డ్రై ఫ్రూట్ పాయసం | డ్రై ఫ్రూట్ ఖీర్

Sweets

5.0 AVERAGE

Dry Fruit Payasam డ్రై ఫ్రూప్ట్స్ ని నానబెట్టి బరకగా రుబ్బి పాలల్లో దగ్గరగా ఉడికించి చేసే ఈ సింపుల్ పాయసం రుచికి రుచి ఆరోగ్యానికి ఆరోగ్యం.

పండుగే కానివ్వండి లేదా చిన్న పార్టీనే అవ్వొచ్చు ఈ సింపుల్ డ్రై ఫ్రూట్స్ పాయసం చేసి చుడండి గ్లాసులు గ్లాసులు లాగించేస్తారు.
సాధారణంగా డ్రై ఫ్రూట్స్ తినడానికి చిన్న పిల్లలు మారం చేస్తుంటారు అలాంటి వారికి చల్లగా ఎంతో రుచిగా ఉండే ఈ పాయసం ఇవ్వండి తప్పక గ్లాసు ఖాళీ చేసి తీరుతారు!!!

టిప్స్

ఈ పాయసంలో డ్రై ఫ్రూట్స్ తప్ప ఇంకేవి ఉండవు కాబట్టి మీకు నచ్చితే సేమియాని ఉడికించి కొద్దిగా కలుపుకోవచ్చు అలాగే సగ్గుబియ్యం అయినా ఉడికించి కలుపుకుని చేసుకోవచ్చు.

ఇక్కడ మీరు పంచదారకి బదులు కరిగించిన బెల్లం పోసుకోవచ్చు లేదా పాయసం అంతా తయారయ్యాక తేనె కూడా వేసుకోవచ్చు.

Sweets | vegetarian

Hide Pictures

డ్రై ఫ్రూట్స్ అన్ని విడివిడిగా వేడి నీరు పోసి కనీసం గంట సేపు నానబెట్టుకోండి.
గంట తరువాత ముందు జీడిపప్పు బాదాం వేసి బరకగా పలకులుగా గ్రైండ్ చేసుకోండి.
తరువాత మిగిలిన పదార్ధాలన్నీ వేసి రవ్వగా గ్రైండ్ చేసుకోండి.
చిక్కని పాలల్లో కుంకుమ పువ్వు, బరకగా రుబ్బుకున్న డ్రై ఫ్రూట్స్ వేసి పాలు ముప్పావు అంటే 750ml అయ్యేవరకు కలుపుతూ మరిగిస్తూనే ఉండాలి. సరిగ్గా కలపకపోతే అడుగుపట్టేస్తుంది.
750ml అయ్యాక, పంచదార వేసి 2-3 నిమిషాలు మరిగించండి.
దింపే ముందు జాజికాయ పొడి, యాలకలు పొడి వేసి కలిపి చల్లార్చి ఫ్రిజ్లో 2-3 గంటలు ఉంచి చల్లగా సర్వ్ చేయండి