హైదరాబాద్లో ఎంతో ఫెమస్ అయిన బావార్చి స్టైల్ మటన్ బిర్యానీ

5.0 AVERAGE

ఎంత తిన్నా ఎన్ని సార్లు తిన్నా మళ్ళీ మళ్ళీ తినాలనిపించే స్పెషల్ బిర్యానీ అంటే హైదరాబాదీ మటన్ ధమ్ బిర్యానీ. రెసిపీలోని సింపుల్ స్టెప్స్ టిప్స్ చాలు సూపర్ హిట్ మటన్ ధం బిర్యానీ కోసం.

వీకెండ్స్కి లేదా బిర్యానీ తినాలనిపించినప్పుడు నా స్టైల్ రెసిపీ ఫాలో అయితే చాలు, వంట రాని వారు కూడా వండర్స్ చేస్తారు. భారత దేశమంతటా బిర్యానీలున్నా హైదరాబాదీ బిర్యానీ క్రేజ్ వేరు. మసాలాల ఘాటు, చుర్రుమనిపించే కారం, పుదీనా కొత్తిమీర కుంకుమపువ్వు పరిమళం, కమ్మని నెయ్యి సువాసనతో ఎంతో ప్రేత్యేకం హైదరాబాదీ మటన్ ధామ్ బిర్యానీ.

నేను హైదరాబాద్లో ఎంతో ఫెమస్ అయిన బావార్చి స్టైల్ మటన్ బిర్యానీ చేస్తున్నా. ఇది కచ్చి ఘోష్ ధామ్ బిర్యానీ. అంటే పచ్చి మాంసంకి మసాలాలు పట్టించి ధామ్ మీద మాంసం ఉడికిఞ్చి తయారు చేసే బిర్యానీ. ఈ తీరు హైదరాబాద్లో ఎంతో ఫెమస్. కచ్చి ఘోష్కి బిర్యానీలో మాంసం మెత్తగా ఉడికి ఎంతో మృదువుగా ఉంటుంది. అన్నం పొడిపొడిగా ఉంటూ మెతు నోట్లో చేరగానే వెన్నలా కరిగి జారిపోతుంది గొంతులోకి. పక్కి ఘోష్కి బిర్యానీ అని మరో తీరు కూడా ఉంది, అది మరో సారి చెప్తా. హైదరాబాదీలు ఎక్కువగా కచ్చి ఘోషకి బిర్యానీనే ఇష్టంగా తింటారు.

సాధారణంగా ఇళ్లలో చేసే బిర్యానీలకి కొన్ని ఇబ్బందులుంటాయి, అడుగు మాడిపోవడం, సరైన బిర్యానీ ఫ్లేవర్ లేకపోవడం, మాంసం పూర్తిగా ఉడకపోవడం, లేదా అడుగు మాసాల తడిగా మిగిలిపోవడం. ఇలాంటి ఇబ్బందులు పొరపాట్లు ఏవి జరగకుండా అడుగడుగునా స్టెప్ టిప్స్ని ఫాలో అవుతూ చేయండి. 100% బెస్ట్ హైదరాబాదీ స్టైల్ మటన్ ధమ్ బిర్యానీ వచ్చి తీరుతుంది. కానీ చేసే ముందు టిప్స్ కచ్చితంగా పాటించండి.

రెసిపీ ప్రింట్ చేయడానికి

టిప్స్

మాంసం:

మాంసం లేతగా చక్కాగా ఉడికిపోతుంది, ఇంకా మసాలాలు బాగా పీల్చుకుంటుంది. బిర్యానీలకి మీడియం సైజు ముక్కలు ఉండాలి మరీ చిన్న ముక్కలైతే బిర్యానీలో కలిసిపోతాయి .

మాంసం మెత్తగా ఉడకాలంటే

లేత మాంసానికి పచ్చితంగా పచ్చి బొప్పాయి తోలు పేస్ట్, జాజికాయ పొడి వేసి రుద్ది పట్టించి రాత్రంతా నానితే మెత్తబడుతుంది.

మాంసానికి మసాలాలు రుద్ది రుద్ది పట్టించి ఎత్తి గిన్నెలో వేగంగా కొట్టాలి, అప్పుడు మాంసం కాస్త నలిగి మసాలాలు ఇంకుతాయ్ మాంసంలోకి. ఇంకా మాంసం మెత్తగా ఉడుకుతుంది.

బిర్యానీ కి సరైన పాత్రలు:

బిర్యానీ అడుగు పట్టకుండా ఉండాలనుంటే కచ్చితంగా అడుగు మందంగా ఉండే గిన్నెలు అవసరం. అప్పడే మాంసం అడుగు పట్టదు.

ఇంకా ఎప్పుడైనా kg మాంసం వండే బిర్యానీలకి 8 లీటర్ల సైజు పాత్ర ఉండాలి. నేను ఈ బిర్యానీ kg మాంసం ½ కిలో బియ్యంతో చేస్తున్నాను.

బిర్యానీ రైస్ పొడి పొడిగా రావాలంటే:

బాస్మతి బియ్యం మాంచి క్వాలిటీవి సంవత్సరం కంటే పాతవి అయిఉండాలి.
ఎప్పుడు కూడా బిర్యానీ ధం చేసే గిన్నెలో రైస్ ముప్పావు భాగమే వేయాలి. అప్పుడు ధం మీద మెతుకు పువ్వులా విచ్చుకునేందు వీలవుతుంది. మెతుకు చక్కగా ఉడికి పొడి పొడిగా ఉంటుంది.

నూనె- నెయ్యి:

బిర్యానీలకి నూనె నెయ్యి చాలినంత వేయాలి, అప్పుడే రుచి. నూనె నెయ్యి చాలినంత వేయకపోతే బిర్యానీ చల్లారాక బిరుసెక్కిపోతుంది ఇంకా నోట్లో మృదువుగా జారదు.

బిర్యానీ సువాసన ఇలా చేస్తే తగ్గుతుంది:

సాధారణంగా బిర్యానీలకి మసాలా దినుసులు సరైన మోతాదు సరైన క్వాలిటీవి ఉండాలి. లేదంటే బిర్యానీ రుచిగా ఉన్నా బిర్యానీ సువాసన ఉండదు. సరైన బిర్యానీ అంటే ఇంట్లో వండితే వీధిలోకి రావాలి సువాసన.
దయచేసి తాజా గరం మసాలా వాడుకోండి. రెడీమేడ్ పాకెట్ కొద్దిగా వాడి వదిలేసినా పాకెట్ వాడకండి, అందులో పరిమళం తగ్గిపోయి ఉంటుంది.

పచ్చిబొప్పాయికి బదులు:

పచ్చిబొప్పాయి తోలులోని పాలు మాంసాన్ని మృదువుగా చేస్తుంది. ఒకవేళ పచ్చిబొప్పాయి అందుబాటులో లేనట్లయితే మసాలాలు పట్టించి రాత్రంతా ఫ్రిజ్లో ఉంచుకోవాలి. తరువాతి రోజు బిర్యానీ చేయడానికి గంట ముందు బయట ఉంచితే చల్లదనం పోతుంది ఆ తరువాత రైస్ వేసి ధమ్ చేసుకోండి.

బిర్యానీలో ఉప్పు కారం తగ్గితే:

బిర్యానీలో ఉప్పు కారం రెండు మాంసానికి మసాలాలు పట్టించిన వెంటనే చూసుకోవాలి. ఇక్కడ పొరపాటు జరిగితే ఇంకెక్కడా మీరు ఉప్పు కారం సరిచేయలేరు.

ధమ్ చేసే తీరు:

స్టీమ్ బయటకి పోకుండా గిన్నె అంచులకి గోధుమపిండి ముద్ద పెట్టి సీల్ చేసి పెనం మీద పెట్టి హాయ్ ఫ్లేమ్ మీద స్టీమ్ వేగంగా తన్నుకొచ్చే వరకు హై ఫ్లేమ్ మీద ఆ తరువాత లౌ ఫ్లేమ్ మీద ఈ కొలతకి 25 నిమిషాలు ఉంచుకోవాలి.