ఉల్లిపాయ చపాతీ
మెత్తని మృదువైన చపాతీ అంటే అందరికీ ఇష్టమే! అదే మృదువైన చపాతీ ఇంకాస్త రుచిగా చేస్తే ప్రేత్యేకంగా చెప్పాలా లంచ్ బాక్సులకి డిన్నర్కి పర్ఫెక్ట్ అవునా కాదా!!! ఈ సింపుల్ ఉల్లిపాయ చపాతీ రెసిపీ స్టెప్ బై స్టెప్ ఇమేజెస్ ఇంకా వీడియోతో ఉంది చూడండి
ఎప్పుడు నేను చపాతీ చేసినా గట్టిగా అవుతున్నాయి అనే కంప్లైంట్ వినపడుతుంది. కానీ గోధుమ పిండితో చేసే ఈ ఉల్లిపాయ చపాతీ ఎన్ని తిన్నా ఇంకా తినాలనిపిస్తుంది. ఈ ఈసీ చపాతీ గంటల తరువాత కూడా మృదువుగా రెండు వేళ్ళతో తుంచుకు తినేంత మెత్తగా ఉంటాయ్.
ఇంకా ఈ చపాతీకి నంజుడుగా ఏమి అవసరం లేదు, కమ్మని పెరుగు పచ్చడి లేదా కమ్మని పెరుగులో ఉప్పు, వేపిన జీలకర్ర పొడి వేసి కలిపిన పెరుగుంటే చాలు.
టిప్స్
ఈ చపాతీకి పిండి కలపడానికి నీరు చాలా తక్కువుగా అవసరమవుతుంది. ఉల్లిపాయాల్లో నీరు ఉండటాన తక్కువ నీరు వేసినా సరిపోతుంది.
ఉల్లిపాయ చపాతీ - రెసిపీ వీడియో
Onion Chapathi | Easy Soft Chapati | Onion Paratha | Pyaz Ka Paratha
- Prep Time 5 mins
- Total Time 5 mins
- Servings 3
కావాల్సిన పదార్ధాలు
- 2 cups గోధుమ పిండి
- 1/2 cup ఉల్లిపాయ తరుగు
- 1/2 cup సన్నని ఉల్లికాడలు
- 1.5 tbsp పచ్చిమిర్చి సన్నని తురుము
- ఉప్పు
- 1 tsp గరం మసాలా
- 1 tsp కారం
- నీళ్ళు – తగినన్ని
- నూనె – కాల్చుకోడానికి
విధానం
- గోధుమ పిండిలో మిగిలిన పదార్ధాలన్నీ వేసి పిండి మృదువుగా అయ్యేదాక ఎక్కువ సేపు వత్తుకోవాలి.
- వత్తుకున్న పిండిని గుడ్డ కప్పి 30 నిమిషాలు నానాబెట్టాలి
-
నానిన పిండిని ఉండలుగా చేసి పొడి పిండి చల్లి చపాతీల మాదిరి వత్తుకోవాలి.
- వత్తుకున్న పిండిని ముద్దని పెనం మీద వేసి రెండు వైపులా కాల్చి తరువాత నూనె వేసి కాల్చుకోవాలి.
- ఈ చపాతీలు కమ్మని పెరుగు లేదా నచ్చిన కూర్మతో తినవచ్చు.
Leave a comment ×
4 comments