సొరకాయ చపాతీ | దూది కంటే మెత్తని సొరకాయ చపాతీ
దూది కంటే మెత్తని చపాతీ తినాలంటే నా స్టైల్ సొరకాయ చపాతీ చేయండి. కమ్మని పెరుగు చాలు ఈ మెత్తని మృదువైన చపాతీ కోసం. సొరకాయ చపాతీ స్టెప్ బై స్టెప్ ఇమేజెస్ ఇంకా వీడియో ఉంది చూడండి.
చపాతీ అనగానే దానితో నంజుడు ఏమిటి? అనే మాట వస్తుంది, కానీ ఈ సొరకాయ చపాతీకి కమ్మని చల్లని పెరుగు చాలు. మామూలు చపాతీలు టైమ్ గడుస్తున్నా కొద్దీ మృదుత్వం కోల్పోయి, గట్టి పడతాయ్. అలా అవ్వకూడదు అంటే నూనె ఎక్కువ వేసి కాల్చాలి. కానీ ఈ సొరకాయ చపాతీకి కొద్దిగా నూనె వేస్తే చాలు గంటల తరువాత కూడా మెత్తగా ఉంటాయ్. సొ లంచ్ బాక్సులకి కూడా తీసుకెళ్లవచ్చు.
టిప్స్
-
సొరకాయ తురుము పిండిలో వేసి బాగా కలిపిన తరువాత కొద్దిగా నీళ్ళు వేసుకుంటూ పిండిని మెత్తగా వత్తుకోవాలి.
-
నేను పచ్చిమిర్చి సన్నని తరుగు వేశాను, మీరు పచ్చిమిర్చి పేస్ట్ వేసుకోవచ్చు.
-
చపాతీ సరైన షేప్లో రాదు అక్కడక్కడా రంధ్రాలు, ఇంకా ఎగుడుదిగుడుగా ఉంటుంది.
-
ఏ కారణం చేతనైన పిండి జారుగా అయితే పొడి పిండి కలుపుకోండి.
సొరకాయ చపాతీ | దూది కంటే మెత్తని సొరకాయ చపాతీ - రెసిపీ వీడియో
Bottle Gourd Chapati | Lauki Chapathi | Sorakaya Chapathi | How to make Bottle Gourd Chapathi
- Prep Time 5 mins
- Cook Time 25 mins
- Total Time 30 mins
- Servings 4
కావాల్సిన పదార్ధాలు
- 2 1/2 cup గోధుమ పిండి
- 2 cups సొరకాయ తురుము
- ఉప్పు
- 1/2 tsp గరం మసాలా
- 1 tsp పచ్చిమిర్చి తరుగు
- 1/2 tsp మిరియాల పొడి
- ఇంగువ – చిటికెడు
- నీళ్ళు తగినన్ని
- 2 tbsp నూనె (పిండిలో కలపడానికి)
- నూనె కాల్చుకోడానికి
విధానం
- పిండి కోసం ఉంచిన పదార్ధాలన్నీ వేసి గట్టిగా కలుపుకోవాలి.
- నీళ్ళు చిలకరించి పిండిని మృదువుగా వత్తుకోండి. ఆఖరున నూనె వేసి కలుపుకుని 15 నిమిషాలు రెస్ట్ ఇవ్వండి
-
15 నిమిషాల తరువాత పెద్ద నిమ్మకాయ సైజు పిండి ముద్దని పొడి పిండి చల్లి నెమ్మదిగా వత్తుకోవాలి
- వత్తుకున్న రొటీని వేడి పెనం మీద వేసి రెండు వైపులా కాల్చి తరువాత tsp నూనె వేసి కాల్చుకుని తీసుకోండి.
- ఇవి చల్లని కమ్మని పెరుగుతో చాలా రుచిగా ఉంటాయ్.
Leave a comment ×
2 comments