ఆంధ్రా స్టైల్ చికెన్ పచ్చడి

5.0 AVERAGE

ఎంత తిన్నా ఇంకా తినాలనిపించే రెసిపీ ఆంధ్రా స్టైల్ చికెన్ పచ్చడి. ఈ సింపుల్ రెసిపీ స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.

తెలుగు వారు పచ్చళ్ల ప్రియులు, కొన్ని వందల రకాల పచ్చళ్లు ఉన్నాయి. అందులో ఈ చికెన్ పచ్చడి ఒకటి. ఎంత తిన్నా ఇంకా ఇంకా తినాలనిపిస్తుంది చికెన్ పచ్చడి. ఏ కూర వండాలో తెలియనప్పుడు చికెన్ పచ్చడి ఒక ఆమ్లెట్, పెరుగు ఉంటే చాలు ఆ పూట భోజనాన్ని తృప్తిగా ముగించొచ్చు.

తెలుగు వారు చికెన్ పచ్చడి ఇంటికో తీరుగా పెడతారు, నేను నా పద్ధతితో పాటు ఇంకే పద్ధతిలో పెట్టుకోవచ్చో కూడా టిప్స్లో ఉంచాను చూడండి.

రెసిపీ ప్రింట్ చేయడానికి

టిప్స్

చికెన్:

ఈ పచ్చడికి బ్రాయిలర్ చికెన్ అయితేనే బాగుంటుంది, నాటు కోడి కంటే. నాటు కోడి వాడితే పచ్చడిలో కండ తక్కువ ఎముకలు ఎక్కువగా ఉన్నట్లుగా ఉంటుంది పచ్చడి.
చికెన్లోని నీరు ఇగిరిపోయేదాక నాన్ స్టిక్ కాడాయి లేదా కుక్కర్లో అయితే రెండు విసిల్స్ హై-ఫ్లేమ్ మీద కుక్ చేసుకుంటే సరిపోతుంది. ముక్కలోని నీరు ఇగిరిపోఏ దాకా ఉడికిస్తే చాలు. ఎక్కువగా ఉడికిస్తే ముక్క రుచి తగ్గుతుంది ఇంకా చిదురైపోతుంది వేగాక
చికెన్ ముక్కలు మరీ ఎక్కువగా వేపితే గట్టిగా అవుతాయ్, అంత రుచిగా ఉండదు పచ్చడి.
పచ్చడి పెట్టిన వెంటనే కూడా తినవచ్చు, కానీ నాలుగో రోజుకి ముక్క మెత్తబడుతుంది, ఉప్పు కారం నూనె ముక్క పీల్చి

ఉప్పు- కారం :

½ కిలో కి ఉప్పు కారం సమానం, నేను కారం పచ్చళ్ల కారం వాడాను, నచ్చితే మీరు మామూలు కారం వాడుకోవచ్చు, మామూలు కారం వాడితే ఇంకొంచెం కారం పట్టవచ్చు. పచ్చళ్ల కారం మాంచి రంగు కారంగా ఉంటుంది. ఇది రేడీమేడ్గా దొరుకుతుంది.

గరం మసాలా:

కొందరు పచ్చడి లో గరం మసాలా కొద్దిగా వేస్తారు, లేదా చెక్క లవంగాలు కొద్దిగా వేసి నూనెలో వేపుతారు. నేను ఈ రెండూ వాడలేదు, మీకు నచ్చితే వేసుకోవచ్చు.