ఆలూ రైస్ మిగిలిపోయిన అన్నంతో గొప్ప రెసిపీ
మిగిలిపోయిన అన్నంతో ఎన్ని రకాల వంటకాలున్నా తక్కువ టైమ్లో తయారయ్యే ఈ ఆలూ రైస్ మాత్రం ఎంతో స్పెషల్. అందరికీ నచ్చే రెసిపీస్ చాలా తక్కువే ఉంటాయ్, ఒకరికి ఒకటి నచ్చితే ఇంకొకరికి అది నచ్చదు. కానీ ఈ ఆలూ రైస్ ఘుమఘుమలాడిపోతూ ఎంతో రుచిగా అందరికీ నచ్చేలా ఉంటుంది.
నిజానికి ఈ ఆలూ రైస్ మా చిన్నప్పటి నుండి మా అమ్మ చేసే రెసిపీని కాస్త మార్చాను. తాను వట్టి కొత్తిమీర వేసి చేసేది. నేను దాని ఇంకొంచెం మార్చి పుదీనా, రంగు మారకుండా కమ్మదనం కోసం పెరుగు వేసి చేశాను. ఈ పుదీనా కొత్తిమీర పేస్ట్ పంజాబీ హర్యాలీ చట్నీ లాంటిదే!
ఎంతో రుచిగా ఉండే ఈ రైస్తో చల్లని రైతా చాలా రుచిగా ఉంటుంది.
టిప్స్
ఆలూ :
-
చెక్కు తీసిన బంగాళా దుంపలు మీడియం సైజు ముక్కలుగా కోసుకోండి.
-
దుంపలు మరీ పాతవి లేదా మొలకలు వచ్చినవి వాడితే దుంప తియ్యగా ఉంటుంది. కాబట్టి తాజా బంగాళా దుంపలు వాడుకోండి.
ఇంకొన్ని టిప్స్:
-
ఇదే రెసిపీ నచ్చితే బ్రౌన్ రైస్తో చేసుకోవచ్చు.
-
ఇదే రైస్ మిగిలిన అన్నంతో లేదా వేడి అన్నంతోనూ చేసుకోవచ్చు. ఒకవేళ అన్నం బాగా బిరుసెక్కి ఉంటే పుదీనా పేస్ట్లో ఇంకా కాస్త నీరుగా ఉండగానే వేసి కలుపుకుంటే అన్నం మెత్తబడుతుంది.
-
వేసే టొమాటో ముక్కలు కాస్త పెద్దవిగా ఉంటే నోటికి అందుతాయ్, లేదంటే అన్నంలో కలిసిపోతాయ్.
-
రైస్ని హై ఫ్లేమ్ మీద టాస చేస్తేనే ఫ్లేవర్స్ బాగా పడతాయ్.
ఆలూ రైస్ మిగిలిపోయిన అన్నంతో గొప్ప రెసిపీ - రెసిపీ వీడియో
Aloo Rice | Easy Aloo rice with Leftover rice | Potato Rice
- Prep Time 3 mins
- Cook Time 10 mins
- Total Time 13 mins
- Servings 3
కావాల్సిన పదార్ధాలు
-
పుదీనా కొత్తిమీర పేస్ట్
- 1 పుదీనా
- 1 కొత్తిమీర
- 5 వెల్లులి
- 1/2 inch అల్లం
- 3 - 4 పచ్చిమిర్చి
- ఉప్పు
- 3 tbsp పెరుగు
- 1/2 నిమ్మరసం చెక్క
- నీళ్ళు కొద్దిగా మెత్తగా గ్రైండ్ చేసుకోడానికి
-
రైస్ కోసం
- 3 tbsp నూనె
- 150 gms ఆలూ
- 1 ఉల్లిపాయ (చీలికలు )
- 1 కరివేపాకు రెబ్బ
- 1 టొమాటో ముక్కలు
- 1/2 tsp జీలకర్ర పొడి
- 1 tsp కారం
- 1 cup ఉడికించుకున్న అన్నం (185 gm)
విధానం
- హర్యాలీ పేస్ట్ కోసం ఉంచిన పదార్ధాలన్నీ మిక్సీ వేసి మెత్తని పేస్ట్ చేసుకోండి.
- ముకుడులో నూనె వేడి చేసి అందులో బంగాళాదుంప ముక్కలు వేసి లేత బంగారు రంగు వచ్చేదాక కలుపుతూ వేపుకోండి.
-
వేగిన దుంపలలో ఉల్లిపాయ చీలికలు వేసి మెత్తబడనివ్వాలి. తరువాత టొమాటో ముక్కలు వేసి టొమాటో పైన తోలు ఊడే దాకా మీడియం ఫ్లేమ్ మీద మగ్గనివ్వాలి.
- టొమాటో మెత్తబడ్డాక కారం జీలకర్ర పొడి వేసి నూనె పైకి తేలేదాక వేపుకోండి.
- వేగిన మసాలాలో పుదీనా పేస్ట్ వేసి నూనె పైకి టెలీ చిక్కబడే దాకా వేపుకోండి.
-
చిక్కబడిన పుదీనా పేస్ట్లో ఉడికిన అన్నం వేసి హై ఫ్లేమ్ మీద కలుపుతూ పట్టించనది.
- హై ఫ్లేమ్ మీద అన్నం పొడిపొడిగా అయ్యేదాకా పట్టించాక దింపి సర్వ చేసుకోండి.
Leave a comment ×
2 comments