దోసకాయ ఆవపెట్టిన ఇన్స్టంట్ పచ్చడి
దోసకాయ ఆవకాయ ఆంధ్రుల స్పెషల్ పచ్చడి. (దోసకాయ అంటే cucumber ఆవా అంటే మాస్టర్డ్ ) ఈ దోసకాయ ఆవపెట్టిన ఈ ఇన్స్టంట్ పచ్చడి ఆవాల ఘాటుతో ఘుమఘుమలాడిపోతూ ఎంతో రుచిగా ఉంటుంది. జస్ట్ 10 నిమిషాల్లో తయారైపోతుంది. ఈ ఆవపెట్టిన పచ్చడితో వేడి అన్నం నెయ్యి ఉంటే చాలు ఎంత తిన్నా ఇంకా తింటూనే ఉండాలనిపిస్తుంది.
దోసకాయతో చేసే ఆవకాయ వేరు ఇలా ఇన్స్టంట్గా ఆవ పెట్టి చేసే పచ్చడి వేరు. ఈ పచ్చడి బయట ఒక రోజు ఫ్రిజ్లో 3-4 రోజులు నిలవ ఉంటుంది. ఈ పచ్చడి నాకు తెలిసి ఎక్కువగా గోదావరి జిల్లాల వారు చేస్తుంటారు. నిజానికి నేను మొదటగా తిన్నది, నేర్చుకున్నది ఆక్కడే!
టిప్స్
దోసకాయ:
-
దోసకాయ కచ్చితంగా గట్టిగా ఉండాలి. అప్పుడే దోసకాయ ముక్కలు కరకరలాడుతూ రుచిగా ఉంటుంది. నచ్చితే దోసకాయ గింజలు వేసుకోవచ్చు. నేను కొద్దిగా వేశాను. మిగిలినవి తీసేశాను
-
దోసకాయ నాటుకాయ అయితే కాస్త పుల్లగా ఉంటుంది.
ఆవాలు:
- కొందరు ఆవాల ఘాటు ఇష్టంగా తింటారు. కొందరు ఒక మోస్తరుగా ఇష్టపడతారు. నేను మధ్యస్థంగా ఆవాలు వాడాను. మీరు మీకు తగినట్లుగా ఆవాలు పెంచుకోండి తగ్గించుకోండి
తాలింపు:
- తాలింపు ఎర్రగా వేగితే రుచి. పప్పులు మెత్తగా మెదిగాక సువాసనతో రుచిగా ఉంటుంది. ముఖ్యంగా మెంతులు ఎర్రగా వేగకపోతే చేదుగా మిగిలిపోతాయ్, వేగితే సువాసన.
నూనె:
- ఉంటే నువ్వుల నూనె, లేదా సేనగనూనె రుచిగా ఉంటుంది పచ్చడికి.
ఆఖరుగా:
- పచ్చడి ఆవాల పేస్ట్లో బాగా నానాలి ఊరాలి అప్పుడు దోసకాయ ముక్కలు రుచిగా ఉంటాయి. కాబట్టి పచ్చడి చేసి ఒక గంట అయినా ఊరనివ్వాలి
దోసకాయ ఆవపెట్టిన ఇన్స్టంట్ పచ్చడి - రెసిపీ వీడియో
Andhra Style Cucumber Chutney | How to Make Cucumber Chutney
- Prep Time 2 mins
- Cook Time 3 mins
- Resting Time 10 mins
- Total Time 15 mins
- Servings 5
కావాల్సిన పదార్ధాలు
-
తాలింపు కోసం
- 1 tsp నూనె
- 1/2 tsp ఆవాలు
- 1/2 tsp మెంతులు
- 1 tsp మినపప్పు
- 1 tbsp పచ్చి శెనగపప్పు
- 1/2 tsp జీలకర్ర
- 2 ఎండు మిర్చి
- 2 చిటికెళ్లు ఇంగువ
- 1 రెబ్బ కరివేపాకు
-
ఆవాల పేస్ట్ కోసం
- 1.5 tsp ఆవాలు
- 4 పచ్చిమిర్చి
- 1.5 tbsp చింతపండు గుజ్జు
- ఉప్పు
- కొత్తిమీర – కొద్దిగా
- 2 చిటికెళ్లు పసుపు
- నీళ్ళు – గ్రైండ్ చేసుకోడానికి
- 175 gm దోసకాయ ముక్కలు (చెక్కు తీసి గింజలు తీసేసినవి)
- 2.5 tbsp నూనె
విధానం
- నూనె లో ఆవాలు మెంతులు వేసి ఎర్రగా వేపుకోవాలి. తరువాత మినపప్పు శెనగపప్పు వేసి మాంచి సువాసన వచ్చేదాకా వేపి మిగిలిన సమానంతా వేసి వేపుకోవాలి.
- వేగిన తాలింపుతో పాటు ఆవాల పేస్ట్ కోసం ఉంచిన పదార్ధాలన్నీ మిక్సీలో వేసి మెత్తని పేస్ట్ చేసుకోండి.
-
దోసకాయ ముక్కల్లో మెత్తగా గ్రైండ్ చేసుకున్న ఆవాల పేస్ట్ నూనె వేసి కలిపి గంట సేపు వదిలేయండి ఆ తరువాత వేడి వేడి అన్నం నెయ్యి కలిపి తినండి.
Leave a comment ×
1 comments