మిర్యాలచారు 5 నిమిషాల్లో | ఈ టిప్స్ తో చారు పెడితే అన్నమంతా ఈ చారుతోనే | పర్ఫెక్ట్ మిరియాల చారు

Curries

4.9 AVERAGE

ఎప్పుడు చేసినా పర్ఫెక్ట్ మిరియాల చారు కావాలంటే ఈ టిప్స్ కొలతల్లో చేయండి. ఈసీ మిరియాల చారు జస్ట్ 5 నిమిషాల్లో తయారు. ఈ రెసిపి స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.

దక్షిణ భారత దేశంలో దాదాపుగా ప్రతీ ఇంట్లో మిరియాల చారు తప్పక చేస్తారు. కానీ ప్రాంతాన్ని బట్టి రుచి రూపం మారుతుంది. నేను ఆంధ్రా స్టైల్ నీళ్ళ మిరియాల చారు రెసిపి పోస్ట్ చేస్తున్న. ఇది జస్ట్ 5 నిమిషాల్లో తయారవుతుంది. ఈ చారుతో బంగాళాదుంప, చేమగడ్డ, అరటికాయ వేపుళ్ళు నంజుడుగా చాలా రుచిగా ఉంటుంది. ఇంకా చికెన్ మటన్ వేపుళ్ళతో కూడా సూపర్.

ముందు నేను చెప్పినట్లు చారు రుచి ఇంటికి చేతికి ప్రాంతానికి మారిపోతుంది. నేను చాలా సింపుల్ విధానం చెబుతున్నాను. ఈ చారు నీళ్లగా ఉంటుంది. సాధారణంగా రుచి పెంచడానికని ఇంకా కలుపుకోడానికి వీలుగా ఉండాలని కొద్దిగా ఉడికించిన కందిపప్పు లేదా పెసరపప్పు వేస్తారు, నేను అవేవీ వేయడం లేదు. నచ్చితే మీరు వేసుకోండి కానీ ఉప్పు పులుపు రుచి చూసి ఇంకొంచెం వేసుకోండి. కర్ణాటక, తమిళనాడు, ఇంకా ఆంధ్రాలోని కోనసీమ ప్రాంతం వారు చారులో కొద్దిగా బెల్లం వేస్తారు, నేను వేయలేదు నచ్చితే ఆఖరున వేసుకోండి.

రెసిపీ ప్రింట్ చేయడానికి

టిప్స్

చారులో మిరియాలు, వెల్లూలీ, జీలకర్రని మిక్సీలో వేసే దానికంటే దంచి వేస్తేనే చారు రుచి బాగుంటుంది.
చారులో కరివేపాకు, కొత్తిమీరా కాడలతో సహా వేస్తేనే చారు ఘుమఘుమలాడుతూ ఉంటుంది.
చారు ఒక్క పొంగు రాగానే దింపేసుకోవాలి, ఎక్కువగా మరిగిస్తే చారు సువాసన పోతుంది.
చారు దింపే ముందు ఒక్క సారి రుచి చూసి ఉప్పు సరి చేసుకోవడం మర్చిపోకండి