రాయలసీమ వంకాయ పల్లీల పులుసు

Curries

3.7 AVERAGE

అనుకుంటాం కానీ, రుచి కోసం ఏవేవో వేయక్కర్లేదు, ఇంట్లో పెద్దవాళ్ళు చేసే వంటకాలు తింటే చాలు రుచి ఆరోగ్యం తృప్తి. అలాంటి వెనుకటి కాలం రెసిపీనే “రాయలసీమ వంకాయ పల్లీల పులుసు” తృప్తినిచ్చే ఈ వంకాయ పులసు స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.

అన్నంతో రాగి సంగటి జొన్న రొట్టెలలోకి మాంచి వెజ్ రెసిపీ కావాలంటే రాయలసీమ వంకాయ పల్లీల పులుసు చేయండి, చాలా బాగుంటుంది. ఆంధ్రాలోని రాయలసీమ ప్రాంతంలోని చిత్తూర్, కర్నూల్ జిల్లాల ప్రాంతంలో ఎక్కువగా చేస్తుంటారు ఈ పులుసు.

ఈ వంకాయ పులుసు నేను రాయలసీమ వెళ్ళినప్పుడు ఫ్రెండ్ బామ్మ చేసి పెట్టారు, అడిగితే బోలెడన్ని వివరాలు చెప్పారు. ఆ వివారాలు టిప్స్తో ఈ రెసిపీ ఉంది చూడండి.

రెసిపీ ప్రింట్ చేయడానికి

టిప్స్

వేరుశెనగ కాయలు: నిజానికి రాయలసీమ ప్రాంతం లో పచ్చి శెనక్కా యలు వేసి చేస్తారు. అవి అందరికీ దొరకవు కాబట్టి నేను మామూలు శెనక్కాయలని నానబెట్టి వాడాను. ఇక్కడ మీరు వేరుశెనగకి బదులు పచ్చి అలసందలు కూడా వాడుకోవచ్చు. లేదా రాత్రంతా నానబెట్టి వాడుకోవచ్చు.
ఈ పులుసుకి రాయలసీమలో ముళ్ళ వంకాయలు వాడతారు, హైదరాబాదులో నాకు ముళ్ళ వంకాయలు దొరకలేదు కాబట్టి ముదురు నీలం రంగు వంకాయలు వాడాను.
ఈ పులుసులో తెల్ల వంకాయ ముక్కలు గుజ్జుగా అయి పులుసు చిక్కగా ముద్దకూరలా చేస్తుంది. అప్పుడు పులుసు చాలా బాగుంటుంది.
నిజానికి ఈ రెసిపీ ని కూర అనే అనాలి, చాలా తక్కువ మోతాదులో పులుసు ఉంటుంది, ఇంకా చిక్కగా ఉంటుంది కూడా. ఈ కర్రీలో నచ్చితే ఉసిరికాయ సైజు చింతపండు నుండి తీసిన పులుసు పోసుకుని చేసుకోండి, లేదా నాలా 2 tbsp నిమ్మరసం పిండుకుని చేసుకోండి.