తమలపాకు అన్నం

Curries

4.8 AVERAGE

ఘాటుగా కారంగా కమ్మగా తమలపాకుల సువాసనతో ఎంతో రుచిగా ఉండే రెసిపీ తమలపాకు అన్నం. ఈ అన్నం లంచ్ బాక్సులకి పర్ఫెక్ట్, ఇంకా అన్నం మిగిలిపోయినా ఘుమఘుమలాడే ఈ సింపుల్ తమలపాకు అన్నం చేసి పెడితే ఇష్టంగా తినేస్తారు.

సాధారణంగా దక్షిణభారత దేశం అన్నంతో ఎన్ని వంటకాలో అన్నీ వేటికవే ప్రేత్యేకం. ఈ తమలపాకుల అన్నంకూడా అంతే! నేను ఇది వరకు తమలపాకుల చారు రెసిపీ పోస్ట్ చేసిన రోజు నుండి నాకు తమలపాకుతో ఏదైనా రెసిపీ చేయాలని ఎంతగానో ఆలోచించా, కొన్ని సార్లు కొన్ని కాంబినేషన్స్తో కుదిరేది కాదు, ఆఖరుకి అసలు తమలపాకు ఫ్లేవర్ని అర్ధం చేసుకుని దాని సువాసనని రుచిని నిలుపుతూ చేస్తే బాగుంటుంది కాదా అనిపించి ఈ కాంబినేషన్తో చేశా మా టీమ్ అందరికీ నచ్చింది, కాబట్టి అదే రెసిపీ పోస్ట్ చేస్తున్నా!

రెసిపీ ప్రింట్ చేయడానికి

టిప్స్

తమలపాకులు:

ఈ కొలత అన్నానికి చిన్నవి అయితే 6-7 పెద్ద ఆకులు అయితే 5 చాలు. అంత కంటే వేస్తే ఆకు ఘాటుకి తినలేరు.
తమలపాకు వేసి 3 నిమిషాలు వేపితే చాలు అంతకంటే వేగితే ఆకు పరిమళం తగ్గిపోతుంది.

వెల్లులి:

పొడిలో నేను వెల్లులి వేసాను. నచ్చని వారు మినపప్పుతో పాటు పచ్చికొబ్బరిని వేపి పొడి చేసుకుని వాడుకోవచ్చు.

చిన్న మార్పులు:

నచ్చితే ఉల్లిపాయ వేగిన తరువాత ఒక్క టమాటో వేసి మెత్తగా మగ్గించుకుని అన్నంలో కలుపుకున్న రుచిగా ఉంటుంది