చేపల పులుసు | ఆంధ్రా స్టైల్ చేపల పులసు చేపల మసాలా పొడితో

Curries

5.0 AVERAGE

మసాలాలు అన్నీ సమపాళల్లో వేసి చేపల పులుసు కాస్తే ఆ రుచి గురుంచి ఎంత చెప్పినా తక్కువే! అలాంటిదే ఆంధ్రా స్టైల్ చేపల పులుసు. ఎంతో సింపుల్ చేపల పులుసు రెసిపీ ఘుమఘుమలాడే చేపల మసాలా పొడి రెసిపీతో ఉంది.

చింతపండు పులుసు పోసి దక్షిణభారత దేశం అంతటా చేస్తారు, కానీ ఒక్కోరిది ఒక్కో తీరు. నా స్టైల్ చేపల పులుసు మా ఇంటి తీరు. మా ఇంట్లో మా నానమ్మ చేసే చేపల పులుసు ఎంతో స్పెషల్. ప్రేత్యేకంగా అప్పటికప్పుడు రోట్లో రుబ్బి ఆఖరున పులుసులో వేసే చేపల మసాలా పొడి ప్రేత్యేకమైన రుచినిస్తుంది.

నిజానికి వెనుకటి ఆంధ్రుల చేపలలో గరం మసాలా వేసేవారు కాదు, తరువాతి కాలంలో చేపల పులుసుల్లో గరం మసాలా వేసి దిమ్పుతున్నారు. ఇంకా ఆంధ్రుల చేపల పులుసు అంటే కాసింత కారంగా ఇంకొంచెం పుల్లగా ఉంటుంది, మిగతా దక్షిణాది రాష్ట్రాల వారితో పోలిస్తే. చేపల పులుసు వేడిగా అన్నం, ఇడ్లీ అట్టులోకి ఎంతో రుచిగా ఉంటుంది.

రెసిపీ ప్రింట్ చేయడానికి

టిప్స్

చేపలు:

నేను రవ్వ చేపలు వాడాను, మీరు ఇంకేదైనా చేపలు కూడా వాడుకోవచ్చు.
చేపలని రాళ్ళ ఉప్పు వేసి 3-4 సార్లు బాగా కడగాలీ అప్పుడే నీచు వాసన పోతుంది.

గ్రేవీ:

చేపల పులుసుకి కాసింత ఎక్కువ నూనె ఉండాలి అప్పుడే పులుసు రుచిగా ఉంటుంది.
పులుసు ఎక్కువగా కావాలంటే ఉల్లిపాయా గుజ్జుతో పాయాఉత మిగిలిన పదార్ధాల మోతాదు పెంచుకోండి.
పులుసు సన్నని సెగ మీద నూనె పైకి తేలేదాక మరిగితేనే రుచి. ఇంకా ఉప్పు కారాలు పులుపుకి తగినట్లు ఉంటేనే పులుసు రుచి
చేప ముక్కలు వేశాకా సన్నని సెగ మీద నూనె పైకి తేలేదకా ఉడికించుకోవాలి. ఇంకా చేప ముక్కలు వేశాక గరిటతో ఎక్కువగా కడిపితే ముక్క చిదురవుతుంది
చేపల పులుసు ఎప్పుడూ చేసిన మరుసటి రోజు రుచిగా ఉంటుంది.