ఆరోగ్యకరమైన స్ప్రౌట్స్ పోహా

5.0 AVERAGE

మొలకలు, అటుకులు, కూరగాయలతో నిండిన పోషకాల రెసిపీ ఈ మొలకల అటుకుల ఉప్మా(please మొలకల ఉప్మా అని ఇంగ్లీష్ లో రాయకండి స్ప్రౌట్స్ పోహా అనే రాయండి).

ఆరోగ్యకరమైన ఆరంభం అవుతుంది ఈ మొలకల పోహతో. ప్రోటీన్స్ పోషకాలు నిండిన మొలకలు తినడానికి చాలా మంది ఇష్టపడరు, కానీ ఈ తీరులో చేసుకుంటే ఎంతో ఇష్టంగా తింటారు.

ముఖ్యంగా డైట్లో ఉన్న వారికి, బ్యాచిలర్స్కి సింపుల్గా త్వరగా అయిపోయే హెల్తీ టిఫిన్ కోరుకునే వారికి బెస్ట్ చాయిస్ అవుతుంది.

ఈ సింపుల్ మొలకల పోహా కూడా దాదాపుగా నేను ఇది వరకు చేసిన మహారాష్ట్ర తీరు కాందా పోహా తీరులోనే ఉంటుంది, కానీ వేసే పదార్ధాలు వాటి కొలతలు కాస్త భిన్నం. రెసిపీ చేసే ముందు టిప్స్ చదివి చేయండి ఎప్పుడు చేసినా ఒకేలాంటి రుచిని ఆస్వాదించండి.

రెసిపీ ప్రింట్ చేయడానికి

టిప్స్

అటుకులు

కచ్చితంగా మందంగా ఉండే అటుకులు వాడుకోవాలి. కావాలంటే మీరు జొన్న రాగి లేదా మరింకేదైనా మందంగా ఉండే అటుకులు వాడుకోవచ్చు.

మొలకలు:

నేను మిక్స్డ్ మొలకలు వాడాను అంటే పెసలు ఉలవలు సెనగలు ఇలా. మీరు మీకు నచ్చిన మొలకలు వాడుకోవచ్చు.
నేను మొలకలని కేవలం 3 నిమిషాలు మాత్రమే మగ్గించాను, ఇలా చేస్తే మొలకలు పూర్తిగా మెత్తగా మగ్గిపోవు, అలా అని పచ్చిగానూ ఉండవు. మీరు ఆలా తినలేరు అనుకుంటే మొలకలని ముందు స్టీమ్ చేసి అటుకులతో పాటు వేసి టాస్ చేసుకోండి

ఇంకొన్ని తీరులు:

నచ్చితే ఆఖరున పుదీనా, కొంచెం గరం మసాలా వేసి టాస్ చేస్తే మసాలా ఫ్లేవర్ వస్తుంది.
లేదా అటుకులతో పాటుగా ఈ కొలతకి ¼ tsp సాంబార్ పొడి వేసుకోండి, అది ఇంకో పరిమళాన్నిస్తుంది.
ఇంకా నచ్చితే ఆఖరున పచ్చి కొబ్బరి వేసుకోవచ్చు. లేదా మొలకలు వదిలేసి కేవలం తాలింపు వేసి మీకు నచ్చిన పప్పులు అంటే సెనగలు ఉలవలు అలసందలు నానబెట్టి ఉప్పేసి మెత్తగా ఉడికించి అటుకులతో కలిపి ఇదే తీరులో చేసుకోవచ్చు.