దద్యోజనం | దద్యోజనం రెసిపి | ప్రసాదం దద్యోజనం

Recipes with Curd

ప్రసాదం దద్యోజనంకమ్మని ఆవుపాలు పెరుగులో మెత్తగా ఉడికించుకున్న అన్నం ఉప్పు మిరియాలు అల్లం ముక్కలు వేసి చేసే ఈ ప్రసాదం లలిత సహస్రనామం లో 512వ నామంగా చెబ్బడినది.

ఋషులు చెప్పిన శాస్త్రీయమైన దధ్యోజనం ప్రసాదం మీ కోసం. సంస్కృతంలో పెరుగుని “దధి” అంటారు అదే కాలక్రమేణా హిందీలో దహీగా మారింది. ఈ దద్యోజనం మాములుగా తాలింపు పెట్టి చేసే పెరుగన్నం కాదు. ఇది చాలా భిన్నంగా సులభంగా ఉంటుంది.

లలితా సహస్రాల్లో 512 వ నామంలో దధ్యన్నాసక్తహృదయా అని కనిపిస్తుంది అంటే అమ్మకి దధితో చేసే అన్నం అంటే ప్రీతీ అని. ఇంకా ఈ దధీ అన్నాన్ని గర్భవతి నాలుగవ నెలలో క్రమం తప్పకుండ ఉసిరికాయంత పరిమాణంలో తింటే ఆ నెలలో గర్భంలోని శిశువుకి ఏరపడాల్సిన అవయవాల్లో ఎలాంటి దోషం లేకుండా పుష్టినిస్తుంది.

ఈ చక్కని ప్రసాదాన్ని తయారు చేసే ముందు కింద టిప్స్ చుడండి.

రెసిపీ ప్రింట్ చేయడానికి

టిప్స్

అన్నం వండుకునే తీరు:

*బియ్యాన్ని నానబెట్టి ఒకటికి నాలుగు నీరు పోసి వండితే అన్నం మీఠా ఉడుకుతుంది. కుక్కర్ లో అయితే ఒకటికి మూడు నీరు పోసుకుంటే సరిపోతుంది. ఏది ఏమైనా అన్నం మెత్తగా ఉండాలండి.

పెరుగు:

*సాధారణంగా ప్రసాదాలకి ఆవు పాల పెరుగు వాడుకోదలిస్తే శ్రేష్టం, లేని వారు పిలవని గేదె పాల పెరుగు వాడుకోండి. ప్రసాదానికి పులిసిన పదార్ధాలు పనికి రావు కాబట్టి పిలవని కమ్మని పెరుగు వాడుకోండి.

మిరియాలు:

*మిరియాలు పచ్చివే వేసుకోవాలి, కావాలంటే దంచి అయినా వేసుకోవచ్చు

అల్లం:

*చెక్కు తీసుకున్న సన్నని అల్లం ముక్కలు వేసుకోండి. ఈ పెరుగన్నంలో కారమంతా అల్లం మిరియాల ఘాటుతోనే కాబట్టి మీ రుచికి తగినట్లు వేసుకోండి.