ఆంధ్రా కరివేపాకు పచ్చడి

5.0 AVERAGE

కరివేపాకు, పచ్చిమిర్చి వేపైకి బెల్లం చింతపండు గుజ్జులో ఉడికించి చేసే ఈ పచ్చడి కనీసం నెల రోజుల పైన నిల్వ ఉంటుంది. పచ్చి మిర్చి కరివేపాకు వేసి చేసే ఈ పచ్చడి తియ్యగా కారంగా పుల్లగా వేడిగా నెయ్యి అన్నంతో చాలా రుచిగా ఉంటుంది.

ఇంట్లో ఏ కూర ఉన్నా లేకున్నా ఈ ఒక్క కరివేపాకు పచ్చడి చాలు అంటారు ఆంధ్రాలోని కోనసీమ వారు. కరివేపాకు పచ్చడిలోనే ఎండుమిర్చి వేసే చేసే తీరు పచ్చడి మరొకటి ఉంది. ఆ తీరులో చేసే పచ్చడి కనీసం 6-8 నెలలు నిల్వ ఉంటుంది. అది నేను తొందర్లో పోస్ట్ చేస్తా.

ఈ సింపుల్ పచ్చడి పర్ఫెక్ట్ రుచి కోసం కింద టిప్స్ కొలతలు జాగ్రత్తగా పాటిస్తే పచ్చడి ఎక్కువకాలం నిల్వ ఉండే తీరు తెలుస్తుంది.

రెసిపీ ప్రింట్ చేయడానికి

టిప్స్

కరివేపాకు:

కరివేపాకు ముదురు ఆకు తీసుకోవాలి. లేత ఆకు వాడితే గ్రైండింగ్లో పచ్చడి పేస్ట్లా అయిపోతుంది. అదే ముదురు కరివేపాకు వాడితే ఆకులో నార కారణంగా పచ్చడి అన్నంలో కలిపినా నోటికి తెలుస్తుంది.
కరివేపాకు కడిగి చెమ్మ ఆర్ దాక నీడన ఆరబెట్టుకోవాలి.

చింతపండు:

పచ్చడికి వాడే చింతపండు వేడి నీళ్లలో చింతపండు మునిగేదాకా నీరు పోసి, చిక్కని గుజ్జు తీసుకోండి. ఎక్కువగా నీరు పోయకండి, ఆలా చేస్తే పలుచని పులుసు అవుతుంది, మరగడానికి చాలా సమయం పడుతుంది.
నానబెట్టిన చింతపండు నుండి తీసిన గుజ్జు సుమారు 100 గ్రాములు

బెల్లం:

బెల్లం 50 గ్రాములు సరిపోతుంది. బెల్లం తీపి తగ్గించుకున్నా పర్లేదు.గోదావరి జిల్లాల వారు ఇంకా తీపి వేసి చేస్తారు.
బెల్లం నచ్చని వారు తగ్గించుకోవచ్చు లేదా పూర్తిగా బెల్లం వేయకుండా మిరపకాయలు, ఉప్పుతో సరిపెట్టుకోవచ్చు.

పచ్చిమిర్చి:

నేను ఈ పచ్చడికి మీడియం కారం గల పచ్చిమిర్చి 100 గ్రాములు వాడాను. మీడియం కారంగల మిరపకాయల వలన పచ్చడి ఎక్కువ వస్తుంది.
ఒక వేళా మీరు కారం మిరపకాయలు వాడితే 75 గ్రాములు చాలు

తాలింపు:

నేను ఆఖరున పచ్చడికి ఎలాంటి తాలింపు వేయలేదు, నచ్చితే మీరు ఆవాలు జీలకర్ర ఇంగువ తాలింపు పెట్టుకోవచ్చు.