కాజు పకోడీ | జీడిపప్పు పకోడీ చాలా మాంచి టైం-పాస్ స్నాక్
స్వీట్ షాప్ తీరులో జీడిపప్పు పకోడీ రెసిపీ స్పెషల్ టిప్స్తో . 100% పక్కా రెసిపీ నా స్టైల్ జీడిపప్పు పకోడీ. జీడిపప్పు పకోడీ రెసిపీ స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.
“కాజు పకోడీ” చాలా మాంచి టైం-పాస్ స్నాక్! ఇదంటే అందరికి ఇష్టమే, కాని ఇంట్లో చేస్తే స్వీట్ షాప్స్ అంత పర్ఫెక్ట్ గా రానే రాదు. అలా రాకపోవడానికి కొన్ని టిప్స్ ఫాలో అవ్వకపోవడమే కారణం ! ఎప్పుడు చేసినా చాలా పర్ఫెక్ట్ గా వస్తాయ్ నా టిప్స్ కొలతల్లో చేస్తే! ఇవి కనీసం 10 రోజులు నిలవుంటాయ్ కూడా!
టిప్స్
• జీడిపప్పు: జీడిపప్పు గుండ్ల కంటే బద్దలు పర్ఫెక్ట్ ఈ పకోడీకి. పప్పు 2 గంటలు నానితే చాలు మరీ ఎక్కువగా నానబెట్టకండి.
• అల్లం వెల్లులి ముద్ద: ఇది పూర్తిగా ఆప్షనల్, నకచకుంటే వదిలేవచ్చు.
•డాల్డా: పిండిలో డాల్డా వేస్తే కరకరలాడుతూ చాలా గుల్లగా వస్తాయి, ఇష్టం లేకపోతే మరుగుతున్న నెయ్యి, లేదా నూనె వేసుకుని కలుపుకోండి.
• వేపే టిప్స్: పకోడీ వేసేప్పుడు నూనె వేడిగా ఉండాలి, అప్పడు మంట లో - ఫ్లేమ్లోకి పెట్టి పకోడీ అంతా వేసి తరువాత మీడియం – ఫ్లేమ్ మీద మాత్రమే ఎర్రగా వేపుకోవాలి. జీడిపప్పు పకోడీ ఎర్రగా వేగడానికి కొంచెం టైమ్ పడుతుంది. కాబట్టి ఓపికగా మీడియం ఫ్లేమ్ మీద వేపుకోండి.
కాజు పకోడీ | జీడిపప్పు పకోడీ చాలా మాంచి టైం-పాస్ స్నాక్ - రెసిపీ వీడియో
Cashew Pakodi | Kaju Pakoda | Perfect Kaju Pakodi with Tips | How to make Kaju Pakodi
- Prep Time 5 mins
- Soaking Time 2 hrs
- Cook Time 18 mins
- Total Time 2 hrs 23 mins
- Servings 6
కావాల్సిన పదార్ధాలు
- 100 gms జీడిపప్పు బద్దలు
- 150 gms సెనగపిండి
- 1 రెబ్బ కరివేపాకు
- 1 tsp కారం
- 1 tsp జీలకర్ర
- 1 tsp అల్లం వెల్లూలి పేస్టు
- 1/2 tsp గరం మసాలా
- 1/2 tsp ధనియాల పొడి
- 1 tsp ధనియాలు (నలిపినవి)
- 4 Spoons నీళ్ళు
- 1 tbsp డాల్డా/నెయ్యి/నూనె
- నూనె వేపకానికి సరిపడా
విధానం
- జీడిపప్పు బద్దలని నీళ్ళు పోసి 2 గంటలు నాననివ్వండి
- 2 గంటల తరువాత పప్పుని వడకట్టి అందులో సెనగపిండి ఇంకా మిగిలిన సామానంతా వేసి బాగా పొడి పొడిగా కలుపుకోండి.
-
ఇప్పుడు చాలా కొద్దిగా నీళ్ళు పోసుకుంటూ పిండిని గట్టిగా కలుపుకోవాలి.
- బాగా మరిగిన నూనెలో పకోడీని పొడి పొడిగా వేసుకుంటూ మీడియం ఫ్లేం మీద ఎర్రగా వేపుకోండి
- ఇవి సరిగా లోపలిదాకా ఎర్రగా వేగడానికి కనీసం 12- 15 నిమిషాల టైం పడుతుంది
-
సెనగపిండి ఎర్రగా రంగు మారేదాకా వేపుకుని తీసుకోండి. పూర్తిగా చల్లారాక మాత్రమే డబ్బాలో పెట్టుకుంటే కనీసం 10 రోజులు నిలవుంటాయ్.
- ఇవి వేడి మీద కాస్త మెత్తగా ఉంటాయ్, చల్లారక క్రిస్పీ గా ఉంటాయ్
Leave a comment ×
2 comments