స్పాంజి రైస్ ఇడ్లి
1 Comments
ఇడ్లీ అనగానే మినపప్పు, ఇడ్లీ రవ్వ లేదా బియ్యం నానబెట్టి చేస్తాము. ఆ ఇడ్లీ తయారీ విధానం అందరికీ తెలిసినదే. ఈ ఇడ్లీ బియ్యం రవ్వతో చేస్తాము, మామూలు ఇడ్లీ మాదిరి మెత్తగా వెన్నలా ఉంటాయ్. చాలా తక్కువ సమయం తయారావుతాయ్.
ఒక్కోరోజు పొద్దున్నే ఏమి టిఫిన్ చేయాలా అని ఆలోచిస్తుంటారు అప్పుడు ఈ ఇస్టంట్ ఇడ్లీ రెసిపి చేయండి చాలా బాగుంటుంది.
రెసిపీ ప్రింట్ చేయడానికి 
టిప్స్
-
బియ్యం రవ్వ: బియ్యం రవ్వ కాస్త సన్నని రవ్వ ఉంటే ఇడ్లీ బాగుంటుంది. మార్కెట్స్ లో రవ్వ కాస్త లావుగా ఉంటుంది. అలా లావుగా ఉండే రవ్వ దొరికితే మిక్సీ చేసి బొంబాయ్ రవ్వ కంటే కాస్త లావుగా గ్రైండ్ చేసుకుంటే సరిపోతుంది
-
పుల్లని మజ్జిగ: మజ్జిగ పుల్లగా ఉంటే ఇడ్లీ రుచి బాగుంటుంది. పుల్లని మజ్జిగ లేనట్లైతే మజ్జిగలో కాస్త నిమ్మరసం పిండుకోండి
-
పల్చని అటుకులు: పల్చని అటుకులు మజ్జిగలో బాగా నాని మెత్తని గుజ్జులా అవ్వాలి. అవసరమైతే మిక్సీ వేసుకోండి.
-
పిండి వేసిన ఇడ్లీ స్టాండ్ మరుగుతున్న నీళ్ళలో ఉంచి మూతపెట్టి 5 నిమిషాలు హై-ఫ్లేమ్ మీద 2 నిమిషాలు లో-ఫ్లేమ్ మీద స్టీమ్ చేసి 2 నిమిషాలు స్టవ్ ఆపేసి ఆ తరువాత తీసుకుంటే విరగకుండా వస్తాయ్.
-
ఈ ఇడ్లీ వేడి మీద రుచిగా ఉంటాయ్
స్పాంజి రైస్ ఇడ్లి - రెసిపీ వీడియో
Instant Spongy Idli Recipe (no soaking-no fermentation) | How to make Spongy Idly
Prep Time 3 mins- Cook Time 15 mins
- Resting Time 45 mins
- Total Time 1 hr 3 mins
Servings 3
కావాల్సిన పదార్ధాలు
- 1 cup పల్చని అటుకులు
- 1.5 cup బియ్యం రవ్వ
- 1 liter పుల్లని మజ్జిగ
- 1/2 tsp వంట సోడా
- ఉప్పు
విధానం
-
పల్చని అటుకులలో పుల్లని మజ్జిగ పోసి 15 నిమిషాలు నానబెట్టాలి. తరువాత మెత్తగా మెదుపుకోవాలి లేదా మిక్సీ వేసుకోండి .
-
మెత్తగా గుజ్జులా మెదుపుకున్న అటుకులలో బియ్యం రవ్వ, సోడా, ఉప్పు తగినంత పుల్లని మజ్జిగ పోసి ఇడ్లీ పిండి అంత గట్టిగా కలుపుకుని పక్కనుంచుకోండి .
-
30 నిమిషాల తరువాత మజ్జిగలో నానిన రవ్వని పుల్లని మజ్జిగతో ఇడ్లీ పిండి మాదిరి పలుచన చేసుకోండి .
-
ఇడ్లీ ప్లేట్స్ లో కాస్త నెయ్యి రాసి పిండి వేసి 5 నిమిషాలు హై-ఫ్లేమ్ మీద 2 నిమిషాలు లో- ఫ్లేమ్ మీద స్టీమ్ కుక్ చేసి 3 నిమిషాలు రెస్ట్ ఇవ్వండి . ఆ తరువాత ఇడ్లీ తీసుకోండి.
-
ఈ ఇడ్లీ పల్లీల చట్నీ, సాంబార్, అల్లం పచ్చడి దేనితో అయినా చాలా రుచిగా ఉంటుంది.
Leave a comment ×
1 comments