చేమగడ్డ వేపుడు | కరకరలాడే చేమగడ్డ వేపుడు

Curries

5.0 AVERAGE

చారు పప్పుచారు సాంబార్ ఏది చేసినా నా స్టైల్ చేమగడ్డ వేపుడు నంజుడుగా ఉంటే తృప్తిగా భోజనం చేస్తారు. కరకరలాడే చేమగడ్డ వేపుడు రెసిపీ స్టెప్ బై స్టెప్ ఇమేజెస్ ఇంకా వీడియో ఉంది.

చేమగడ్డ వేపుడు దుంపల వేపుడు అంత ఇష్టంగా తినరు చాలా మంది, కానీ ఈ పద్ధతితో చేస్తే ఎప్పుడూ ఇదే కావాలని చేయించుకుని తినేంత రుచిగా ఉంటుంది.

చేమదుంపల వేపుడు రెసిపీ అనగానే దుంపని కొద్దిగా ఉడికించి వేపి ఉప్పు కారం చల్లి చేస్తారు! కానీ ఈ స్టైల్ లో మరింతగా కరకరలాడుతూ కొంచెం కొత్తగా రుచిగా ఉంటుంది.

నా స్టైల్ చేమదుంప వేపుడు నెయ్యి అన్నంలో గాని పప్పుచారు మిరియాల చారు లో గాని తింటే రుచి చాలా బావుంటుంది.

కొన్ని జాగ్రత్తలు పాటిస్తే కరకరలాడే చేమదుంప వేపుడు చేయడం లో తిరుగుండదు.

రెసిపీ ప్రింట్ చేయడానికి

టిప్స్

• దుంపలని ఎక్కువగా ఉడికిస్తే ముద్దగా అవుతుంది. కాబట్టి ఓ విసిల్ సరిపోతుంది.

• దుంపలు పూర్తిగా చల్లారిన తరువాత మాత్రమే నెమ్మదిగా బియ్యం పిండి పట్టించండి. వేడి మీద పిండి కలిపితే దుంపలు నీరు వదిలి పిండి చల్లితే ముద్ద అవుతుంది. పొడి పిండి రెండు సార్లు పట్టించడం వల్ల మరింత కరకరలాడుతూ వస్తాయి.

• ఆమ్చూర్ పొడి వేస్తే పుల్లపుల్లగా చాలా బావుంటై దొరక్కపోతే వదిలేయండి

• నూనె బాగా వేడెక్కకుండా దుంపలు వేస్తే నూనె బాగా పీల్చేస్తాయి, కాబట్టి నూనె బాగా వేడెక్కాక ఫ్లేం ని మీడియం లోకి పెట్టి ముక్కలు వేసి వేపుకోండి

• దింపే ముందు వేసే సాంబార్ కారం చాల మంచి రుచినిస్తుంది.

• దుంపలని వేపి తీసాక మూత పెట్టకుండా పైన ఓ పేపర్ నాప్కిన్ గాని లేదా క్లాత్ గాని కప్పి ఉంచితే గంటల తరువాత కూడా కరకరలాడుతూ ఉంటాయి.