గుత్తి వంకాయ మలాయి కుర్మా | వంకాయ అంటే ఇష్టపడే వారు తప్పక రుచి చూడాల్సిన లక్నో స్పెషల్ వంకాయ మలాయ్ కుర్మా

Curries

వంకాయ అంటే ఇష్టపడే వారు తప్పక రుచి చూడాల్సిన లక్నో స్పెషల్ “వంకాయ మలాయ్ కుర్మా”. ఈ కుర్మా రెసిపీ స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.

వంకాయ కూరలు ప్రాంతానికి తగినట్లు భారత దేశమంతా చాలా రకాలుగా చేస్తారు, అందరూ ఇష్టంగా తింటారు. అందులో ఇదీ ఒకటి. ఈ వంకాయ మలాయ్ కుర్మా లక్నో స్పెషల్ రెసిపీ. కమ్మగా తిన్నకొద్దీ తినాలనిపిస్తుంది.

రొటీలు, చపాతీ, పూరీతో లేదా బాగారా అన్నం తో మాంచి జోడీ ఈ వంకాయ మలాయ్ కుర్మా.

రెసిపీ ప్రింట్ చేయడానికి

టిప్స్

వంకాయలు లేతగా ఉంటే కుర్మా రుచిగా ఉంటుంది.
నూనెలో చీరిన వంకాయలు 60% వేగితే చాలు, మిగిలినది కూర్మలో మగ్గిపోతుంది. అప్పుడే వంకాయకి ఫ్లేవర్స్ పడతాయ్.
ఈ కుర్మాలో వేసిన కొద్దిగా ఎండు కారం రంగు కోసం వాడాను. ఈ కూర్మకి ఎండు కారం కంటే పచ్చిమిర్చి కారం రుచిగా ఉంటుంది.
ఈ వంకాయ మలాయ్ కుర్మా నూనె, నెయ్యి కలిపి వాడితే చాలా రుచిగా ఉంటుంది. కావాలంటే నూనె ఒక్కటే వేసుకోవచ్చు.
వంకాయ కూరకి నూనెలు ఉంటేనే రుచి.
నా దగ్గర వేపిన ఉల్లిపాయలు రెడీగా ఉన్నాయి కాబట్టి వాడాను, మీరు ఉల్లిపాయలని వేపుకుని ఆ నూనెలోనె మిగతా కూర చేసుకోవచ్చు.

గుత్తి వంకాయ మలాయి కుర్మా | వంకాయ అంటే ఇష్టపడే వారు తప్పక రుచి చూడాల్సిన లక్నో స్పెషల్ వంకాయ మలాయ్ కుర్మా - రెసిపీ వీడియో

Brinjal Malai Curry | Shahi Malai Baingan | Gutti Vankaya Gravy curry | How to make Shahi Malai Baingan at home

Curries | vegetarian

Prep Time 5 mins
Cook Time 25 mins
Total Time 30 mins
Servings 4

See this Recipe in English

కావాల్సిన పదార్ధాలు

6 గుత్తి వంకాయలు
400 ml నీళ్ళు
ఉప్పు
కొత్తిమీర – కొద్దిగా
2 tbsp నెయ్యి
2 tbsp నూనె
1 బిర్యానీ ఆకు
4 యాలకలు
4 లవంగాలు
2 inches దాల్చిన చెక్క
1/2 tsp జీలకర్ర
1/2 tsp కారం
1/2 tsp వేయించిన జీలకర్ర పొడి
1 tbsp అల్లం వెల్లులి పేస్ట్
1/2 tsp మిరియాల పొడి
1 tbsp బటర్
2 tbsp పాల మీగడ
మసాలా పేస్ట్
1 cup వేపిన ఉల్లిపాయలు
10 - 15 జీడిపప్పు
2 tsp కర్బూజ గింజలు
4 - 5 పచ్చిమిర్చి
నీళ్ళు మెత్తగా గ్రైండ్ చేయండి

రెసిపీ ప్రింట్ చేయడానికి

విధానం

Hide Pictures

వంకాయలని మధ్యకి చీరి నూనెలో 60% వేపి తీసుకోవాలి.
మిక్సీలో మసాలా పేస్ట్ కోసం ఉంచిన పదార్ధాలన్నీ వేసి మెత్తని పేస్ట్ చేసుకోండి
పాన్లో నెయ్యి నూనె వేడి చేసి చెక్కా, లవంగాలు, యాలకలు, షాహీ జీరా , బిర్యానీ ఆకు అల్లం వెల్లులి పేస్ట్ వేసి వేపుకోవాలి
ఉప్పు, కారం, జీలకర్ర పొడి, అల్లం వెల్లులి పేస్ట్ వేసి వేపుకోవాలి
గ్రైండ్ చేసుకున్న పేస్ట్ వేసి నూనె పైకి తేలేదాక ఉడికించుకోవాలి. నూనె పైకి తేలాక వేపిన వంకాయలు వేడి నీళ్ళు పోసి మీడియం ఫ్లేమ్ మీద నూనె పైకి తేలేదాక మూతపెట్టి ఉడికించుకోవాలి.
నూనె పైకి తేలేక మిరియాలపొడి, బటర్, క్రీమ్ వేసి బాగా కలిపి దింపేసుకోండి.
ఈ కూర వేడి అన్నంలో, చపాతీ, పుల్కాలలోకి చాలా రుచిగా ఉంటుంది.