ఉసిరికాయ పప్పు | ఉసిరికాయ పప్పు రెసిపి
ఉసిరికాయ పప్పు మెత్తగా ఉడికించిన ఉసిరికాయలని పచ్చిమిర్చిని మెత్తుగా రుబ్బి ఉడికించుకున్న అకందిపప్పులో కలిపి చేసే ఈ పప్పు వింటర్ స్పెషల్ రెసిపీ. విటమిన్ సి పుషకాలంగా దొరికే ఉసిరికాయని పచ్చడే కాదు ఇలా పప్పు చేసుకున్నా ఎంతో రుచిగా ఉంటుంది.
మా ఇంట్లో శీతాకాలంలో చాలా ఎక్కువగా చేసుకుంటాము, అందరికి చాలా ఇష్టం ఈ పప్పు. అదే రెసిపీని మీతో పంచుకుంటున్నాను, తప్పాకా మీరు ప్రయత్నించి ఎలా నచ్చిందో కామెంట్ చేయండి.
ఇంకా ఈ రెసిపీలో చిన్న మార్పులతో ఎలా చేసుకోవచ్చో కూడా కింద వివరంగా రాసి ఉంచాను చుడండి.
టిప్స్
ఉసిరికాయలు:
*ఈ కొలత పప్పుకి 5-6 ఉసిరికాయలు సరిపోతాయి, ఉసిరికాయలు మరీ మెత్తగా గుజ్జుగా కాకుండా కాస్త పలుకుగా ఉంటేనే పప్పులో నోటికి అందుతుంది, పంటికింద నలుగుతుంది.
పప్పు:
*నేను ఈ పప్పు కందిపప్పు వాడి చేస్తున్నాను, మీరు కావాలనుకుంటే పెసరపప్పు వాడి కూడా చేసుకోవచ్చు చాలా రుచిగా ఉంటుంది. పెసరపప్పు వాడుకుంటే నెయ్యి తాలింపు పెట్టుకోండి ఇంకా రుచిగా ఉంటుంది.
*పెసరపప్పు వాడేట్లైతే కాస్త పలుచగా చేసుకుంటే చల్లారిన తరువాత బిరుసెక్కదు పప్పు. లేదంటే గట్టిగా అయిపోతుంది.
కారం:
*ఈ పప్పులో ఎండు కారం ఉండదు, కారమంతా మనకి పచ్చి మిర్చి కారమే కాబట్టి మీరు వాడే మిరపకాయల కారాన్ని బట్టి పచ్చిమిర్చి వేసుకోవచ్చు.
ఉసిరికాయ పప్పు | ఉసిరికాయ పప్పు రెసిపి - రెసిపీ వీడియో
Amla Dal | Usirikaya Pappu | Amla Dal Recipe | Vismai Food
- Prep Time 2 mins
- Soaking Time 1 hr
- Cook Time 30 mins
- Total Time 1 hr 32 mins
- Servings 5
కావాల్సిన పదార్ధాలు
-
ఉసిరికాయ ముద్ద కోసం:
- 6 ఉసిరికాయలు
- 1 ½ cups నీరు
- 5 - 7 పచ్చిమిర్చి
-
పప్పు ఉడికించుకోడానికి:
- ½ cup కందిపప్పు
- 2 పచ్చిమిర్చి
- ¼ tsp పసుపు
- 1½ cups నీళ్లు
-
పప్పు కోసం:
- ½ cup నూనె
- ¼ tsp మెంతులు
- 1 tbsp ఆవాలు
- 2 ఎండుమిర్చి
- 1 tbsp పచ్చిశెనగపప్పు
- 2 pinches ఇంగువ
- ½ tsp జీలకర్ర
- 10-12 cloves దంచిన వెల్లులి
- 3 sprigs కరివేపాకు
- ½ cup ఉల్లిపాయ సన్నని తరుగు
- 2 పెద్ద టమాటో తరుగు
- ఉప్పు - రుచికి సరిపడా
- కొత్తిమీర తరుగు
విధానం
- కందిపప్పు ని కడిగి నానబెట్టుకోండి.
- ఉసిరికాయలని నీరు పోసి ఉడికించుకోండి. ఉడికిన ఉసిరిని తీసి చల్లార్చండి. మిగిన నీరు పక్కనుంచండి.
-
నానిన పప్పులో పసుపు పచ్చిమిర్చి నీరు వేసి మెత్తగా ఉడికించుకోండి.
- ఉడికిన ఉసిరికాయలలోని గింజలు తీసేసి ముక్కలుగా కోసుకోండి అందులో పచ్చిమిర్చి వేసి బరకగా గ్రైండ్ చేసుకోండి.
- నూనె వేడి చేసి అందులో మెంతులు వేసి రంగు మారనివ్వండి, ఆ తరువాత ఆవాలు ఎండుమిర్చి సెనగపప్పుతో మిగిలిన తాలింపు సామాగ్రీ అంతా వేసేసి తాలింపు వేపుకోండి.
-
వేగిన తాలింపులో ఉల్లిపాయ సన్నని తరుగు వేసి మెత్తబడే వరకు వేపుకోండి.
- మెత్తబడిన ఉల్లిపాయలో, టమాటో తరుగు, ఉప్పు, పసుపు వేసి గుజ్జుగా అయ్యేదాకా మగ్గించుకోండి.
- గుజ్జుగా ఉడికిన టమాటోలో, మెత్తగా ఉడికించుకున్న పప్పు వేసి కలిపి 5-6 నిమిషాలు ఉడికించుకోండి.
-
ఆ తరువాత బరకగా రుబ్బుకున్న ఉసిరి పేస్ట్, ఉసిరిని ఉడికించుకున్న నీరు అవసరం మేరకు పోసి కలిపి మూతపెట్టి ఇంకో 3-4 నిమిషాలు ఉడికిస్తే ఉసిరిలోని సారమంతా పప్పులోకి దిగుతుంది.
- దింపబోయే ముందు కొత్తిమీర తరుగు చల్లి దింపేసుకోండి.
Leave a comment ×
1 comments