలు మడతలు ఇలా వేసుకోవాలి:

వత్తుకున్న పిండి ప్రతీ పొరలో నాలుగు బొట్లు నూనె వేసి మడత వేసి నెమ్మదిగా వత్తితే అప్పుడు పొరలు ఒకదానికి మరొకటి అంటుకోదు.

పరాటా కాల్చే తీరు:

వేడెక్కిన పెనం మీద పరోటా వేసి ముందు రెండు వైపులా నూనె వేయకుండా రంగు మారే దాకా కాల్చి తరువాత నూనె పూసుకుంటూ కాల్చుకోవాలి. పెనం వేడెక్కకుండా పరోటా వేస్తే గట్టిగా అవుతాయి!