రాయలసీమ స్పెషల్ చేమగడ్డ కారం పులుసు

Curries

ఆంధ్రా స్టైల్ చేమదుంపల పులుసు ఘాటుగా కారంగా పుల్లగా చిక్కని పులుసుతో ఎంతో రుచిగా ఉంటుంది. వేడి అన్నంతో చేమదుంపల పులుసు ఎంత తిన్నా ఇంకా తినాలనిపించేలా ఉంటుంది.

సరైన చేమదుంపల పులుసు అంటే తిన్నాక చెయ్యి కడిగినా వదలకూడదు అదీ పులుసు అంటే అంటారు తెలుగు వారు. దీన్ని బట్టే అర్ధం చేసుకోవచ్చు తెలుగు వారికి ఎంత ఇష్టమో ఈ చేమదుంపల పులుసు.

చేమదుంపల పులుసు దక్షిణ భారతదేశంలో చాల ఎక్కువగా చేస్తారు, కానీ తెలుగు వారి తీరు కాస్త కారంగా ఉంటుంది. ఇదే పులుసు తమిళ వారు కొబ్బరి వేసి కమ్మగా చేస్తారు. ఆ రెసిపీ కూడా నేను త్వరలో పోస్ట్ చేస్తా!

తెలుగు వారి తీరులో చేసే చేమదుంపల పులుసు కనీసం 3 రోజులు నిలవుంటుంది.

రెసిపీ ప్రింట్ చేయడానికి

టిప్స్

చేమదుంపలూ

ఉడికించి పొట్టు తీసిన చేమదుంపలు అంగుళం సైజు ముక్కలుగా తరుక్కోండి. చేమదుంపలు మరీ మెత్తగా కాక కాస్త పలుకు ఉండగానే దింపెయండి. మిగిలినది పులుసులో సన్నని సెగ మీద ఉడుకుతుంది. ముందే మెత్తగా ఉడికిస్తే పులుసులో ఉడికేపాటికి చిదురైపోతుంది దుంప.

నూనె :

పులుసులకి కాస్త నూనె ఉండాలి. నూనె పైకి తేలాలి అప్పుడే రుచి పులుసు.

ఉప్పు కారాలు:

తెలుగు వారి తీరు అంటే ఉప్పు కారాలు నూనెలు ఉంటాయి. కావాలంటే ఉప్పు కారాలు తగ్గించుకోండి.

బెల్లం:

పులుసులకి కచ్చితంగా కొద్దిగా బెల్లం వేస్తారు.పిలుపుని బాలన్స్ చేయడానికి. మాంచి ఘాటైన పులుసు తినాలనుకుంటే బెల్లం అవసరం లేదు.

కమ్మని పులుసు కోసం:

ఉప్పు కారాలు వేసాక నూనె పైకి తేలేదాక సన్నని సెగ మీద మరగాలి. అలాగే దుంపలు వేసాక కూడా నూనె పైకి తేలేదాక సన్నని సెగ మీదే మరగాలి, అప్పుడే రుచి.