మధురై మీనాక్షి ఆలయం గుడాన్నా ప్రసాదం

Prasadam

5.0 AVERAGE

మెత్తగా వండుకున్న అన్నానికి మూడింతలు బెల్లం అన్నానికి సమానంగా నెయ్యి వేసి వండే పరమ పవిత్రమైన మదురై మీనాక్షీ అమ్మ ప్రసాదం గూడాన్నం.

గుడ్ అంటే బెల్లం అన్నం అంటే బియ్యంతో వండినది. లలితా సహస్రనామాలలో 494వ నామం గుడాన్న ప్రీత మానస అనే నామం ఉంది అంటే బెల్లం అన్నం ఇష్టపడే తల్లీ అని అర్ధం. ఈ గూడాన్నం తెలుగు వారు చేసే చక్కర పొంగలి తీరులోనే ఉంటుంది. కానీ తెలుగు వారి చక్కర పొంగలి లో పెసరపప్పు వేస్తారు.

సంప్రదాయ పద్ధతిలో చేసే గూడాన్నంలో బియ్యం బెల్లం నెయ్యి అంతే!!! ఈ తీరు గూడాన్నం మైసూర్ చాముండేశ్వరి ఆలయంలో ఇంకా మదురై మీనాక్షి అమ్మ కోవెలలోను అమ్మకి నివేదిస్తారు.

ఈ ప్రసాదం తమిళులు మాత్రం అరటిపండు ముక్కతో పాటు ప్రసాదంగా ఇస్తారు. ఈ సులభమైన ప్రసాదం చేసే ముందు కింద టిప్స్ చదివి చేసుకోండి.

రెసిపీ ప్రింట్ చేయడానికి

టిప్స్

అన్నం:

నానబెట్టిన బియ్యం అయితే మెత్తగా ఉడుకుతుంది. మెత్తగా ఉడికిన అన్నాన్ని కొద్దిగా మెదుపుకోవాలి.

బెల్లం:

బియ్యంకి మూడింతలు ఉండాలి ఏ కొలతకి చేసినా. బెల్లం కేవలం కరిగితే చాలు. పాకం పట్టడం లాంటివి అవసరం లేదు.

పాత బెల్లం వాడితే అన్నానికి మాంచి రంగు వస్తుంది. ఒక వేళా కొత్త బెల్లం వాడదలిస్తే కాసిని నీరు ఎక్కువగా పోసి ఎక్కువ సేపు మరిగిస్తే బెల్లం పాకం మాంచి రంగులోకి వస్తుంది.

నెయ్యి:

పాకంలో ఉడుకుతున్న అన్నంలో కొద్దీ కొద్దిగా పోసుకోవాలి.