సగ్గుబియ్యం అట్లు | ఆరోగ్యకరమైన అట్లు

5.0 AVERAGE

మెత్తగా దూదిలా, నోట్లో పెటుకుంటే వెన్నలా కరిగిపోయే అట్లు తినాలని ఉందా? అయితే సగ్గుబియ్యం దోశ చేయండి. ఈ సింపుల్ రెసిపీ స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.

దక్షిణ భారత దేశం వారికి అట్టుతో ఒక అనుబంధం. ఎన్ని రకాల అట్లున్నాయో. నాకు తెలిసి ప్రతీ 40 కిలోమీటర్లకి అట్లు రుచి మారిపోతుంది. అలాగే ఈ సగ్గుబియ్యం అట్టు కూడా చాలా కొత్తగా భలే రుచిగా ఉంటుంది. జస్ట్ 2 గంటలు నానితే చాలు వెంటనే అట్లు పోసుకోవచ్చు.

మా ఇంట్లో సగ్గుబియ్యం పిండితో పునుకులు కూడా వేస్తారు, చాలా రుచిగా ఉంటాయ్ అల్లం పచ్చడితో బొండాలు.

రెసిపీ ప్రింట్ చేయడానికి

టిప్స్

సగ్గుబియ్యం:

సగ్గుబియ్యం కచ్చితంగా రెండు గంటలు నానితేనే పిండి మెత్తగా మెదుగుతుంది, అట్లు రుచిగా ఉంటాయ్.

బియ్యం:

నేను సోనా మసూరి బియ్యం వడాను, మీరు కావాలంటే దోశల బియ్యం కూడా వాడుకోవచ్చు.

ఉల్లిపాయ తరుగు:

నచ్చితే వేసుకోండి లేదంటే అవసరం లేదు. ఉల్లిపాయ ముక్కలు ఉంటే అట్టు సరైన తీరులో గుండ్రంగా రాదు. అట్టు ఉల్లిపాయ వేస్తే ఒక రుచి లేకుంటే మరో రుచి.

పిండి:

పిండి పులియబెట్టాలనుకంటే పెరుగు అవసరం లేదు. మామూలుగా అట్టు పిండి మాదిరి రాత్రంతా పులియబెట్టుకోండి. పొద్దున్నే అల్లం పచ్చిమిర్చి పేస్ట్, ఉల్లిపాయ, కొత్తిమీర, కరివేపాకు కలుపుకోండి. పిండి గట్టిగా రుబ్బుకుని ఉల్లిపాయ పచ్చిమిర్చి వేసి పునుకులు వేపుకున్నా చాలా బాగుంటాయ్.

అట్టు:

ఈ అట్టు కాలడానికి కాస్త సమయం పడుతుంది, కాబట్టి ఓపికగా కాల్చుకోవాలి. త్వరగా తీసేస్తే అట్టు లోపల పిండిగా ఉంటుంది.