బోర్న్వీటా కలాకండ్

Sweets

పలు పంచదార కలిపి చేసే స్వీట్స్ కొన్ని వందల రకాలున్నాయి అందులో మరో స్పెషల్ రెసిపీ బోర్న్వీటా కలాకండ్. ఇదీ చూడడానికి చేయడానికి కలాకండ్ లాగే అనిపిస్తుంది. కానీ రుచి భిన్నంగా ఉంటుంది.

ఇతర రాష్ట్రాలలో నేను అంత ఎక్కువగా చూడలేదు కానీ తెలుగు రాష్ట్రాలలో ఇంకా తమిళనాడు ఈ స్వీట్ దాదాపుగా ప్రతీ స్వీట్ షాప్స్లో దొరుకుతుంది. నా చిన్న తనంలో పెళ్ళిళ్ళలో కూడా పెట్టేవారు.

రెసిపీ పేరు రూపం చూసి చాలా కష్టం అనుకుంటాం కానీ ఎంతో సులభం బోర్న్వీటా కలాకండ్. కాస్త ఓపికతో చేస్తే చాలు, స్వీట్ షాప్ టెస్ట్ వస్తుంది. కానీ కొన్ని టిప్స్తో బెస్ట్ బోర్న్వీటా కలాకండ్ వస్తుంది, కాబట్టి కింద టిప్స్ చూసి చేయండి.

రెసిపీ ప్రింట్ చేయడానికి

టిప్స్

పాలు:

చిక్కని గేదె పాలతో కమ్మని పూసలతో ఉండే కలాకండ్ వస్తుంది
కలాకండ్కి వాడే పాలు చిక్కనివి అంటే వెన్నశాతం ఎక్కువగా ఉన్న పాలు వాడాలి అప్పుడే ఎక్కువ పూసలు వస్తాయి

ముకుడు:

కలాకండ్ చేసే ముకుడు పాలకి 3 ఇంతలు ఉండాలి అంటే లీటర్ పాలకి మూడు లీటర్ల మూకుడు ఉండాలి. అప్పుడు పాలని వేగంగా కలపడానికి వీలవుతుంది. పాలు కింద పడవు

పర్ఫెక్ట్ కాలకాండ్కి కొన్ని టిప్స్:

కలాకండ్ రుచి అంతా కాలకాండ్లో ఉండే పూసలలో ఉంటుంది. కాబట్టి పూసలు గట్టి పడకుండా మృదువుగా ఉన్నప్పుడే దింపుకోవాలి
పూసలు ఏర్పడడానికి కొద్దిగా నిమ్మ ఉప్పు లేదా నిమ్మరసం చాలు. వేసిన ఆ కొద్ది నిమ్మఉప్పు చాలా కొద్దిగా పాలని విరుపుతుంది. ఆ విరుగు కూడా మజ్జిగలోని తరకలుగా ఉండాలి పనీర్లా కాదు. ఆ విరుగుని ఆపకుండా కలుపుతుంటే పూసలుగా ఏర్పడుతుంది. ఆ మృదువైన పూసలలోనే ఉండి కలాకండ్ రుచి
కాలకండ్ దింపేటప్పుడు కాస్త పలుచగానే దింపాలి అంటే మరీ గట్టిగా ముద్దగా అయ్యేదాక కాదు. పలుచగా దింపితే చల్లారేపాటికి కలాకండ్ నీరుని పీల్చి గట్టి పడుతుంది. అప్పుడు సరైన మృదుత్వంతో ఉంటుంది. లేదా గట్టిగా అవుతుంది కలాకండ్
బోర్న్వీటా కలాకండ్కి పంచదార చాలా కొద్దిగా అవసరమవుతుంది. ఎందుకంటే బోర్న్వీటాలో కూడా తీపి ఉంటుంది కాబట్టి