అల్లం పెరుగు పచ్చడి

Curries

కొన్ని వంటకాలకి వాతావరణాన్ని బట్టి రుచి పెరుగుతుంది అలా వాతావరణం చల్లగా ఉన్నప్పుడు జలుబు చేసినప్పుడు ఎంతో రుచిగా అనిపించే రెసిపీ అల్లం పెరుగు పచ్చడి. ఎంతో సింపుల్ అల్లం పెరుగు పచ్చడి రెసిపీ స్టెప్ బై స్టెప్ ఇమేజెస్ ఇంకా వీడియోతో ఉంది చూడండి

పెరుగు పచ్చడి దక్షిణ భారతదేశం వారు దాదాపుగా రోజూ భోజనంతో తింటారు. ప్రాంతాన్ని బట్టి ఎన్నో తీరులుగా చేస్తారు. నేను చేస్తున్న అల్లం పెరుగు పచ్చడి మా అమ్మమ్మ వాళ్ళ హోటల్ స్టైల్ పెరుగు పచ్చడి. వారికి ఒక కేరళ చెఫ్ నేర్పాడు. అన్నంతో ఎంతో రుచిగా ఉంటుంది. జలుబు చేసినప్పుడు నోటికి ఎలాంటి రుచి తెలియనప్పుడు ఇంకా రుచిగా అనిపిస్తుంది.

ఈ సింపుల్ అల్లం పెరుగు పచ్చడి కూడా అన్నీ పెరుగు పచ్చడులు చేసే తీరే కానీ, చేసే తీరులో రుచిలో చిన్న వ్యత్యాసం ఉంది. పర్ఫెక్ట్ రుచి కోసం టిప్స్ చూడండి.

రెసిపీ ప్రింట్ చేయడానికి

టిప్స్

ఈ పెరుగు పచ్చడి అల్లం ఘాటుతో ఉండాలి, పచ్చిమిర్చి కారంతో ఉండకూడదు. కాబట్టి పచ్చిమిర్చి మితంగా వాడండి.
మెంతులు ఎర్రగా వేగితే పచ్చడికి రుచి పరిమళం, లేదంటే చేదు.
వేసే అల్లం 1 ఇంచ్ ఇంచున్నార అంత కంటే వాడితే తినలేరు ఈ కొలత పెరుగు పచ్చడికి.
అల్లం ముద్ద తాళింపులో 2 నిమిషాలు వేగితే చాలు అంత కంటే వేగితే అల్లం ఘాటు తగ్గుతుంది.