కేటరింగ్ స్టైల్ కొత్తిమీర రైస్
చేయడానికి ఎంతో తేలికగా తినడానికి మరింత ఇష్టంగా ఉండే రెసిపీ ఘుమఘుమలాడే కొత్తిమీర రైస్. ఈ సింపుల్ సౌత్ ఇండియన్ కేటరింగ్ స్టైల్ కొత్తిమీర రైస్ వీకెండ్స్కి స్పెషల్ డేస్కి లేదా మాంచి స్పైసీ కర్రీతో జోడీగా భలేగా ఉంటుంది.
సాధారణంగా వెరైటీ రైస్ అంటే దాదాపుగా చిన్న చిన్న మార్పులతో ఒకేలా ఉంటాయి. ఈ కొత్తిమీర రైస్లో వేసే పదార్ధాలు కూడా దాదాపుగా అంతే!! కానీ.. చేసే తీరు కాస్త భిన్నం. ఈ రైస్లో ఫ్లేవర్స్ అన్నీ తెలిసేలా ఉంటుంది, మసాలాలా ఘాటు చాలా తక్కువగా ఉంటుంది. కాబట్టి ఇది చల్లని రైతాతో లేదా ఘాటైన కర్రీతో ఎలా తిన్నా చాలా రుచిగా ఉంటుంది.
ఈ సింపుల్ కొత్తిమీర రైస్ చేసే ముందు జస్ట్ ఒక్క సారి టిప్స్ చూసి చేస్తే ఇంకా పర్ఫెక్ట్గా వస్తుంది.
టిప్స్
రైస్:
-
నేను బాస్మతి బియ్యంతో చేశాను మీరు మామూలు బియ్యంతో కూడా చేసుకోవచ్చు. కానీ మామూలు బియ్యం అయితే ½ కప్పు నీళ్ళు ఎక్కువ పోసుకోండి
-
నేను కొత్తిమీరా రైస్ విడిగా చేశాను మీరు కుక్కర్లో కూడా చేసుకోవచ్చు. అప్పుడు బాస్మతి రైస్కి కప్పుకి 1.1/2 కప్పుల నీళ్ళు మామూలు బియ్యనికి కప్పుకి 2 కప్పుల నీళ్ళు ఉండాలి.
మసాలాలు:
- ఈ రైస్లో మసాలా దినుసులు కొద్దిగా వేసుకోవాలి. ఎక్కువగా వేస్తే కమ్మని కొత్తిమీర సువాసనని డామినేట్ చేస్తాయ్ మసాలాలు
కారం:
- ఈ రైస్లో కారం అంతా పచ్చిమిర్చి నుండే రావాలి. కాబట్టి ఎండు కారం వేయకండి
కేటరింగ్ స్టైల్ కొత్తిమీర రైస్ - రెసిపీ వీడియో
Catering Style Coriander Rice | Kothimeera Rice Recipe How to Make Green Coriander Rice
- Prep Time 2 mins
- Cook Time 25 mins
- Total Time 27 mins
- Servings 4
కావాల్సిన పదార్ధాలు
-
కొత్తిమీర పేస్ట్ కోసం
- 150 gms కొత్తిమీర
- 75 gm పుదీనా
- అల్లం – ఇంచ్ ముక్కలు
- 10 - 12 వెల్లులి
- 1 ఉల్లిపాయ
- పసుపు – కొద్దిగా
- నీళ్ళు
-
రైస్ కోసం
- 2 cups బాస్మతి బియ్యం
- 50 ml నూనె
- 1 tbsp నెయ్యి
- 10 -15 జీడిపప్పు
- 2 బిర్యానీ ఆకు
- 1 ఇంచ్ దాల్చిన చెక్క
- 4 - 5 లవంగాలు
- 1 tbsp నిమ్మరసం
విధానం
- కొత్తిమీర పేస్ట్ కోసం ఉంచిన పదార్ధాలన్నీ మిక్సీలో వేసి నీళ్ళతో మెత్తని పేస్ట్ చేసుకోండి.
- కొత్తిమీర పేస్ట్ ని ఒక బట్టలో వేసి రసాన్ని అంతా పిండేయండి. పిప్పిని పడేయండి.
-
బాస్మతి బియ్యంలో కొత్తిమీర రసం పిండిన నీరు 4 కప్పులు ఉప్పు వేసి గంట సేపు నానబెట్టుకోండి (మామూలు బియ్యంతో వందలిస్తే టిప్స్ చూడండి).
- గిన్నెలో నెయ్యి నూనె వేసి వేడి చేసి జీడిపప్పు వేసి నురగ వచ్చేదాకా వేపుకోండి.
- జీడిపప్పు వేగిన తరువాత బిర్యానీ ఆకు, దాల్చిన చెక్క, లవంగాలు వేసి వేపుకోవాలి.
-
ఆ తరువాత నానిన బియ్యం కొత్తిమీర నీళ్ళతో సహా వేసి నెమ్మదిగా కలిపి హై ఫ్లేమ్ మీద ఉడుకుపట్టనివ్వాలి.
- అన్నం ఊదుకుపట్టిన తరువాత బియ్యం మీద పగుళ్ళవస్తాయ్ అప్పుడు మంట మీడియం ఫ్లేమ్లోకి తగ్గించి మూతపెట్టి కొద్దిగా నీరు మిగిలేదాక వండుకోవాలి.
- 80% పైన ఉడికిన తరువాత నిమ్మరసం వేసి కలిపి సిమ్లో మరో 7-8 నిమిషాలు ఉడికించి స్టవ్ ఆపేసి 20 నిమిషాలు వదిలేస్తే ఘుమఘుమలాడే కొత్తిమీర రైస్ రెడీ!
-
ఈ రైస్ చల్లని రైతా లేదా స్పైసీ కర్రీతో చాలా రుచిగా ఉంటుంది.
Leave a comment ×
3 comments