రాధాభల్లభి పూరీ

5.0 AVERAGE

బెంగాలీలు ఎంతో ఇష్టంగా తినే పూరీ రాధాభల్లభి. పేరు ఎంతో అందంగా ఉందో దీని రుచి కూడా అంత బాగుంటుంది బెంగాలీ స్టైల్ ఆలూర్ ధం తో. బెంగాలీలకి “వ" పదం లేకపోవటాన వారు దీన్ని “రాధాభల్లభి” అంటారు. ఇతర రాష్ట్రాల వారు రాధాభల్లవీ అనే అంటారు.

రాధభల్లభీ అంటే స్టఫ్ చేసిన పూరీ. స్టఫ్ఫింగ్ ఎక్కువగా మినపప్పు పిండితో పెళ్ళిళ్ళలో అయితే శెనగపప్పు పిండితో చేస్తారు. నాకు మినపపిండితో నచ్చుతుంది. ఈ పూరీ బెంగాలీల ఫేమస్ లూచి పూరీలో స్టఫ్ చేసిన సింపుల్ రెసిపీ.

రాధాభల్లభి స్ట్రీట్ ఫుడ్గా ఎక్కువగా దొరుకుతుంది బెంగాల్లో నిజానికి నాకు అలాగే తెలిసింది ఈ రెసిపీ. ఇంకా రాధాభల్లవీ దసరా దుర్గా పూజ చేసేప్పుడు, పెళ్ళిళ్ళలో తప్పక తింటారు. ఈ రెసిపీ నా బెంగాలీ ఫ్రెండ్ పెళ్లిలో దగ్గరుండి చూసి వంట వారిని అడిగి నేర్చుకున్నా.

రెసిపీ ప్రింట్ చేయడానికి

టిప్స్

పూరీ/లూచి:

పూరీకి బెంగాలీల లూచికి కి చిన్న వ్యత్యాసం ఉంది. పూరీ గోధుమ పిండితో చేస్తారు ఇంకా ఎర్రగా వేపుతారు. లూచి కేవలం మైదాతో చేస్తారు, తెల్లగా వేపి తీస్తారు. ఇనాక్ పోండి కొంచెం పంచదార కూడా వేస్తారు.

స్టఫ్ఫింగ్:

నేను మినపప్పు స్టఫ్ఫింగ్ వాడాను, నచ్చితే శెనగపప్పు స్టఫ్ఫింగ్ కూడా వాడుకోవచ్చు.
మినపప్పు గట్టిగా మృదువుగా రుబ్బుకోవాలి, ఇంకా గట్టి ముద్ద అయ్యేదాక కలుపుతూ వేపుకుని తీసుకోవాలి
నేను స్టఫ్ఫింగ్లో పంచదార వేయలేదు బెంగాలీలు తప్పక పంచదార వేస్తారు. మీరు నచ్చితే ½ tsp పంచదార వేసుకోండి
స్టఫ్ఫింగ్లో కలోమ్జీ గింజలు వేశాను, సంప్రదాయ బెంగాలీ వంటకాల్లో ఉల్లి గింజలు కొద్దిగా వేస్తారు సువాసన కోసం. నచ్చని వారు వదిలేవచ్చు
స్టఫ్ఫింగ్ గట్టిగా ముద్దగా అయ్యేదాక కలుపుతూ దగ్గరపడానివ్వాలి, అప్పుడే స్టాఫ్ చేసిన తరువాత పగలదు పూరీ.