సొరకాయ పచ్చడి

Andhra Specials

సొరకాయ పచ్చడి కమ్మగా కారంగా పుల్లగా ఉండే ఆంధ్రుల స్పెషల్ పచ్చడి. ఈ పచ్చడి వేడిగా నెయ్యి అన్నంతో పాటు ఇడ్లీ అట్టు చపాతీతో చాలా రుచిగా ఉంటుంది.

నేను ఎప్పుడు చెప్పేదే తెలుగు వారు పచ్చళ్ళ ప్రియులు, వారు దొరికిన ప్రతీ కాయ కూరతో పచ్చడులు చేస్తారు. తెలుగు వారి భోజనం అంటే మొదటగా పచ్చడి అందులోకి నెయ్యి ఉండాలి ఆ తరువాత మిగిలినవి.

నిజానికి ఈ సొరకాయ పచ్చడి తీరులోనే అన్నీ కాయకూరలతో చిన్న మార్పులతో పచ్చడి చేయోచ్చ్చు. ఈ సొరకాయ పచ్చడి ఫ్రిడ్జ్లో అయితే 5 రోజులు బయట ఎండాకాలంలో అయితే ఒక రోజు చలికాలంలో అయితే 2 రోజులు నిల్వ ఉంటుంది.

రెసిపీ ప్రింట్ చేయడానికి

టిప్స్

సొరకాయ:

నేను చెక్కు ఇంకా గింజలు తీసేసిన సొరకాయ ముక్కలు వాడాను. మీరు నచ్చితే చెక్కు తీయకుండా అయినా వాడుకోవచ్చు.

పచ్చిమిర్చి:

తెలుగు వారి కారం మోతాదు కాస్త ఎక్కువ కాబట్టి ఈ మాత్రం మిరపకాయలు పడతాయ్. మీరు మీకు తగినట్లుగా మిరపకాయలు వేసుకోండి.

నిల్వ ఉంచుకోదలిస్తే:

పచ్చడి ఎక్కువ మోతాదులో చేసుకుని నిల్వ ఉంచుకోదలిస్తే నూనె ఎక్కువగా ఉండాలి. ఇంకా పచ్చిమిరపకాయలు కూడా ఎక్కువగా ఉండాలి. ఎందుకంటె పచ్చడి ఫ్రిజ్లోకి చేరితే చాలు చెప్పదనం వస్తుంది పచ్చడికి.