మినపప్పు అన్నం
లంచ్ బాక్సులకి, శ్రమలేకుండా త్వరగా అయిపోతూ అందరికి నచ్చే రైస్ తెలుగు వారి మినపప్పు అన్నం. వెనుకటి తెలుగు తమిళవారు ఈ రెసిపీ ఎక్కువగా ప్రసాదంగా చేసేవారు.
ఆ తరువాతి కాలంలో మిగిలిపోయిన అన్నంతో చేసుకున్నారు. ఇప్పటి తరం దాదాపుగా మరిచిపోయారు. ఇంకా కొన్ని సంప్రదాయ కుటుంబాల్లో ముఖ్యంగా ఉల్లి వెల్లులి తినని కుటుంబాల్లో చేసుకుంటున్నారు.
ఘుమఘుమలాడిపోతూ ఎంతో రుచిగా ఉండే ఈ మినపప్పు అన్నం సంప్రదాయ పద్ధతిలో చేయాలంటే ఉల్లి వెల్లులి వేయరు.
ఈ సింపుల్ రెసిపీ లంచ్ బాక్సులకి లేదా మిగిలిపోయిన అన్నంతో ఏదైనా చేద్దాం అనుకున్నప్పుడు పర్ఫెక్ట్ చాయిస్.
టిప్స్
మినపప్పు :
-
ఈ అన్నానికి కచ్చితంగా పొట్టు మినపప్పు ఉంటేనే రుచి పరిమళం. లేనివారు పొత్తులేని పప్పు వాడుకోండి
-
మినపప్పు కూడా సన్నని సెగమీద వేగాలి అప్పుడు పప్పు లోపలిదాకా వేగి రుచి సువాసన
కొబ్బరి:
పచ్చికొబ్బరి రుచి చాల బాగుంటుంది. లేని వారు నచ్చనివారు యందు కొబ్బరి వాడుకోవచ్చు. కానీ పచ్చికొబ్బరి రుచి చాలా బాగుంటుంది.
నెయ్యి:
నచ్చితే నెయ్యికి బదులు నూనె కూడా వాడుకోవచ్చు
ఉల్లి వెల్లులి
-
సంప్రదాయ పద్ధతిలో చేసే తీరులో ఉల్లి వెల్లులి ఉండదు. వెల్లులి వేసుకోదలిస్తే పప్పులు గ్రైండ్ చేసేప్పుడు కొన్ని వేసుకోండి
-
ఉల్లి వేసుకోదలిస్తే తాళింపులు వేగిన తరువాత ఉల్లిపాయ పచ్చిమిర్చి వేసి వేపుకుని పొడి వేసి ఒక నిమిషం వేపుకోవచ్చు
ఇంకా కొన్ని విధాలు:
తెల్ల అన్నానికి బదులు బ్రౌన్ రైస్తో చేసుకోవచ్చు ఇంకా మిల్లెట్స్ ఏదైనా వాడి చేసుకోవచ్చు.
మినపప్పు అన్నం - రెసిపీ వీడియో
Black Gram Rice | Urad dal Rice | Lunch box recipe | How to Make Black Gram Rice
- Prep Time 2 mins
- Cook Time 10 mins
- Total Time 12 mins
- Servings 3
కావాల్సిన పదార్ధాలు
-
మినపప్పు పొడి కోసం
- 1/4 cup పొట్టు మినపప్పు
- 1 tbsp ధనియాలు
- 8 - 10 ఎండుమిర్చి
- 1/4 cup పచ్చి కొబ్బరి ముక్కలు
- చింతపండు - 2 రెబ్బలు
- 1 tbsp నెయ్యి
-
అన్నం కోసం
- 1 cup పొడిపొడిగా వండుకున్న అన్నం (185gm బియ్యంతో వండినది)
- 2 tbsp నెయ్యి
- 1 tsp ఆవాలు
- 1 tsp జీలకర్ర
- 2 ఎండుమిర్చి
- 2 రెబ్బలు కరివేపాకు
- ఉప్పు
- ఇంగువ - కొద్దిగా
విధానం
- నెయ్యి వేడి చేసి మినపప్పు వేసి సన్నని సెగ మీద మాంచి సువాసన వచ్చేదాకా వేపుకోవాలి.
- పప్పు వేగిన తరువాత మిగిలిన పొడి కోసం ఉంచిన పదార్ధాలన్నీ వేసి ఎర్రగా వేపుకోవాలి.
-
వేగిన పప్పుని మిక్సీలో వేసుకోండి ఇంకా చింతపండు కూడా వేసి మెత్తని పొడి చేసుకోండి.
- నెయ్యి వేడి చేసి ఆవాలు జీలకర్ర ఎండుమిర్చి ఇంగువ కరివేపాకు ఒక్కోటి వేసి తాలింపుని ఎర్రగా వేపుకోవాలి.
- తాలింపు వేగిన తరువాత మినపప్పు పొడి ఉప్పు వేసి ఒక నిమిషం వేపుకోండి చాలు.
-
పొడిపొడిగా వండుకున్న అన్నంలో వేపుకున్న పొడి వేసి బాగా కలిపితే ఘుమఘుమలాడే మినపప్పు అన్నం తయారు (ఉల్లి వెల్లులి వేసుకోదలిస్తే టిప్స్ చుడండి ).
Leave a comment ×
1 comments